Рус Бел Eng 中文

Пасланне з мінулага атрымалі ратавальнікі напярэдадні прафесійнага свята

Пасланне з мінулага атрымалі ратавальнікі проста напярэдадні прафесійнага свята – Дня пажарнай службы. Пра гэта паведаміла старшы інспектар абласнога ўпраўлення МНС Вольга Нехарошых.

«Усё пачалося 45 гадоў таму, калі ў будынках былога ваеннага штаба і пажарнага дэпо па вуліцы Крупскай у Магілёве пажарная каманда № 2133 арганізоўвала бяспеку в/ч 42695, – расказала суразмоўца. – Дасканала ўзнавіць усю карціну паўвекавой даўнасці не ўдалося, і знайсці відавочцаў таксама. Аднак можна выказаць здагадку, што 3 лютага 1976 года пажарны нарад з 6 чалавек пад кіраўніцтвам малодшага сяржанта Калатурскага ажыццяўляў рамонт або рэканструкцыю апорнай сцяны і ўклаў у яе шкляную бутэльку з патаемным пасланнем у будучыню і запаветам для ўсіх, хто апрануў пагоны: «Служыце, маладыя, усё жыццё наперадзе». Пасланне праверыў і зацвердзіў начальнік пажарнай каманды Рыбальчанка, а дзяжурным па часці ў гэты дзень быў маёр Плёнкін».

Як адзначыла суразмоўніца, часцінку сябе ў пасланне ўклаў кожны член пажарнага нарада: пазначаны прозвішчы, з якіх гарадоў яны родам, інфармацыя аб дэмабілізацыі (Калатурскі – Краснадар, 77 г., Эгішаў – Грозны, 76 г., Рушанян – Ерэван, 76 г., Шыян – Мінск, 76 г., Зайвай – Новачаркаск, 76 г., Панамарэнка – Эліста (Калмыкія), 77 г.).

Розная геаграфія месцаў пражывання і лёсаў звяла гэтых людзей у Магілёве 3 лютага 1976 года, быць можа, для таго, каб праз гады, ажыццяўляючы рэканструкцыю будынка, пры разбурэнні апорнай сцяны проста пад ногі будаўнікоў выпала і разбілася бутэлька, а ў ёй – пажоўклае, але выдатна захаванае пасланне.

Вельмі каштоўна, што будаўнікі не выкінулі знойдзенае, а, ахвяраваўшы асабістым часам, прараб арганізацыі Алег Каштальян прынёс пасланне ў абласны цэнтр бяспекі.

«Зразумела, пасланне асаблівай гістарычнай каштоўнасці не ўяўляе, але яно зойме сваё годнае месца ў зале гісторыі пажарнай службы Магілёўскай вобласці, – адзначыла Вольга Нехарошых. – Мы спадзяёмся, што, прачытаўшы гэты артыкул або наведаўшы музей, сваякі ці знаёмыя «хлопцаў з пажарнага нарада» перададуць ім, што пасланне дайшло!».

Дарэчы, будынак, у якім знайшлі пасланне – гэта гісторыка-культурная каштоўнасць Магілёва. Яго пабудавалі ў 1908 годзе. На тэрыторыі размяшчаўся ваенны штаб і пажарнае дэпо. Як мяркуецца, штаб уваходзіў у інфраструктуру царскай стаўкі ў часы Першай сусветнай вайны. Пасля 1917 года на гэтай тэрыторыі таксама размяшчаліся артылерыйскія часці і склады. Пасля Вялікай Айчыннай – артылерыйская база, пасля распаду СССР – база захоўвання ўзбраенняў. Закінутымі будынкі стаяць з 2002 года. У 2021 годзе пачата будаўніцтва ГЦ «Форс». Прадстаўнікі кампаніі плануюць захаваць нязменны аблічча гісторыка-культурнай спадчыны пачатку мінулага стагоддзя.

Рэд.

 

 

 

 

 

Пры выкарыстанні матэрыялаў актыўная гіперспасылка на mogilev-region.gov.by абавязковая