05.06.2026 - 11:14

Музычная праграма на рэспубліканскім свяце «Купалле–2026» у аграгарадку Александрыя Шклоўскага раёна разгорнецца на некалькіх сцэнічных пляцоўках і прадоўжыцца да глыбокай ночы.

Урачыстая цырымонія адкрыцця адбудзецца 11 ліпеня ў 15.00 з удзелам кіраўніцтва рэгіёна і ганаровых гасцей.

З 12.00 на малой канцэртнай пляцоўцы (пляцоўцы Саюзнай дзяржавы) пачнуцца выступленні вядучых калектываў народнай творчасці і прафесійных выканаўцаў Беларусі, зорак эстрады, а таксама знакамітых ураджэнцаў Магілёўскага краю. Чакаюцца таксама артысты Алена Курская з Санкт–Пецярбурга, Кірыл Масковіч з Рэспублікі Малдова, Смаленскі рускі народны аркестр імя У.П.Дуброўскага і аркестр народных інструментаў імя Л.Л.Іванова.

З 17.00 да 18.30 пройдзе канцэрт «Саюзныя зоркі ў гасцях у Александрыі» з удзелам папулярных калектываў і выканаўцаў Расіі і Беларусі. У праграме: Таццяна Куртукова (Масква), Цімур Рамазанаў (Уфа), Кубанскі казачы хор, Дзяржаўны акадэмічны ансамбль танца Дагестана «Лязгінка», Паўночны рускі народны хор і іншыя. Канцэрт прысвяцяць Году адзінства народаў Расіі і Году беларускай жанчыны.

Далей рушаць услед праграмы «Купалле — чароўнае каханне» ансамбля «Медуніца», музычны праект «Гонар і Якасць» вакальнага ансамбля «Весялуха» і купальскае караоке микс–шоу «Старыя песні аб галоўным».

Галоўны канцэрт адбудзецца з 21.30 да 23.30 на асноўнай сцэнічнай пляцоўцы. Выступяць беларускія выканаўцы і зоркі расійскай эстрады. Завершыць канцэрт святочны феерверк. Адначасова на супрацьлеглым беразе Дняпра запаляць купальскае вогнішча.

У ноч з 11 на 12 ліпеня (з 00.00 да 03.00) на малой канцэртнай пляцоўцы пройдзе маладзёжная дыскатэка «Купальскі Ярыла–Дэнс» з удзелам радыёстанцыі «Душэўнае радыё», папулярнага расійскага кавер–гурта «ДыскаХаўс аркестра», а таксама MCі артыстаў Магілёўскай вобласці.

Рэд.