Рус Бел Eng 中文

На чыгуначным вакзале ў Магілёве можна прышчапіцца ад COVID-19

На чыгуначным вакзале ў Магілёве можна прышчапіцца ад COVID-19. Пра гэта расказаў галоўны ўрач Магілёўскай цэнтральнай паліклінікі Аляксандр Басенка.

Мабільны прышчэпачны пункт вакцынацыі ад каранавіруса арганізаваны сіламі Магілёўскай паліклінікі № 12. Ён размясціўся ў медпункце вакзала, размешчаным на тэрыторыі залы чакання. Працуе прышчэпачны пункт з 14.00 да 17.00 у адпаведнасці з раскладам прыбываючых цягнікоў, асноўная маса якіх прыходзіць на Магілёўскую станцыю менавіта ў гэты прамежак часу. Атрымаць прышчэпку пакуль можна толькі ў буднія дні.

«Цяпер пункт працуе ў тэставым рэжыме, мы вывучаем попыт насельніцтва: наколькі актыўна людзі будуць прышчапляцца па-за сценамі паліклінікі, – адзначыла намесніца галоўнага ўрача ўстановы аховы здароўя Таццяна Малуціна. – За першыя два дні працы тут ужо атрымала першую дозу вакцыны больш за 20 чалавек. У асноўным пакуль гэта жыхары найбліжэйшых дамоў, сярод якіх пераважаюць людзі пенсійнага ўзросту, аднак ёсць і пасажыры прыгарадных цягнікоў: ішлі міма, убачылі рэкламу, вырашылі абараніць сябе і сваіх блізкіх».

У мабільным пункце створаны ўсе ўмовы для якаснага аказання медыцынскай паслугі па вакцынацыі ад COVID-19. Жадаючага атрымаць прышчэпку агледзяць і апытаюць на прадмет хранічных захворванняў, яму вымераць тэмпературу, ціск і ўзровень насычэння крыві кіслародам. Прышчапіцца на чыгуначным вакзале можна кітайскай вакцынай Vero Cell. На ўсіх этапах яе транспарціроўкі і захоўвання забяспечана строгае захаванне халадовага ланцуга і санітарных патрабаванняў, запэўнілі ў паліклініцы.

У Магілёўскай паліклініцы № 12 абслугоўваецца каля 20 тыс. чалавек, у тым ліку каля 4 тыс. дзяцей. Штодня на базе самой установы аховы здароўя прышчапляецца да 130 пацыентаў. Як вынік, з улікам першага і другога кампанентаў тут ужо прышчэплена амаль 22% абслугоўванага насельніцтва і больш за 96% медыцынскага персаналу.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая