Раман Галоўчанка: стратэгія «Белшыны» дазволіць знізіць пазыковую нагрузку і выйсці на максімальную вытворчую магутнасць

Стратэгія «Белшыны» дазволіць знізіць пазыковую нагрузку прадпрыемства і выйсці на максімальную вытворчую магутнасць. Пра гэта заявіў журналістам прэм’ер-міністр Раман Галоўчанка па выніках рабочай паездкі ў Магілёўскую вобласць. Сёння кіраўнік Урада наведаў гэта прадпрыемства, а таксама азнаёміўся з ходам уборачнай кампаніі ў Магілёўскай вобласці.

Рашэнне аб тым, што трэба распрацаваць стратэгію развіцця прадпрыемства, мы прынялі яшчэ ў кастрычніку мінулага года. За гэты час праведзена вялікая праца. Для гэтага мы нанялі адну з найбуйнейшых сусветных кансалтынгавых кампаній. Увесь гэты час з камандай прадпрыемства распрацоўвалі стратэгію. Па-іншаму выйсці з няпростага фінансавага становішча, у якое трапіла «Белшына» ў сілу шэрагу прычын, было немагчыма.

Мы не проста давяраем знешняй экспертызе, а глыбока прапусцілі яе праз рэаліі прадпрыемства і сёння была адобрана.

Па словах Рамана Галоўчанкі, гэта той шлях, які дазволіць планава будаваць далейшую працу на пяцігадовым гарызонце праз рэалізацыю шэрагу кіраўніцкіх рашэнняў на прадпрыемстве, якія будуць пранізваць усю сферу – ад планавання вытворчасці да маркетынгу і збыту.

– Гэта дазволіць знізіць пазыковую нагрузку прадпрыемства і выйсці на максімальную вытворчую магутнасць пасля рэалізаваных інвестпраектаў.

Прэм’ер-міністр паведаміў, што таксама абмяркоўвалася, як арганізаваць кантроль і маніторынг выканання індыкатараў. Кожны на сваім месцы павінен разумець, якіх мэтаў ён павінен дасягнуць. Гаворачы аб далейшай дзяржпадтрымцы прадпрыемства, кіраўнік беларускага ўрада заявіў, што яна будзе зніжацца.

– Гэта экстраны інструмент, які дзяржава будзе ўжываць не як сістэмную меру, а як дапамогу для тых, хто трапіў у цяжкую сітуацыю ў сувязі са зменамі на рынку. У дачыненні да «Белшыны» гаворка аб новай дзяржпадтрымцы ў выглядзе фінансавых уліванняў не ідзе.

Пры гэтым Раман Галоўчанка адзначыў, што для рэалізацыі стратэгіі развіцця прадпрыемства ўрад разгледзіць магчымасць частковай рэструктурызацыі запазычанасці і прымянення льготных умоў для яе пагашэння.

Раман Галоўчанка: дасягнуць паказчыкаў пяцігодкі можна толькі за кошт максімальнай загрузкі магутнасцей і збыту

СБ