У тэатральна-канцэртнай зале абласнога цэнтра творчасці 28 красавіка ў 18.00 адбудзецца канцэртная праграма «25 старонак поспеху», прысвечаная 25-годдзю ДУДА «Цэнтр творчасці «Эверэст» г. Магілёва». Пра гэта паведаміла намеснік дырэктара па вучэбна-метадычнай рабоце ўстановы дадатковай адукацыі Алена Бялясава.
«Эверэст» – шматпрофільная ўстанова дадатковай адукацыі дзяцей і моладзі, якая ажыццяўляе дзейнасць па мастацкім, культурна-адпачыначным, сацыяльна-педагагічным, грамадска-гуманітарным, турысцка-краязнаўчым, тэхнічным, фізкультурна-спартыўным натуральна-матэматычным і эколага-біялагічным профілі. Адукацыйны працэс арганізаваны як у Цэнтры творчасці, так і на базе іншых устаноў агульнай сярэдняй адукацыі, інтэрнатаў Кастрычніцкага раёна і інш. Сёння ў 224 аб’яднаннях па інтарэсах займаецца больш за 2,4 тыс. дзяцей рознага ўзросту. Штогод навучэнцы і творчыя калектывы ўстановы становяцца пераможцамі розных спаборніцтваў, конкурсаў, аглядаў і фестываляў абласнога, рэспубліканскага і міжнароднага ўзроўняў, стыпендыятамі Спецыяльнага фонду Прэзідэнта Рэспублікі Беларусь па падтрымцы таленавітай моладзі.
«Дзякуючы высокаму прафесіяналізму адміністрацыі і педагагічнага калектыву цэнтр з’яўляецца адным з найбольш дынамічна развітых устаноў дадатковай адукацыі дзяцей і моладзі ў горадзе, – падкрэсліла Алена Бялясава. – На працягу многіх гадоў «Эверэст» становіцца лідарам штогадовага спаборніцтва па выніках сацыяльна-эканамічнага развіцця г. Магілёва і занесены на Дошку гонару адміністрацыі Кастрычніцкага раёна».
Пры выкарыстанні матэрыялаў актыўная гіперспасылка на mogilev-region.gov.by абавязковая
17.04.2024 - 12:17
Аляксандр Жыгун: наша культурная спадчына дазваляе адчуваць сябе адзінай самабытнай сям'ёй
16.04.2024 - 18:00
16.04.2024 - 17:10
У Магілёве замежным гасцям паказалі беларускі абрад «Гуканне вясны»