Асабісты прыём грамадзян правёў Анатоль Ісачанка ў Магілёве

Асабісты прыём грамадзян правёў сёння ў Магілёве старшыня аблвыканкама Анатоль Ісачанка. Жыхароў рэгіёна, якія звярнуліся да яго, хвалявалі жыллёвыя пытанні і пытанні землеўпарадкавання і землекарыстання.

Так, на прыём да губернатара прыйшла жыхарка Магілёўскага раёна. Пенсіянерка папрасіла дапамагчы ёй вырашыць сітуацыю з зямельным участкам. Па словах жанчыны, яе суседу далі надзел зямлі, які перайшоў ёй ад бацькі, але не быў прыватызаваны. Акрамя таго, сусед пачаў работы па стварэнні сажалкі-копанкі, у выніку чаго на ўчастку заяўніцы ўрадлівы пласт быў прыведзены ў неналежны стан. Таксама яна паведаміла, што з названага ўчастка мужчына выдаліў пладовыя дрэвы, хмызнякі і дэмантаваў плот на мяжы паміж суседзямі, пашкодзіў і іншыя будынкі ў выніку правядзення земляных работ.

«Мне ўжо восьмы дзясятак гадоў. Амаль сорак з іх я аддала працы ў калгасе, і на пенсіі працягвала працаваць. Я адна выгадавала дваіх дзяцей, дагледзела сваіх бацькоў. Лічу, што незаконна маю зямлю каля бацькоўскага дома канфіскавалі і аддалі суседу. І на схіле гадоў я ўжо паўтара года ваюю за яе.

Ужо была на адным прыёме, але, магчыма, не так патлумачыла сваю праблему. Мне сказалі, што суседу ўчастак прадастаўлены на законных падставах. Але як жа мае правы? Вельмі спадзяюся, што на гэты раз мне дапамогуць разабрацца ў сітуацыі».

Анатоль Ісачанка уважліва выслухаў жанчыну, азнаёміўся з прадастаўленымі дакументамі і паабяцаў, што возьме сітуацыю на кантроль. Пасля дадатковага вывучэння праблемы жанчыне будзе дадзены адказ аб прынятым рашэнні.

Яшчэ адзін заяўнік з Клімавіцкага раёна прыйшоў шукаць вырашэння жыллёвага пытання. Сямейнай пары з дзецьмі гэтым летам выдзелілі арэнднае жыллё, якое патрабуе рамонту. Паколькі жанчыне, якая мае статус дзіця-сіраты, жыллё вылучалася з наступным пераводам яго ў сацыяльнае, пара звярнулася ў райвыканкам, лічачы, што данае жылое памяшканне не адпавядае спажывецкім якасцям. Аднак там ім адказалі, што па ўмовах дамовы арэнды наймальнікі павінны прывесці жыллё ў парадак самастойна.

Рэакцыя губернатара была адназначнай: «Пытанне павінна быць вырашана да канца месяца. Або жыллё неабходна прывесці ў парадак, або вылучыць іншую жылплошчу.

Гэта маладая сям’я з маленькімі дзецьмі. Да таго ж, жанчына – сірата. Мы павінны дапамагчы ў адпаведнасці з законам і проста па-чалавечы».

Анатоль Ісачанка даручыў запісаць дадзеную сям’ю на наступны прыём паўторна, каб пракантраляваць вырашэнне пытання.

Юлія Таранава, фота Анастасіі Камковай