Сотні гартэнзій, барбарысаў і кустоў шыпшыны высадзілі каля лесвіцы з фантанамі ў Магілёве
Жывая агароджа з некалькіх відаў дэкаратыўных кустоў, агароджа двайнога прызначэння, з’явілася ў магілёўскім парку Падніколле дзякуючы супрацоўнікам «Магілёўзелянбуда». Улетку яна будзе ўпрыгожваць цэнтральны ўваход у парк, а зімой пазбавіць экстрэмалаў магчымасці ладзіць несанкцыянаваныя катанні на цюбінгах. Гэта праблема сур’ёзна заявіла пра сябе мінулай зімой, і азеляняльнікі знайшлі аптымальны спосаб яе вырашэння.
Вядучая крымінальнай тэлепраграмы на «Бабруйск 360» – у ліку пераможцаў нацыянальнага этапу конкурсу антыкарупцыйнай рэкламы
У Генпракуратуры ўзнагародзілі пераможцаў і прызёраў нацыянальнага этапу міжнароднага моладзевага конкурсу сацыяльнай рэкламы «Разам супраць карупцыі!», паведамілі ў аддзеле інфармацыі нагляднага ведамства. У намінацыях «Найлепшы плакат» і «Найлепшы відэаролік» пераможцаў і фіналістаў вызначыла нацыянальная конкурсная камісія. Акрамя прадстаўнікоў Генпракуратуры, міністэрстваў унутраных спраў, адукацыі, інфармацыі, антыманапольнага рэгулявання і гандлю ў яе ўвайшлі таксама прафесіяналы ў галіне графічнага дызайну, жывапісу і кінематаграфіі.
У Магілёўскай вобласці 28 лістапада з 11.00 да 13.00 упершыню пройдзе электронны кірмаш вакансій
У Магілёўскай вобласці 28 лістапада з 11.00 да 13.00 упершыню пройдзе электронны кірмаш вакансій, які будзе даступны на сайце www.e-vacancy.by. Удзел у кірмашы прымуць 24 прадпрыемствы рэгіёна. Электронны кірмаш вакансій дазваляе ў анлайн-рэжыме забяспечыць прамы і актыўны дыялог наймальніка з саіскальнікам, якія тэрытарыяльна знаходзяцца ў розных месцах. Таксама прадугледжана магчымасць перадаць непасрэдна прадстаўніку наймальніка сваё рэзюмэ і задаць пытанні.
Для ёлачных базараў лясгасы Магілёўскай вобласці рыхтуюць 15 тыс. навагодніх дрэў
Для ёлачных базараў лясгасы Магілёўскай вобласці рыхтуюць 15 тыс. навагодніх дрэў. У продаж яны паступяць арыенціровачна 20-21 снежня, паведаміў начальнік аддзела вытворчасці і рэалізацыі прадукцыі Магілёўскага дзяржаўнага вытворчага лесагаспадарчага аб’яднання Васіль Шык. Пакупнікам прапануюць елкі і хвоі. Будуць і дрэвы ў кадках. Каштуюць яны традыцыйна даражэй, але і на гэты тавар знаходзяцца пакупнікі. Набыць навагоднія дрэвы можна будзе ў лясніцтвах і лясгасах вобласці, прычым танней, чым на ёлачных базарах.
Стартаваў дабрачынны праект Федэрацыі прафсаюзаў «Мары збываюцца»
Федэрацыя прафсаюзаў аб’яўляе навагодні праект «Мары збываюцца». Да 8 снежня чакаем ад вашых дзетак (да 16 гадоў) лісты або відэазвароты з іх самымі патаемнымі жаданнямі. Не забывайце ставіць у тэме ліста пазнаку «Мары збываюцца» і пакідаць тэлефоны для зваротнай сувязі. Сем самых арыгінальных, добрых і смелых жаданняў мы ўвасобім у жыццё пад Новы год разам з нашым Дзедам Марозам. Чаму сем? Таму што цуды павінны раўнамерна размяркоўвацца па ўсёй краіне. Па адным на кожную вобласць і сталіцу.
Прамую тэлефонную лінію правядзе 23 лістапада першы намеснік старшыні аблвыканкама Васіль Акуліч
Прамую тэлефонную лінію правядзе 23 лістапада першы намеснік старшыні аблвыканкама Васіль Іванавіч Акуліч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю. Курыруюцца напрамкі: аграпрамысловы комплекс, вытворчасць і перапрацоўка сельскагаспадарчай прадукцыі, харчовыя рэсурсы, лясная гаспадарка, зямельныя адносіны, геадэзія, ахова навакольнага асяроддзя, гідраметэаралогія.
Першая сесія абедзвюх палат абноўленага беларускага парламента адкрыецца 6 снежня
Першая сесія абедзвюх палат абноўленага беларускага парламента адкрыецца 6 снежня. Пра гэта паведаміла сёння журналістам старшыня ЦВК Лідзія Ярмошына. Палата прадстаўнікоў сёмага склікання збярэцца на першае пасяджэнне раніцай, у 10.00, а Савет Рэспублікі – у 14.00, 6 снежня, праінфармавала старшыня Цэнтрвыбаркама. «Для Савета Рэспублікі – гэта апошні дзень. Выбары ў яго прайшлі 7 лістапада. Мы да 7 снежня павінны адкрыць першую сесію», – сказала Лідзія Ярмошына. ЦВК падвядзе вынікі выбараў 22 лістапада.
У Магілёўскай вобласці сваё грамадзянскае права рэалізавала 77,63% выбаршчыкаў
На 18.00 сваё грамадзянскае права ў Магілёўскай вобласці рэалізавала 77,63% выбаршчыкаў, праінфармавалі ў абласной выбарчай камісіі. Суразмоўцы адзначылі, што з 8.00 да 10.00 участкі наведала больш за 4,3% выбаршчыкаў, з 10.00 да 12.00 яўка склала 8,2%, пік – 10,5% – прыйшоўся на наступныя дзве гадзіны. А з 14.00 да 16.00 – свае галасы аддало крыху больш за 8% жыхароў Прыдняпроўскага краю, з 16.00 да 18.00 – 7,3%. «Палітычная кампанія ў рэгіёне праходзіць досыць актыўна і ў штатным рэжыме», – падкрэслілі суразмоўцы.
Некалькі назіральнікаў з розных участкаў Магілёва былі выдалены за парушэнне заканадаўства
Нягледзячы на тое што выбары ў абласным цэнтры праходзяць у спакойнай абстаноўцы, ёсць адзінкавыя выпадкі выдалення назіральнікаў з выбарчых участкаў.
Шматдзетная сям’я Гурэевых з Магілёва перад галасаваннем уважліва вывучыла сямейнае становішча кандыдатаў
Наталля і Дзмітрый Гурэевы прыйшлі на выбарчы ўчастак, які размясціўся ў Палацы гімнастыкі ў Магілёве, разам са сваімі пяццю дзецьмі. Кажуць, звычайна наглядаць за імі просяць сяброў ці сваякоў, але сёння тыя самі на выбарах.
Карэспандэнт ТРК «Магілёў» Таццяна Сяргейчык адзначана дыпломам II ступені рэспубліканскага конкурсу «Жніво: і хлебам адзіныя»
Карэспандэнт 1 кваліфікацыйнай катэгорыі аддзела падрыхтоўкі тэлевізійных праграм РУПРТЦ «Тэлерадыёкампанія “Магілёў”» – у ліку пераможцаў рэспубліканскага творчага конкурсу на самае лепшае асвятленне ў СМІ і на інтэрнэт-рэсурсах тэматыкі ўборачнай кампаніі «Жніво: і хлебам адзіныя». Сюжэт Таццяны Сяргейчык «Сямейны экіпаж» адзначаны дыпломам II ступені з намінацыі «Найлепшыя аўтарскія матэрыялы (відэасюжэты, рэпартажы, спецыяльныя праекты), якія выйшлі ў эфір рэгіянальных тэлевізійных або радыёвяшчальных СМІ».
У Магілёўскай вобласці яўка выбаршчыкаў за тры дні датэрміновага галасавання склала 21%
За тры дні датэрміновага галасавання па выбарах дэпутатаў у Палату прадстаўнікоў Нацыянальнага сходу Рэспублікі Беларусь сёмага склікання ў Магілёўскай вобласці свой выбар на карысць таго ці іншага кандыдата зрабіла 21% выбаршчыкаў, уключаных у спісы для галасавання.
Магілёўцаў і гасцей горада 15–16 лістапада запрашаюць на вялікі святочны кірмаш
Магілёўцаў і гасцей горада 15–16 лістапада запрашаюць на вялікі святочны кірмаш. Як паведамілі ў галоўным упраўленні гандлю і паслуг аблвыканкама, ён будзе ўключаць дзве пляцоўкі з гандлёвымі радамі, якія расцягнуцца больш чым на паўкіламетра.
Завяршаюцца рамонтныя работы на «гарбатым» мосце па вуліцы Якубоўскага ў Магілёве
Завяршаюцца рамонтныя работы на «гарбатым» мосце па вуліцы Якубоўскага ў Магілёве. Пуцеправод капітальна адрамантаваны, дапоўнены арачнай галерэяй з падсветкай, лаўкамі, урнамі. Зона перамяшчэння мае веладарожку. Устаноўлены гандлёвыя павільёны. Зроблена некалькі дадатковых спускаў да створанай зоны адпачынку з лаўкамі, альтанкамі і сістэмай пешаходных дарожак. На аб’екце ўстаноўлена сучаснае энергаэфектыўнае абсталяванне.
У Магілёўскай вобласці яўка выбаршчыкаў за два дні датэрміновага галасавання склала 11,97%
За два дні датэрміновага галасавання па выбарах дэпутатаў у Палату прадстаўнікоў Нацыянальнага сходу Рэспублікі Беларусь сёмага склікання ў Магілёўскай вобласці свой выбар на карысць таго ці іншага кандыдата зрабіла 11,97% выбаршчыкаў, уключаных у спісы для галасавання.
Прыём грамадзян правядзе 15 лістапада ў Дрыбіне начальнік галоўнага кантрольна-аналітычнага ўпраўлення Магілёўскага аблвыканкама Алег Дземенкавец
Выязны прыём грамадзян і юрыдычных асоб правядзе 15 лістапада начальнік галоўнага кантрольна-аналітычнага ўпраўлення Магілёўскага аблвыканкама Алег Мікалаевіч Дземенкавец у Дрыбіне. Прыём пройдзе з 12.00 да 14.00 у мясцовым райвыканкаме. Папярэдні запіс на прыём з указаннем пытанняў, якія цікавяць, ажыццяўляецца па тэлефоне: (802248) 2 48 16, (802248) 2 53 24.
У Магілёўскай вобласці больш за 4,6% выбаршчыкаў прагаласавала датэрмінова
У першы дзень датэрміновага галасавання па выбарах дэпутатаў у Палату прадстаўнікоў Нацыянальнага сходу Рэспублікі Беларусь сёмага склікання ў Магілёўскай вобласці свой выбар на карысць таго ці іншага кандыдата зрабіла 4,63% выбаршчыкаў, уключаных у спісы для галасавання.
Усе выбарчыя ўчасткі Магілёўскай вобласці гатовыя да правядзення галасавання
На Магілёўшчыне ўсе выбарчыя ўчасткі па выбарах дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання гатовыя да правядзення галасавання, у тым ліку і датэрміновага. Пра гэта паведамілі ў абласной выбарчай камісіі.
Рэспубліканская акцыя «Не спальвай сваё жыццё» пройдзе ў Магілёўскай вобласці 11–30 лістапада
Рэспубліканская акцыя «Не спальвай сваё жыццё» пройдзе ў Магілёўскай вобласці 11–30 лістапада. Пра гэта паведаміла старшы інспектар абласнога ўпраўлення МНС Вольга Нехарошых. Традыцыйна галоўнай мэтай мерапрыемства з’яўляецца папярэджанне пажараў і гібелі людзей ад іх. Толькі за 10 месяцаў бягучага года ў нашым рэгіёне зафіксавана 663 узгаранні, якія забралі жыцці 60 чалавек. Большасць трагедый адбылася па прычыне неасцярожнага абыходжання з агнём, як правіла, пры курэнні.
Прамая лінія па пытаннях правапрымяняльнай і прафілактычнай дзейнасці Дзяржаўтаінспекцыі адбудзецца 14 лістапада
Прамую тэлефонную лінію правядзе 14 лістапада намеснік начальніка ўпраўлення ДАІ УУС Магілёўскага аблвыканкама падпалкоўнік міліцыі Віктар Мікалаевіч Цурпанаў. З 10.00 да 12.00 па нумары (80222) 63 45 94 ён адкажа на пытанні жыхароў рэгіёна, звязаныя з правапрымяняльнай і прафілактычнай дзейнасцю Дзяржаўтаінспекцыі.
Датэрміновае галасаванне па выбарах дэпутатаў у Палату прадстаўнікоў стартуе 12 лістапада
Датэрміновае галасаванне па выбарах дэпутатаў у Палату прадстаўнікоў Нацыянальнага сходу Рэспублікі Беларусь сёмага склікання пройдзе 12–16 лістапада. Пра гэта паведаміў сёння на прэс-канферэнцыі старшыня Магілёўскай абласной выбарчай камісіі Валерый Берастаў.
Памочнік Прэзідэнта Беларусі – інспектар па Магілёўскай вобласці Міхаіл Русы – правядзе прыём грамадзян 14 лістапада ў аблвыканкаме
У Магілёўскім абласным выканаўчым камітэце 14 лістапада з 9.00 прыём грамадзян, іх прадстаўнікоў, прадстаўнікоў юрыдычных асоб будзе праводзіць памочнік Прэзідэнта Рэспублікі Беларусь – інспектар па Магілёўскай вобласці Міхаіл Іванавіч Русы. Папярэдні запіс на прыём ажыццяўляецца па тэлефонах: (80222) 32 67 21, 32 71 53. Месца правядзення: упраўленне па рабоце са зваротамі грамадзян і юрыдычных асоб Магілёўскага абласнога выканаўчага камітэта (вул. Першамайская, д. 71, уваход з плошчы Леніна).
Нямецкі Вітэнберг стаў 20 горадам-пабрацімам Магілёва
Нямецкі Вітэнберг і Магілёў заключылі дагавор аб устанаўленні пабрацімскіх адносін. Дакумент быў падпісаны падчас наведвання старшынёй гарвыканкама Уладзімірам Цумаравым зямлі Саксоніі-Анхальт. Мэр паведаміў пра гэта на нарадзе ў гарадскім выканаўчым камітэце. Вітэнберг стаў 20 горадам-пабрацімам Магілёва. Зараз у абласным цэнтры рыхтуюць прапановы па супрацоўніцтве з нямецкім бокам у розных сферах дзейнасці – ад аховы здароўя да турызму.
У Магілёўскім аблвыканкаме 29 лістапада прыём грамадзян Малдовы правядзе консульскі супрацоўнік Пасольства Серджыу Урэмя
У Магілёўскім абласным выканаўчым камітэце 29 лістапада з 10.00 да 13.00 выязны прыём грамадзян Рэспублікі Малдова будзе праводзіць консульскі супрацоўнік Пасольства Сэрджыу Урэмя. Папярэдні запіс на прыём ажыццяўляецца па тэлефоне (80222) 23 02 55. Месца правядзення: упраўленне па працы са зваротамі грамадзян і юрыдычных асоб (вул. Першамайская, д. 71, уваход з плошчы Леніна).
ДАІ Магілёўскай вобласці ўзначаліў Вячаслаў Крылоў
У актавай зале ўпраўлення абласной Дзяржаўтаінспекцыі начальнік УУС палкоўнік міліцыі Ігар Шчарбачэня сёння прадставіў асабоваму складу зноў прызначаных на пасадзе начальніка УДАІ УУС падпалкоўніка міліцыі Вячаслава Крылова і намесніка начальніка УДАІ УУС – начальніка аддзялення дарожна-патрульнай службы і прафілактыкі падпалкоўніка міліцыі Віктара Цурпанава.
Класічная музыка загучала ў магілёўскіх тралейбусах
У Магілёве больш чым у 50 тралейбусах горада загучала класіка, а ў некаторых з іх з’явілася інфармацыя аб праекце і вядомых кампазітарах. Цяпер гараджане і турысты могуць паслухаць добрую музыку і расслабіцца па дарозе на працу і дадому. Праект «Дарожная рапсодыя» належыць удзельнікам летняга лагера актыўных жыхароў UrbanCamp2019 Цэнтра гарадскіх ініцыятыў і не мае аналагаў у нашай краіне. Магілёўскі філіял «Тралейбусны парк № 1» ААТ «Магілёўаблаўтатранс» падтрымаў рэалізацыю крэатыўнага праекта.
У медустановы Магілёўскай вобласці са скаргамі на ўкусы жывёл штогод звяртаецца каля 3 тыс. чалавек
У медустановы Магілёўскай вобласці са скаргамі на ўкусы жывёл штогод звяртаецца каля 3 тыс. чалавек. Большасці прызначаюць антырабічныя прышчэпкі. У рэгіёне ўжо зарэгістравана больш за 40 пацверджаных выпадкаў шаленства сярод жывёл. ТРК «Магілёў»
У Магілёўскай вобласці праводзіцца прафілактычнае мерапрыемства «Дзяржтэхагляд»
З сённяшняга дня супрацоўнікі Дзяржаўтаінспекцыі пачалі ўзмоцнена правяраць аўтамабілі на наяўнасць допуску да ўдзелу ў дарожным руху. У Магілёўскай вобласці праводзіцца прафілактычнае мерапрыемства «Дзяржтэхагляд», мэта якога – прыцягнуць увагу аўтаўладальнікаў да падтрымання транспарту ў тэхнічна спраўным стане. Мерапрыемства будзе працягвацца да 10 лістапада.
У лістападзе будуць доўгія выхадныя
У лістападзе будуць доўгія выхадныя, якія ўзнікнуць праз перанос працоўнага дня з 8 лістапада на 16 лістапада. Адпачываць беларусы будуць з 7 лістапада па 10-га. Варта памятаць, што наступны працоўны тыдзень стане даўжэйшым за кошт рабочай суботы 16 лістапада.
Амаль тысячу гаражоў плануецца знесці ў Магілёве для будаўніцтва новай дарогі
Каля 970 гаражоў плануюць знесці на тэрыторыі гаражнага кааператыва «Спадарожнік – 2008» (масіў у раёне абласной бальніцы) у сувязі з будаўніцтвам пуцеправода-дублёра вуліц Якубоўскага –Загарадная шаша ў Магілёве. Праект абмяркоўваўся на нарадзе ў Магілёўскім гарвыканкаме.