Штогадовая рэспубліканская навукова-практычная канферэнцыя «Ахова працы – клопат агульны» пройдзе 16–17 верасня ў Магілёве

Штогадовая рэспубліканская навукова-практычная канферэнцыя «Ахова працы–клопат агульны» пройдзе ў Магілёве 16‑17 верасня. Пытанні стварэння здаровых і бяспечных умоў працы, прафілактыкі вытворчага траўматызму на адной пляцоўцы абмяркуюць прадстаўнікі Міністэрства працы і сацыяльнай абароны, органаў дзяржаўнага нагляду, кіраўнікі і спецыялісты па ахове працы арганізацый рэспублікі.

За два дні канферэнцыі яе ўдзельнікі азнаёмяцца з асноўнымі напрамкамі ўдасканалення заканадаўства аб працы і аб ахове працы, абмяркуюць падрыхтаваныя змены ў Правілы расследавання і ўліку няшчасных выпадкаў на вытворчасці і прафесійных захворванняў, а таксама падзеляцца вопытам практычнай работы па стварэнні здаровых і бяспечных умоў працы.

Падчас канферэнцыі прадугледжана наведванне прамысловых прадпрыемстваў Магілёва з мэтай азнаямлення з вытворчымі працэсамі і арганізацыяй аховы працы.

З праграмай можна азнаёміцца тут

Рэд.