У Беларусі прыём дакументаў у каледжы пачнецца 18 ліпеня

У Беларусі на гэтым тыдні ў каледжах стартуе прыём дакументаў на ўзровень сярэдняй спецыяльнай адукацыі. Пра гэта паведаміў першы намеснік міністра адукацыі Аляксандр Бахановіч.

Ён адзначыў:

– 18 чысла, калі завершыцца бюджэтны модуль, пачнецца прыём у нашы каледжы на ўзровень сярэдняй спецыяльнай адукацыі.

Сёлета ўстановы сярэдняй спецыяльнай адукацыі плануюць прыняць каля 39 тысяч чалавек.

Асноўныя напрамкі падрыхтоўкі застаюцца запатрабаванымі для эканомікі краіны. Сярод іх – інжынерна–тэхнічныя, педагагічныя, медыцынскія і аграрныя спецыяльнасці.

– Гэта тыя напрамкі, у якіх мае патрэбу эканоміка нашай краіны і чакае самых лепшых спецыялістаў, – падкрэсліў прадстаўнік Мінадукацыі.

СБ