Больш за 30 інавацыйных праектаў прадставіць моладзь Магілёўшчыны на абласной выставе-прэзентацыі Рэспубліканскага маладзёжнага конкурсу «100 ідэй для Беларусі». Пра гэта паведамілі ў АК ГА «БРСМ», які выступае арганізатарам мерапрыемства.
Рэгіянальны этап спаборніцтва стартуе 20 снежня ў 11.00 на базе бізнес-інкубатара ААТ «Магілёўскае агенцтва рэгіянальнага развіцця» (б-р Юбілейны, 21).
У 11.20 пройдзе прэзентацыя выставачнай экспазіцыі праектаў-удзельнікаў. Школьнікі і студэнты – пераможцы раённых і гарадскіх тураў – прадставяць на суд экспертаў свае ідэі і распрацоўкі ў самых розных сферах жыццядзейнасці, якія плануюць рэалізаваць у найбліжэйшай перспектыве. Напрыклад, тут будзе прэзентаваны клей «Le colle» (з выкарыстаннем другаснай сыравіны – пенапласту), васковыя сурвэткі для захоўвання прадуктаў (як замена харчовай плёнкі і пластыкавых кантэйнераў), навучальны трэнажор «Юны выратавальнік», які фарміруе ў гульнявой форме навыкі правільных паводзін пры ўзнікненні пажару, тэхналогія апрацоўкі разцамі з мікраўзнаўляемай рэжучай абзой (дазваляе пазбавіцца ад працэсу шліфавання) і інш.
У 12.20 адбудзецца абарона праектаў у фармаце elevator-speech. Удзельнікі конкурсу прэзентуюць уласныя ідэі перад экспертным саветам, а пасля атрымаюць магчымасць пачуць кампетэнтнае меркаванне і карысныя парады аб далейшым развіцці.
Па выніках конкурсу будуць адабраныя найлепшыя інавацыйныя ідэі, якія прадставяць Магілёўскую вобласць у фінале рэспубліканскага маладзёжнага конкурсу «100 ідэй для Беларусі». Урачыстая цырымонія ўзнагароджання пераможцаў адбудзецца ў 15.30.
Пры выкарыстанні матэрыялаў актыўная гіперспасылка на mogilev-region.gov.by абавязковая
24.04.2024 - 15:15
На ўзбярэжжы заліва Дняпра ў чэмпіянаце «Кубак чысціні Беларусі» паспаборнічаюць 23 каманды
23.04.2024 - 10:50
Моладзевы вясновы баль прайшоў у Жыліцкім палацава-паркавым ансамблі
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці