Пракуратура Касцюковіцкага раёна адсвяткавала наваселле ў будынку па вуліцы Савецкая, 2. Раней яна размяшчалася ў пабудове канца пяцідзясятых гадоў мінулага стагоддзя. У цырымоніі адкрыцця ўдзельнічалі намеснік генеральнага пракурора Аляксей Стук, намеснік старшыні Магілёўскага аблвыканкама Валерый Малашка, пракурор Магілёўскай вобласці Аляксандр Чадзюк і старшыня Касцюковіцкага райвыканкама Аляксандра Міхеенка.
Падрадчыкам будаўніцтва выступіла Касцюковіцкая ПМК № 260. Двухпавярховы будынак пабудаваны і здадзены пад ключ у самыя кароткія тэрміны – за шэсць месяцаў. Памяшканні пракуратуры абсталяваныя з улікам усіх сучасных тэндэнцый, добраўпарадкавана прылеглая тэрыторыя, набыта новая мэбля і аргтэхніка. Ёсць памяшканне для прыёму грамадзян, а таксама ўсе ўмовы для людзей з абмежаванымі магчымасцямі.
Адным са складнікаў, які ўплывае на працаздольнасць і эфектыўнасць таго ці іншага дзяржоргана, з’яўляюцца ўмовы, у якіх людзі працуюць, упэўнены Аляксей Стук:
– Органы пракуратуры сістэматычна і мэтанакіравана, пры непасрэдным удзеле выканаўчай улады прымаюць меры па паляпшэнні ўмоў працы пракурорскіх работнікаў: рамантуюцца і мадэрнізуюцца існуючыя будынкі, узводзяцца новыя. Сёння наваселле ў пракуратуры Касцюковіцкага раёна. Тут працуе калектыў прафесіяналаў, які заўсёды стаіць на варце закона, законных інтарэсаў дзяржавы і нашых грамадзян.
Падчас адкрыцця новага будынка раённай пракуратуры была закладзена капсула з пасланнем будучым пакаленням пракурорскіх работнікаў.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 11:00
Што вырошчваюць на пацярпелых ад аварыі на ЧАЭС землях аграрыі Касцюковіцкага раёна
22.04.2024 - 16:29
Вячаслаў Максачоў: Касцюковічы павінны быць лакаматывам паўднёвага ўсходу Беларусі
19.04.2024 - 10:37
Сяўба ранніх збожжавых культур завершана ў СВК «Калгас «Радзіма» Бялыніцкага раёна (відэа)
18.04.2024 - 13:38
18.04.2024 - 09:12
Уся тэхніка на пасяўной у чэрыкаўскім агракомплексе «Светлы» беларускай вытворчасці
17.04.2024 - 12:04