08.07.2026 - 16:15

Тэхналагічную падтрымку аграрыям Магілёўскай вобласці аказваюць механізаваныя атрады, створаныя на базе ААТ «Задняпроўскі міжрайаграсэрвіс», ААТ «Кіруючая кампанія холдынгу «Аграмашсэрвіс» і ААТ «Круглянскі аграпрамтэхзаб». Спецыялізаваныя звёны задзейнічаны на корманарыхтоўцы, ворыве і вывазе угнаенняў, а таксама гатовы да актыўнага ўключэння ва ўборачную кампанію.

Дырэктар базы ААТ «Кіруючая кампанія холдынгу «Аграмашсэрвіс» Ігар Казаноўскі адзначае, што мехатрады — добрая дапамога для гаспадарак, калі справа тэхнікі — залог своечасовасці, а значыць і эканамічнай эфектыўнасці сельгасработ:

— Тыдзень таму мехатрад МНС з дзесяці збожжаўборачных камбайнаў адправіўся на жніво ў паўднёвыя раёны вобласці. Такі вопыт упершыню апрабавалі летась. Арыентыровачна пры такім надвор'і з пачатку наступнага тыдня падключацца яшчэ дзевяць экіпажаў зводнага атрада МУС. Таксама мехатрад створаны ў Бабруйскім раёне — разам ад нас будзе задзейнічаны 21 камбайн. Новая тэхніка была атрымана ў 2025 годзе. Нашы мехатрады працуюць у Асіповічах, Бабруйску, Клічаве, Глуску, учора завяршылі работы ў Кіраўску. Надвор'е ўжо тыдзень дажджлівае, але мы працуем, кармы нарыхтоўваюцца: за ўчарашні дзень зводны мехатрад нарыхтаваў каля пяці тысяч тон.

Адзін з атрадаў створаны на базе ААТ «Круглянскі аграпрамтэхзаб». Дапамога мехатрада вельмі запатрабавана, падкрэслівае дырэктар Віктар Шчуплянкоў:

— На корманарыхтоўцы ў нас працуюць два звяна ў Асіповіцкім раёне, столькі ж у Бялыніцкім і адно ў Круглянскім. У кожным звяне ад 6 да 10 адзінак тэхнікі. Да жніва тэхніка гатова, і ўжо ёсць заяўкі: у нас шэсць камбайнаў і па дзве адзінкі па адвозцы збожжа на кожны. Частку тэхнікі атрымалі па пастанове Саўміна, астатнюю па–хозяйску аднавілі — і працуем.

Больш за ўсё мехатрад створана на базе ААТ «Задняпроўскі міжрайаграсэрвіс». На корманарыхтоўцы працуюць звёны ў Хоцімскім, Клімавіцкім, Слаўгарадскім, Чавускім, Бялыніцкім, Быхаўскім, Магілёўскім і Горацкім раёнах. Усё на працоўных месцах, ловяць кожны пагодлівы момант. У складзе звяна — два КВК, пяць МАЗаў на адвозцы, каса і адна адзінка на трамбоўцы. Ва ўборачнай будуць удзельнічаць 11 збожжаўборачных камбайнаў, экіпажы ўкамплектаваны па два чалавекі. Паслугі будуць аказваць па ўсёй вобласці, тры камбайны будуць працаваць у Быхаўскім раёне на ўборцы рапсу на ўласных сельгасугоддзях прадпрыемства. Па папярэдніх прагнозах, старт будзе дадзены 15 ліпеня. Таксама мехатрады «Задняпроўскага міжрайаграсэрвіса» задзейнічаны на вывазе гною ў чатырох раёнах і на ворыве заняты шэсць энерганасычаных трактароў з плугамі.

СБ