Фестываль вулічнай культуры DOMA пройдзе ў сталіцы Прыдняпроўскага краю 15–28 чэрвеня. 29 творчых маладых людзей з горада на Дняпры, Віцебска і Мінска будуць упрыгожваць абласны цэнтр мураламі (велізарны малюнак, які нанесены на сцяну будынка або збудавання) і графіці да Дня горада Магілёва.
Плануецца стварэнне двух муралаў па вул. Ціміразеўская, 36 і Першамайская, 50, расквечванне больш за 10 цеплапунктаў у цэнтры.Таксама арт-аб’ектамі стануць платы ў дварах.
Акрамя гэтага, умежах фестывалю пройдуць розныя мерапрыемствы: гульня «Народны тапонім», варкшоп «Ментальныя карты горада», кіно і выстава пад адкрытым небам, dj-сэты, майстар-класы па графіці і іншыя інтэрактывы.
«Канцэпцыя фестывалю складаецца ў раскрыцці «лакальных сэнсаў», якія могуць быць для кожнага сваімі. Мы хочам даць магчымасць творчым людзям мовай сучаснага мастацтва выказаць сваё бачанне, адносіны да горада і свайго дома, – растлумачыў кіраўнік Цэнтра гарадскіх ініцыятыў Юрый Стукалаў. –Упэўнены: у абласным цэнтры з’явяцца годныя працы, і маладыя людзі праявяць сябе з найлепшага боку».
Арганізатары фестывалю –Цэнтр гарадскіх ініцыятыў, Упраўленне культуры Магілёўскага гарвыканкама, КК «Магілёўскі гарадскі цэнтр культуры і вольнага часу».
Пры выкарыстанні матэрыялаў актыўная гіперспасылка на mogilev-region.gov.by абавязковая
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці
15.04.2024 - 10:22
Удзельніца «Цягніка Памяці – 2022»: праект дапамог зірнуць на многія рэчы па-іншаму
12.04.2024 - 14:46
Больш за 6 тыс. маладых людзей Магілёўскай вобласці будуць працаваць у студатрадах
11.04.2024 - 16:44