Пажарныя-ратавальнікі разыграюць Кубак старшыні Бабруйскага гарадскога выканаўчага камітэта. Штогадовы адкрыты турнір стартуе 15 студзеня ў горадзе на Бярэзіне, паведамілі ў Бабруйскім гаррайаддзеле па надзвычайных сітуацыях.
Плануецца, што за тытул пераможцы пазмагаецца 12 каманд, восем з якіх – прадстаўнікі МНС Беларусі, а чатыры – калегі з блізкага замежжа: Эстоніі, Латвіі, Польшчы, Расіі.
Урачыстае адкрыццё турніру адбудзецца 15 студзеня ў 18.00 у Палацы мастацтваў. У яркай канцэртнай праграме прымуць удзел работнікі МНС і творчыя калектывы горада.
Спаборніцтвы па валейболе пройдуць 16 студзеня, па міні-футболе, пажарным спорце і перацягванні каната – 17 студзеня. Спаборніцтвы прымуць спартыўныя залы «Спартак», «Геліёс» і «Славянка», манеж пажарнага аварыйна-выратавальнага атрада № 7 на аб’ектах ААТ «Белшына» (вул. Энергетыкаў, 7).
Падвядзенне вынікаў, узнагароджанне пераможцаў і ўрачыстае закрыццё турніру адбудуцца 18 студзеня ў спартыўнай зале «Спартак» у 17.00.
Упершыню турнір на кубак старшыні Бабруйскага гарадскога выканаўчага камітэта сярод падраздзяленняў пажарных-ратавальнікаў адбыўся ў 2004 годзе. З таго часу стала добрай традыцыяй напярэдадні прафесійнага свята – Дня ратавальніка – праводзіць названыя спаборніцтвы.
Пры выкарыстанні матэрыялаў актыўная гіперспасылка на mogilev-region.gov.by абавязковая
29.04.2024 - 10:44
Ігар Бокій стаў пяціразовым чэмпіёнам Еўропы па параплаванні 2024 года
25.04.2024 - 11:59
24.04.2024 - 09:53
Ігар Бокій выйграў другое золата чэмпіянату Еўропы па параплаванню