Каманда Магілёўскай вобласці стала найлепшай па хуткаснай радыётэлеграфіі

Каманда Магілёўскай абласной арганізацыйнай структуры ДТСААФ заняла 1 месца ў агульнакамандным заліку на спаборніцтвах па хуткаснай радыётэлеграфіі «Кубак Рэспублікі Беларусь сярод юніёраў», які праходзіў 11–14 сакавіка ў Магілёве.

Другую прыступку п’едэстала заняла каманда Гомельскай вобласці. Замкнулі тройку прызёраў прадстаўнікі Брэсцкай вобласці.

Юныя магілёўцы парадавалі вынікамі і ў асабістых заліках. У катэгорыі да 21 года лідарамі сталі Мікіта Біндасаў і Анастасія Бегунова. У катэгорыі да 16 гадоў дыплом II ступені заваяваў Яўген Лявонцьеў, а ў катэгорыі да 13 гадоў – Сцяпан Сіўцоў і Наталля Гудына.

Многія спартсмены павысілі свае тытулы ў радыёспорце. Так, Мікіта Біндасаў выканаў устаноўленыя нарматывы майстроў спорту Рэспублікі Беларусь.

Пераможцы і прызёры спаборніцтваў былі ўзнагароджаны кубкамі, медалямі, дыпломамі і прызамі.

mogilevnews.by