Малочная прадукцыя Шклоўскага масларобнага завода карыстаецца попытам не толькі ў Беларусі, але і за межамі краіны. На прадпрыемстве не толькі праводзяць мадэрнізацыю, але і асвойваюць выпуск новай прадукцыі. У найбліжэйшай будучыні тут пачнуць перапрацоўваць казінае малако.
– Перапрацоўкай і выпускам казінага малака ў Беларусі займаецца ААТ «Беллакт» і сялянская (фермерская) гаспадарка «ДАК». У цэлым жа гэтага прадукту на рынку вельмі мала, а ў Магілёўскай вобласці і зусім не знайсці. Таму і ўзнікла ідэя наладзіць яго выпуск. Праблемным стала пытанне пошуку пастаўшчыка малака. І вось на базе Магілёўскага Дзяржплемпрадпрыемства створана першая ў Беларусі дзяржаўная казіная ферма, закуплена 150 жывёл альпійскай і зааненскай парод, – расказвае дырэктар масларобнага завода Аляксей Мошкін. – Мы закупілі абсталяванне для разліву суцэльнага казінага малака з масавай доляй тлушчу 2,8–5,5%. Яно не будзе падвяргацца нармалізацыі па тлушчы, гэта значыць не будзе падзяляцца на вяршкі і абрат. Малако не мае спецыфічнага паху і густу, як гэта думаюць многія.
Пажыўнае і гіпаалергеннае казінае малако будзе фасавацца ў ПЭТ-бутэлькі па 0,9 л. На прадпрыемстве ўжо распрацоўваецца этыкетка і прапрацоўваюцца рынкі збыту новай прадукцыі. На сённяшні дзень на завод ужо завезена пробная партыя, зроблены яго разліў і прадукцыя даследуецца на тэрмін прыдатнасці. Паводле папярэдніх даных ён можа дасягаць 15 сутак. Плануецца, што першая прадукцыя з’явіцца на паліцах крам праз месяц.
Пры выкарыстанні матэрыялаў актыўная гіперспасылка на mogilev-region.gov.by абавязковая
08.05.2024 - 20:31
Леанід Мартынюк: наша прамысловасць не стаіць на месцы і мае добрыя тэмпы нават у цяперашніх умовах
25.04.2024 - 16:38
За апошнія пяць гадоў у эканоміку Магілёўскага раёна прыцягнута два мільярды рублёў інвестыцый
22.04.2024 - 10:15
«Бабруйскаграмаш» правёў выпрабаванне навінкі - культыватара КМП-10
15.04.2024 - 16:22
Першыя ўраджаі таматаў збіраюць у Кіраўскім «Рассвете» (відэа)
15.04.2024 - 09:35