RU BY EN 中文
Instagram
Герб Республики Беларусь
МАГІЛЁЎСКІ АБЛАСНЫ ВЫКАНАЎЧЫ КАМІТЭТ АФІЦЫЙНЫ ПАРТАЛ
Герб Могилевской области

Дванаццаць дзіцячых шматфункцыянальных пляцовак адкрыюцца ў Магілёве ў чэрвені

02.06.202310:43

У Дзень абароны дзяцей у Магілёве адкрылі дзіцячую пляцоўку. А да Дня горада, ён адзначаецца 28 чэрвеня, іх колькасць вырасце да дванаццаці. На іх уладкаванне з абласнога бюджэту выдаткавана больш за адзін мільён шасцісот рублёў. З гарадскога бюджэту штогод выдзяляюцца сродкі на добраўпарадкаванне дваровых тэрыторый, але ў гэтым выпадку размова ішла аб бягучых рамонтах.

Па першым адрасе новага дворыка па вуліцы Астроўскага падчас адкрыцця наладзілі сапраўднае свята. У час урачыстага адкрыцця адзначылі, што сімвалічна ў Год міру і стварэння ў горадзе рэалізуецца такі маштабны праект на радасць дзецям і іх бацькам.
 
Старшыня Магілёўскага гарвыканкама Аляксандр Студнеў пажадаў галоўным героям свята вырасці такімі, каб іх землякі імі ганарыліся:
 
– Гэтае свята нагадвае нам, што мы павінны клапаціцца пра дзяцей – нашу будучыню. Жадаю выказаць словы падзякі будаўнікам. Упэўнены, што дзеці, якія жывуць не толькі ў гэтай мікразоне, будуць прыходзіць на гэтае свята кожны дзень. А бацькам хачу пажадаць, каб разам са сваімі дзецьмі яны бралі ўдзел ва ўладкаванні сваіх двароў.

Кіраўнік адміністрацыі Кастрычніцкага раёна Пётр Салаўёў падкрэсліў, што мала стварыць, трэба яшчэ падтрымліваць парадак і памнажаць:
 
- Вось мы пасадзілі туі, а вы выхадзіце і палівайце іх. Будзем разам ствараць новае агульнымі намаганнямі і для агульнага дабра.
 
Старшыня Магілёўскай гарадской Рады дэпутатаў Максім Гурын адзначыў:
 
- Мы стараліся выбраць двары з найбольшай колькасцю маладых сем'яў з дзецьмі. Адміністрацыі раёнаў сумесна з ЖЭУ абышлі практычна ўвесь горад. У сваіх акругах працавалі дэпутаты, гутарылі з жыхарамі, улічвалі іх меркаванні. Пляцоўкі атрымаліся для розных узростаў: ад малых да пенсіянераў. На пляцоўках размясцілі гульнявое абсталяванне, трэнажоры, варкаут і баскетбольная пляцоўкі. Прадумана асвятленне, дарожкі, лаўкі. Вытворцы гульнявога і спартыўнага абсталявання - беларускія прадпрыемствы. Увосень плануецца дапоўніць ландшафтны дызайн двара алеямі дрэў.

Сумесна з камунальнікамі ў работах па добраўпарадкаванні ўдзельнічалі і самі жыхары двароў. Таму падчас свята двара да мікрафона запрасілі жыхароў двара, прадстаўнікоў органаў мясцовага самакіравання. Старшыня дамавога камітэта, настаўнік пачатковых класаў Таццяна Грамыка:

- Мы раней зайздросцілі, што ў новых мікрараёнах дамы будуюцца з сучаснымі гульнявымі пляцоўкамі, а мы быццам былі пакрыўджаныя. Актывісты дваровага камітэта ўдзельнічалі і раней у пасадцы дрэў ля пад'ездаў, расчыстцы снегу ў дварах, прыбіралі лістоту. Прымусіць нікога нельга, але калі людзі бачаць, як усё зменьваецца, то становяцца лёгкімі на ўздым. А што да праекту па «перазагрузцы» дваровай тэрыторыі, то мы выходзілі, высаджвалі туі. Цяпер я выходжу па вечарах і бачу, што дзяцей у нашым двары стала болей, чым было. А яны і ёсць галоўныя знатакі.

СБ

Пры выкарыстанні матэрыялаў актыўная гіперспасылка на mogilev-region.gov.by абавязковая