Мартынюк аб Магілёўскім КСВ: дзякуючы граматнаму пераразмеркаванню рынкаў збыту страт прыбытку няма

Граматныя рашэнні кіраўніцтва прадпрыемстваў у пераразмеркаванні рынкаў збыту прадукцыі дазваляюць не губляць у прыбытку. Такім меркаваннем падзяліўся памочнік Прэзідэнта – інспектар па Магілёўскай вобласці Леанід Мартынюк падчас рабочага візіту на ЗАТ «Магілёўскі КСВ».

«Мы бачым, што, нягледзячы на сітуацыю, якая склалася ў свеце, калектыў магілёўскага прадпрыемства працягвае ўстойліва працаваць. Магілёўскі КСВ – экспартна арыентаванае прадпрыемства, дзе экспарт прадукцыі складае 80 працэнтаў. З іх каля 30% – пастаўкі ва Украіну. Дзякуючы граматным рашэнням кіраўніцтва ў пераразмеркаванні рынкаў збыту, страт у прыбытку няма. Прадпрыемства працягвае паспяхова функцыянаваць, выпускаючы запатрабаваную на рынку будаўнічую прадукцыю».

Магілёўскі КСВ – прыватная вытворчасць, дзе выпускаюць цэглу сілікатную і вырабы ячэістага і шчыльнага сілікатнага бетону. Тут працуе каля 650 чалавек. Сярэдняя заработная плата – больш як Br1,7 тыс.

«Поспех працы любога прадпрыемства залежыць ад зладжанага і прафесійнага калектыву, які хварэе за сваю справу. Таму тут з асаблівым аптымізмам глядзяць у будучыню. У планах – мадэрнізацыя вытворчасці, да якой на прадпрыемстве пачалі рыхтавацца, – адзначыў Леанід Мартынюк. – Сённяшні візіт прайшоў з удзелам генеральнага дырэктара Магілёўскай асацыяцыі прамыслоўцаў і прадпрымальнікаў Віктара Красоўскага. Такія візіты дазваляюць нам не толькі знаёміцца з вытворчасцю, але і на месцы вырашаць пытанні, якія могуць узнікаць у кіраўніцтва ці калектыву».

БЕЛТА