У Магілёве амаль 37,2 тыс. дзяцей атрымае падарункі да Калядаў і Новага года ад гарадскога выканаўчага камітэта. Пра гэта расказала намеснік старшыні гарвыканкама Ала Галушка.
Сёлета гарвыканкам вярнуўся да традыцыі віншаваць маленькіх магілёўцаў салодкімі падарункамі. Раней іх атрымлівалі толькі дзеці асобных катэгорый, якім была неабходна павышаная ўвага. Так, навагоднія прысмакі атрымае амаль 33,9 тыс. выхаванцаў дзіцячых садкоў з усіх 97 устаноў дашкольнай адукацыі горада і навучэнцаў 1–4-х класаў з 44 устаноў сярэдняй адукацыі. Акрамя гэтага, амаль 3,3 тыс. падарункаў будзе закуплена для дзяцей іншых катэгорый.
Падарункі будуць раздавацца ў садках, школах і гімназіях падчас навагодніх мерапрыемстваў. У горадзе паўсюдна пройдуць дзіцячыя ранішнікі, святочныя паказы, гульні і квэсты з удзелам Дзеда Мароза і Снягуркі, а таксама іншых казачных персанажаў. У гарвыканкаме адзначылі, што без увагі не застанецца ніводнае дзіця.
Аднак гэта не ўсе сюрпрызы, якія рыхтуе для дзяцей адміністрацыя абласнога цэнтра. Напрыклад, 29 снежня ў Палацы культуры вобласці адбудзецца гарадское дабрачыннае свята, на якое запрошана больш за 500 дзяцей. Сярод іх выдатнікі вучобы, таленавітыя і адораныя вучні, а таксама тыя, хто праявіў сябе ў конкурсах і на розных спаборніцтвах.
Пры выкарыстанні матэрыялаў актыўная гіперспасылка на mogilev-region.gov.by абавязковая
07.05.2024 - 17:41
Ветэран Вялікай Айчыннай вайны Марыя Ікусава прымала віншаванні з надыходзячым Днём Перамогі
07.05.2024 - 17:28
Удзельнік Вялікай Айчыннай вайны Міхаіл Цітоў прымаў віншаванні
07.05.2024 - 11:34
07.05.2024 - 10:49
Алея партыйнага адзінства і згуртаванасці з'явілася ў Магілёве (відэа)