Аляксандр Лукашэнка: Мінск і Масква захоўваюць курс на ўзмацненне інтэграцыі

Беларусь і Расія захоўваюць курс на ўзмацненне інтэграцыі. Аб гэтым Аляксандр Лукашэнка заявіў на перагаворах у пашыраным складзе з Прэзідэнтам Расіі Уладзімірам Пуціным.

«Нягледзячы ні на што, Мінск і Масква захоўваюць курс на ўзмацненне інтэграцыі. Мы падтрымліваем адзін аднаго і будзем падтрымліваць па ўсіх напрамках. Прычым нашы праекты выйшлі ўжо за межы зямной паверхні», - падкрэсліў Аляксандр Лукашэнка.

На перагаворах у вузкім складзе кіраўнікі дзяржаў абмяняліся меркаваннямі па найбольш адчувальных тэмах двухбаковага парадку дня, ад якіх залежаць стан эканомікі, стабільнае развіццё дзяржаў. Закранулі таксама міжнародную сітуацыю, абмеркавалі варыянты рэагавання на рызыкі і пагрозы, што ўзнікаюць па перыметры граніц.