Сацыяльныя пенсіі, даплаты і надбаўкі пенсіянерам вырастуць з 1 мая
У Беларусі з 1 мая ў сувязі са змяненнем бюджэту пражытачнага мінімуму ў сярэднім на душу насельніцтва (БПМ) праведзены пераразлікі сацыяльных пенсій, надбавак і павышэнняў, даплат пенсіянерам ва ўзросце больш за 75 гадоў, сацыяльных пенсій, паведамілі ў Міністэрстве працы і сацыяльнай абароны.
У Беларусі з 1 мая ўстаноўлены новыя памеры мінімальных спажывецкіх бюджэтаў
Новыя памеры мінімальных спажывецкіх бюджэтаў зацверджаны пастановай Міністэрства працы і сацыяльнай абароны ад 23 красавіка 2020 года нумар 39, паведамілі ў Мінпрацы і сацабароны. Так, мінімальны спажывецкі бюджэт на аднаго члена сям'і з чатырох чалавек з 1 мая па 31 ліпеня ў разліку на месяц складзе Br406,04 (з 1 лютага па 30 красавіка дзейнічаў адпаведны памер МСБ у памеры Br374,89).
Дзіцячыя дапамогі павышаюцца з 1 мая
У Беларусі з 1 мая вырасце сума дзіцячых дапамог і некаторых іншых сацыяльных выплат у сувязі з павелічэннем бюджэту пражытачнага мінімуму (БПМ), паведамілі ў Міністэрстве працы і сацыяльнай абароны. Пастановай Мінпрацы і сацабароны ад 23 красавіка 2020 года нумар 38 БПМ з 1 мая ў разліку на месяц устаноўлены ў памеры Br246,78. Ён павысіўся на 2,9 працэнта ў параўнанні з нарматывам, што дзейнічае з 1 лютага па 30 красавіка, адпаведна павялічваюцца і сацыяльныя выплаты, у тым ліку дзярждапамогі сем'ям, якія выхоўваюць дзяцей.
За выхадныя дні ў Магілёўскай вобласці адбылося 13 пажараў, не абышлося без гібелі
За выхадныя дні ў Магілёўскай вобласці адбылося 13 пажараў. На жаль, не абышлося без гібелі, – паведаміла старшы інспектар абласнога ўпраўлення МНС Вольга Нехарошых. Позняе выяўленне пажару не пакінула шанцаў на выратаванне 84-гадовай жыхаркі в. Тушкава Горацкага раёна. Мясцовыя жыхары ўбачылі агонь, калі жыллё ўжо палала. На падлозе ў адным з пакояў без прыкмет жыцця была знойдзена гаспадыня. Загінулая пражывала адна. Прычыну, па якой пачаўся пажар, яшчэ трэба будзе высветліць спецыялістам.
У Магілёўскай вобласці дэзынфікаваць вуліцы сталі два разы на тыдзень
Камунальныя палівальныя машыны задзейнічалі для санітарнай апрацоўкі растворам хлоркавай вапны асфальтаваных пакрыццяў ва ўсіх гарадах Магілёўскай вобласці. Гэта адна з дадатковых мер па папярэджанні распаўсюджвання каранавіруснай інфекцыі. Як паведамілі ў ГА «Жыллёва-камунальная гаспадарка Магілёўскай вобласці», да апрацоўкі вуліц на днях прыступілі ў райцэнтрах і буйных гарадах рэгіёна. У Магілёве задзейнічана спецтэхніка дарожна-маставога прадпрыемства. Ачыстку дарог хлоркай у абласным цэнтры вядуць двойчы на тыдзень і ў асноўным ноччу, калі менш транспарту.
Кіраўніцтва аблвыканкама падчас суботніка зоймецца азеляненнем тэрыторыі паблізу сярэдняй школы № 45 Магілёва
Кіраўніцтва аблвыканкама падчас рэспубліканскага суботніка зоймецца азеляненнем тэрыторыі паблізу сярэдняй школы № 45 Магілёва. 25 красавіка тут высадзяць каля 100 туй і іншых дрэў.
Ва ўстановах адукацыі Магілёўскай вобласці 25 красавіка – навучальны дзень
Як паведаміў начальнік галоўнага ўпраўлення па адукацыі Магілёўскай вобласці Андрэй Заблоцкі, у найбліжэйшую суботу ва ўстановах адукацыі будзе звычайны навучальны дзень. «У гэты дзень рэкамендавана арганізаваць навучальны працэс у выглядзе стымулюючых заняткаў па асноўных вучэбных прадметах (матэматыка, мовы, хімія, фізіка і г. д.), – адзначыў Андрэй Заблоцкі. – Таксама, улічваючы, што 25 красавіка абвешчаны рэспубліканскі суботнік, будзе наводзіцца парадак у саміх навучальных установах і на прылеглых тэрыторыях».
На электронным кірмашы вакансій 23 красавіка працоўныя месцы прапануюць арганізацыі Магілёўскай вобласці
Камітэт па працы, занятасці і сацыяльнай абароне Мінгарвыканкама пры падтрымцы Міністэрства працы і сацыяльнай абароны Беларусі 23 красавіка з 10.00 да 12.00 правядзе электронны кірмаш вакансій. Згодна з інфармацыяй на сайце камітэта, электронны кірмаш вакансій будзе даступны на сайце e-vacancy.by. Такая паслуга прапануецца ўсім жыхарам краіны і значна скарачае перыяд пошуку працы. У мерапрыемстве прымуць удзел прадпрыемствы Магілёўскай вобласці.
Беларусь плануе спрасціць атрыманне грамадзянства
Беларусь плануе спрасціць парадак атрымання грамадзянства. Ільготныя ўмовы могуць быць прадастаўлены іншаземцам, якія атрымліваюць у краіне прафесійную адукацыю. Гэта прадугледжана папраўкамі ў закон аб грамадзянстве Рэспублікі Беларусь, паведаміла член Пастаяннай камісіі па правах чалавека, нацыянальных адносінах і СМІ Палаты прадстаўнікоў Марыя Васілевіч.
⠀Беларускія рабочыя розных сфер дзейнасці аб’ядналіся, каб падтрымаць суайчыннікаў у барацьбе з COVID-19
Пандэмія COVID-19 ахапіла ўвесь свет. Сёння неабходна з цярпеннем ставіцца да навакольнага, не панікаваць і не губляць сілы духу. Менавіта цяпер той момант, калі клопат адзін пра аднаго важны асабліва. Беларускія рабочыя розных сфер дзейнасці аб’ядналіся, каб падтрымаць суайчыннікаў. «Мы–нацыя, якая годна праходзіла любое выпрабаванне. З цярпеннем ставіцца да навакольнага, не панікаваць, паважаць блізкіх і калег і не губляць сілы духу!». Пад такім дэвізам выйшаў новы відэаролік тэлепраекта АтнБел #Беларусь #МЫРАЗАМ #.
Прафсаюзныя прававыя прыёмы пройдуць 23 красавіка па ўсёй краіне
Больш за сотню юрыстаў Федэрацыі прафсаюзаў акажуць кваліфікаваную прававую дапамогу грамадзянам. Юрысты ФПБ пракансультуюць усіх жадаючых па пытаннях, звязаных з абаронай працоўных правоў і сацыяльна-эканамічных інтарэсаў. У гэтым месяцы прафсаюзны прыём праводзіцца без выезду ў рэгіёны. Кансультаванне пройдзе па тэлефонах, нумары якіх можна даведацца на інтэрнэт-партале Федэрацыі прафсаюзаў Беларусі, а таксама патэлефанаваўшы ў арганізацыі прафсаюзаў свайго горада або раёна.
Дзень Зямлі адзначаецца сёння 50-ы раз
Сёння Дзень Зямлі, абвешчаны Генеральнай Асамблеяй ААН, адзначаюць 50-ы раз. Аб гэтым паведамляе Цэнтр навін ААН. Дзень Зямлі ўпершыню адбыўся ў 1970 годзе. Тады амаль 20 млн чалавек, абураных разлівамі нафты, забруджваннем паветра і рэк, выйшлі на вуліцы, каб выказаць свой пратэст у сувязі з экалагічным крызісам. Гэта была буйнейшая акцыя грамадзянскай актыўнасці, і ўрадам давялося прыслухацца: былі прыняты заканадаўчыя акты па ахове навакольнага асяроддзя і створаны адпаведныя агенцтвы. Гэта была перамога, якая прадэманстравала сілу грамадскага адзінства.
Запланаванае на 26 красавіка рэпетыцыйнае тэставанне ў пунктах Магілёва пераносіцца
Каб задаволіць попыт абітурыентаў на рэпетыцыйнае тэставанне і каб пры гэтым у пунктаў іх правядзення была магчымасць аператыўна рэагаваць на сітуацыю і забяспечыць усе неабходныя рэкамендацыі, трэці этап рэпетыцыйнага тэставання падоўжаны амаль на месяц (па 24 мая ўключна). Пра гэта паведамляе афіцыйны Telegram-канал Міністэрства адукацыі.
Аўтапрабег «101 кіламетр бяспекі» правяло Магілёўскае абласное ўпраўленне МНС
У сувязі з пажаранебяспечным становішчам у экасістэмах, а таксама напярэдадні велікодных і радаўнічных працяглых выхадных дзён Магілёўскае абласное ўпраўленне МНС правяло аўтапрабег «101 кіламетр бяспекі», у якім прынялі ўдзел аўтаклубы «6 рэгіён» і «Аўтамагілёў», а таксама іншыя неабыякавыя да пытанняў бяспекі і экалогіі аўтаўладальнікі. «Галоўная мэта мерапрыемства – нестандартным і крэатыўным спосабам прыцягнуць увагу грамадскасці да праблемы выпальвання сухой расліннасці», – патлумачыла старшы інспектар абласнога ўпраўлення МНС Вольга Нехарощых.
У Магілёве 23 красавіка часова зменіцца рух аўтобусных маршрутаў №44 і №29
У Магілёве 23 красавіка часова зменіцца рух аўтобусных маршрутаў №44 і №29. Пра гэта паведамілі ў аддзеле транспарту Магілёўскага гарвыканкама. З 10.00 да 16.00 аўтобусы №44 і №29 будуць курсіраваць па скарочаных маршрутах да прыпыначнага пункта «ААТ “Рамонтны завод”». У пасёлак Ямніцкі пусцяць дадатковы аўтобус № 29к «Пасёлак Ямніцкі –чыгуначны пераезд». Як растлумачылі суразмоўцы, змяненне маршруту звязана з правядзеннем Магілёўскай дыстанцыяй пуці рамонтна-пуцявых работ на чыгуначным пераездзе 163 км перагону Магілёў-2 –Буйнічы (па вул. Вішнявецкага).
«Белпошта» правядзе святочную акцыю да 75-годдзя Перамогі
У межах святкавання 75-годдзя Перамогі РУП «Белпошта» правядзе акцыю. Пра гэта паведамляецца на сайце прадпрыемства. Жыхарам краіны, якія дасягнулі 75-ці гадовага ўзросту, уручаць наборы з 3-х паштовых картак віншавальнай тэматыкі з адбіткамі спецыяльнага штэмпеля, які замяняе марку. Таксама ў гонар урачыстай даты аднагодкі Перамогі змогуць бясплатна павіншаваць сваіх родных і сяброў з надыходзячым святам –9 мая! Атрымаць паштовыя наборы можна з 20 красавіка па 9 мая 2020 года, а бясплатна адправіць паштовыя карткі па тэрыторыі Беларусі – да 15 мая 2020 года.
Праект-віктарыну «Вожык таксама хоча жыць!» запускаюць абласное ўпраўленне МНС і «Радыё Магілёў»
У сувязі з пажаранебяспечным становішчам у экасістэмах, а таксама напярэдадні працяглых выхадных дзён абласное ўпраўленне МНС сумесна з абласным радыё «Радыё Магілёў» запускае праект-віктарыну «Вожык таксама хоча жыць!». Пра гэта паведаміла старшы інспектар абласнога ўпраўлення МНС Вольга Нехарошых. Галоўная мэта мерапрыемства – праз гумар і логіку дастукацца да кожнага і растлумачыць, чым небяспечныя пажары сухой расліннасці і да якіх трагічных наступстваў для прыроды і людзей яны могуць прывесці.
У Магілёве 20–22 красавіка тралейбусны маршрут № 4 будзе рухацца з прыпыначнага пункта «Любуж» да чыгуначнага вакзала
У сувязі з правядзеннем упраўленнем «Дарсэрвіс» ААТ «ДСТ №3» работ па ўкладцы асфальтабетоннага пакрыцця па вул. Першамайскай (ад зав. Транспартнага да чыгуначнага пераезду) з 9.00 да 20.00 20–22 красавіка тралейбусны маршрут №4 будзе ажыццяўляць рух з канчатковага прыпыначнага пункта «Любуж» да чыгуначнага вакзала (і назад). Пра гэта паведамілі ў аддзеле энергетыкі і транспарту ўпраўлення эканомікі гарвыканкама. У вышэйуказаны перыяд будзе арганізаваны рух аўтобуса № 32к «Чыгуначны вакзал – Чыгуначны пераезд».
Прадпрыемствы Магілёўскай вобласці запрашаюць на працу швачак для пашыву ахоўных вырабаў
Прадпрыемствы лёгкай прамысловасці Магілёўскай вобласці, якія арганізавалі пашыў ахоўных вырабаў у мэтах недапушчэння распаўсюджвання каранавіруснай інфекцыі, адчуваюць патрэбу ў кадрах. Сёння імі заяўлена ў службу занятасці больш за 100 вакансій швачак, у тым ліку: ААТ «Магатэкс» (Магілёў) – 58 вакансій: тэл.(80222) 73 59 29; ЗАТ «Магілёўская швейная фабрыка “Вяснянка”» – 12 вакансій: тэл.(80222) 22 30 97; ААТ «Бабруйсктрыкатаж» – 20 вакансій: тэл.(80225) 70 88 35; ААТ «Славянка» (Бабруйск) – 20 вакансій: тэл.(80225) 70 79 75.
Педагогі Горацкага раёна пашылі 350 масак для ўрачоў
Да агульнабеларускай ініцыятывы дапамагчы медыцынскім работнікам далучаецца ўсё больш людзей. Работнікі ўстаноў адукацыі Горацкага раёна таксама далучыліся да акцыі «Дзякуй медыкам». У кабінеце начальніка аддзела па адукацыі райвыканкама спецыялісты спакавалі для перадачы мясцовым медыкам 350 шматразовых ахоўных масак, якія зрабілі педагогі і выхавальнікі ўсіх школ і дзіцячых садкоў горада і раёна, а таксама падрыхтавалі пісьмовы зварот, словы падтрымкі медработнікам і цёплыя пажаданні.
Кампанія «Дамачай» вырабіць да Вялікадня каля 20 тон кулічоў і пернікаў
Каля 20 тон кулічоў і іншай святочнай прадукцыі вырабіць ААТ «Булачна-кандытарская кампанія “Дамачай”» да Вялікадня. Масава ў продаж велікодная здоба пачне паступаць з 17 красавіка, як заўважылі намеснік генеральнага дырэктара па вытворчасці кампаніі Вольга Цімафеенка.
Беларусь атрымала больш за 10 тыс. тэстаў на каранавірус у якасці гуманітарнай дапамогі ад Кітая
Медыцынская гуманітарная дапамога з Кітая прыбыла сёння ў Беларусь. Самалётам у Нацыянальны аэрапорт Мінск дастаўлены груз з больш чым 10,7 тыс. тэст-сістэм для дыягностыкі каранавіруса. Пра гэта паведаміў намеснік галоўнага ўрача Рэспубліканскага цэнтра гігіены, эпідэміялогіі і грамадскага здароўя Аляксандр Зяньковіч.
БЧ уводзіць новую схему рассаджвання ў вагонах
Білеты на паязды Беларускай чыгункі з нумараванымі месцамі з 15 па 29 красавіка будуць афармляцца з выкарыстаннем новай схемы рассаджвання ў вагонах, паведамілі ў прэс-цэнтры БЧ. «Рассаджванне па новай схеме - часовая мера. Яна дасць магчымасць пасажырам захоўваць неабходную сацыяльную дыстанцыю ў купэйных, плацкартных вагонах і ў вагонах з месцамі для сядзення, рэкамендаваную Міністэрствам аховы здароўя ў сувязі з неспрыяльнай эпідэміялагічнай сітуацыяй», - растлумачылі ў прэс-цэнтры.
Абласное ўпраўленне МНС сумесна і ААТ «Бабушкина крынка» запускаюць конкурс «Страва бяспекі»
Абласное ўпраўленне МНС і найбуйнейшая малочная кампанія Беларусі ААТ «Бабушкина крынка»з сённяшняга дня запускаюць конкурс«Страва бяспекі». Пра гэта паведаміла старшы інспектар ведамства Вольга Нехарошых. Прыняць удзел у творчым спаборніцтве можа любы жыхар рэгіёна. Для гэтага неабходна прыгатаваць страву на тэму бяспекі, зняць відэа ці зрабіць сэлфі, прымацаваць рэцэпт і даслаць да 24 красавіка на электронны адрас 275723@mail.ru.
За выхадныя дні ў Магілёўскай вобласці адбылося 13 пажараў, 30 разоў ратавальнікі выязджалі на тушэнне сухой расліннасці
За выхадныя дні ў Магілёўскай вобласці адбылося 13 пажараў, 30 разоў ратавальнікі выязджалі на тушэнне сухой расліннасці, 2 – на тушэнне лесу. Загінулі 3 чалавекі, як паведаміла старшы інспектар абласнога ўпраўлення МНС Вольга Нехарошых.
Супрацьэпідэміялагічныя меры прынятыя на ўсіх прызыўных пунктах Магілёўшчыны
Прызыўная кампанія на Магілёўшчыне праходзіць у звычайным рэжыме, аднак пры строгім захаванні супрацьэпідэміялагічных мер. Пра гэта расказаў ваенны камісар вобласці Аляксандр Гарошкін. Вясновы прызыў у Магілёўскай вобласці стартаваў два месяцы таму. Самы складаны этап кожнай такой кампаніі–медыцынскі агляд. Менавіта яго зараз праходзяць будучыя салдаты.
У Беларусі зноў працягваюць вясновыя школьныя канікулы
У Беларусі прынята рашэнне аб новым падаўжэнні вясновых школьных канікул – да 18 красавіка. Пра гэта паведамілі ў Адміністрацыі Прэзідэнта Беларусі. «З улікам існуючай эпідэміялагічнай абстаноўкі, сезонным уздымам захворвання па вострых рэспіраторных вірусных інфекцыях, грыпе, іншых інфекцыях і неабходнасцю стабілізацыі абстаноўкі кіраўніком дзяржавы падтрымана прапанова Мінадукацыі і Міністэрства аховы здароўя аб працягу вясновых канікул ва ўстановах агульнай сярэдняй адукацыі да 18 красавіка»,– праінфармавалі ў Адміністрацыі Прэзідэнта.
Не правярайце на справе, наколькі для вас небяспечны каранавірус – парламентарыі ад Магілёўшчыны звярнуліся да жыхароў вобласці
Дэпутаты Палаты прадстаўнікоў Нацыянальнага сходу Рэспублікі Беларусь сёмага склікання ад Магілёўшчыны звярнуліся да жыхароў вобласці, заклікаючы быць уважлівымі да свайго здароўя і здароўя блізкіх, а таксама быць адказным за свае паводзіны:
Прафсаюзныя юрысты Магілёўшчыны часцей за ўсё сёлета адказваюць на пытанні аплаты працы
Больш за ўсё зваротаў грамадзян у 1-м квартале 2020 года ў Магілёўскае абласное аб’яднанне прафсаюзаў датычылася пытанняў аплаты працы і спынення працоўных адносін. Пра гэта расказала галоўны прававы інспектар працы аб’яднання Іна Чабатарэўская. «З пачатку года з усіх раёнаў і абласнога цэнтра паступіла каля 150 пытанняў–138 вусных і 9 пісьмовых, – адзначыла спецыяліст. – У параўнанні з аналагічным перыядам мінулага года агульная колькасць зваротаў знізілася амаль на 18%».
Флэшмоб «Дзякуй урачам!» стартаваў у сацсетках Бабруйска
«У гэтыя дні тысячы ўрачоў ратуюць сотні жыццяў. Сёння яны–героі нашага часу. Гэта сэрца сімвалізуе маю асабістую падзяку медыцынскім работнікам. Дзякуй Вам #за дапамогу», – з такім зваротам выступіў Андрэй Бабін, начальнік Бабруйскага гаррайаддзела МНС. Прыняць удзел у флэшмобе могуць усе жадаючыя. Для гэтага неабходна размясціць у сябе на старонцы ў сацыяльных сетках фатаграфію з лістком паперы, на якім будзе напісана #дзякуйза.