23.01.2025 - 09:29

Старшыня ЦВК Ігар Карпенка расказаў, як будуць галасаваць грамадзяне з абмежаванымі фізічнымі магчымасцямі.

«ЦВК традыцыйна прымае цэлую пастанову для арганізацыі ўмоў для галасавання грамадзян з абмежаванымі магчымасцямі. Мы падрыхтавалі трафарэты для сляпых людзей. Мы падрыхтавалі шрыфтам Брайля інфармацыю аб усіх кандыдатах у Прэзідэнты. На ўчастках для людзей з аслабленым зрокам ёсць павелічальнае шкло. Ёсць інфармацыя, якая сёння транслюецца для глухіх людзей у выглядзе мовай жэстаў, - распавёў Ігар Карпенка. - Мы стараемся ўчасткі размяшчаць на першых паверхах будынкаў для зручнасці людзей з абмежаванымі магчымасцямі. Пры камісіях працуюць валанцёры, якія дапамогуць. Да таго ж, існуе магчымасць прагаласаваць дома. Заяўка падаецца альбо вусна, альбо пісьмова. Можа быць у тым ліку праз другіх асобаў пададзена заяўка ва ўчастковую камісію. У дзень выбараў яна павінна быць пададзена не пазней за 18.00».

Сёння ў рамках акцыі «Беларусь выбірае» прайшла прэзентацыя кніг «Сімвалы суверэннай Беларусі» і «Выбары ў Беларусі. Коратка аб галоўным», выдадзеных шрыфтам Брайля. У рамках мерапрыемства адбылася перадача кніг абласным бібліятэкам, а таксама спецыяльным школам для дзяцей з парушэннем зроку.

Выбары Прэзідэнта Беларусі назначаны на 26 студзеня 2025 года.

БЕЛТА