У Горках стартавала абласная дабрачынная акцыя па аднаўленні святынь. Больш за сорак удзельнікаў–студэнты Беларускай дзяржаўнай сельгасакадэміі, прадстаўнікі абкама і райкама БРСМ–добраўпарадкоўвалі тэрыторыю набажэнскай капліцы прыходу ўсіх Беларускіх Святых, якая будуецца ў Горках. Хлопцы і дзяўчаты прыбралі будаўнічае смецце, зрабілі траншэі для кладкі асвятляльнага кабель-канала, устанавілі лаўкі.
Абласная акцыя прыйшла на змену рэспубліканскаму праекту саюза моладзі «Аднаўленне святынь Беларусі. Нас аб’ядноўвае гісторыя і вера», які праходзіў з 22 па 31 сакавіка. Пасля гэтага эстафета перайшла ў рэгіёны. У вобласці вызначаны 25 пунктаў, дзе маладыя люзі зоймуцца добраўпарадкаваннем і аднаўленнем цэркваў. Першымі ў дабрачыннай ініцыятыве паўдзельнічалі Горкі. Па словах першага сакратара пяршоўкі БРСМ БДСГА Уладзіслава Хомца, студэнты з задавальненнем уключыліся ў працу:
– На месца будучай капліцы выйшла 12 нашых студэнтаў. Гэта землеўпарадкавальны, меліярацыйна-будаўнічы і агранамічны факультэты. Для хлопцаў добрая справа стала добрай практыкай. Рабілі траншэі пад кабель, устанавілі лаўкі. На наступным тыдні папрацуюць на мемарыяле «Журботная маці» у Горках. Прывядзём яго ў парадак напярэдадні 9 Мая.
Дарэчы, у Год народнага адзінства ў сумесным з асноўнымі канфесіямі Беларусі праекце БРСМ зрабіў акцэнт на аднаўленне храмаў і крыніц, а таксама на добраўпарадкаванне помнікаў і абеліскаў вайсковай славы. Рэспубліканская акцыя «Аднаўленне святынь Беларусі. Нас аб’ядноўвае гісторыя і вера» ўпершыню прайшла ў 2013-м, а праз тры гады стала міжканфесійнай. Актывісты БРСМ, студэнцкая моладзь удзельнічаюць у аднаўленні не толькі праваслаўных цэркваў, але і сінагог. Толькі за мінулы год у перыяд акцыі па ўсёй краіне добраўпарадкавалі 128 культурных і рэлігійных помнікаў.
СБ, фота газеты «Горацкі веснік»
Пры выкарыстанні матэрыялаў актыўная гіперспасылка на mogilev-region.gov.by абавязковая
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці
15.04.2024 - 10:22
Удзельніца «Цягніка Памяці – 2022»: праект дапамог зірнуць на многія рэчы па-іншаму
12.04.2024 - 14:46
Больш за 6 тыс. маладых людзей Магілёўскай вобласці будуць працаваць у студатрадах
11.04.2024 - 16:44