Br665,2 тыс. выкарыстала на выплату зарплаты ў канвертах камерцыйная фірма з Глускага раёна. Пра гэта расказалі ў прэс-цэнтры інспекцыі Міністэрства па падатках і зборах па Магілёўскай вобласці.
Камеральную праверку таварыства з абмежаванай адказнасцю «Т» (далей – ТАА «Т») з Глускага раёна, якое займаецца распілоўкай, габляваннем і насычэннем драўніны, правялі супрацоўнікі інспекцыі МПЗ Бабруйскага раёна. У ходзе яе правядзення былі устаноўлены факты выплаты заработнай платы «ў канвертах».
За некалькі гадоў дырэктар абнаявіў грашовыя сродкі ў агульнай суме Br620,3 тыс., залічаныя на карпаратыўныя карты арганізацыі. Акрамя таго, работнікі ТАА «Т» не па прызначэнні выкарыстоўвалі грашовыя выплаты ў памеры Br44,9 тыс., выдадзеныя на камандзіровачныя выдаткі.
Адпаведныя дакументы, якія пацвярджаюць кірунак выкарыстання названых сродкаў, у плацельшчыка адсутнічаюць.
У адрас ТАА «Т» было накіравана апавяшчэнне з прапановай у добраахвотным парадку вылічыць і выплаціць у бюджэт падаходны падатак з выплачаных даходаў. Плацельшчыкам апавяшчэнне было выканана і з сум заработнай платы «ў канверце» з улікам прымянення падатковых вылікаў вылічаны падаходны падатак у суме Br80,6 тыс.
Інфармацыя аб выяўленым парушэнні перададзена ў тэрытарыяльныя падраздзяленні дзяржаўнага пазабюджэтнага фонду сацыяльнай абароны насельніцтва і Беларускае рэспубліканскае ўнітарнае страхавое прадпрыемства «Белдзяржстрах» для спагнання належных адлічэнняў з выплачаных работнікам даходаў.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 16:38
За апошнія пяць гадоў у эканоміку Магілёўскага раёна прыцягнута два мільярды рублёў інвестыцый
22.04.2024 - 10:15
«Бабруйскаграмаш» правёў выпрабаванне навінкі - культыватара КМП-10
15.04.2024 - 16:22
Першыя ўраджаі таматаў збіраюць у Кіраўскім «Рассвете» (відэа)
15.04.2024 - 09:35