Актыўная моладзь Беларускага дзяржаўнага ўніверсітэта харчовых і хімічных тэхналогій добраўпарадкавала брацкае пахаванне часоў Вялікай Айчыннай вайны ў вёсцы Вялікае Бушкава Магілёўскага раёна. Пра гэта расказала студэнтка 4-га курса і сакратар пярвічнай арганізацыі ГА «БРСМ» Таццяна Жыліна.
Да ўборкі на памятным месцы далучыліся амаль 10 актывістаў і жыхары аграгарадка Сухары. «Сёння мы добраўпарадкавалі брацкую магілу, дзе пахаваны 98 байцоў Чырвонай арміі, якія загінулі ў гады Вялікай Айчыннай вайны. Мы ніколі не застаемся ў баку ад такой працы, гэта наш абавязак - захоўваць не толькі ў сэрцах памяць аб подзвігу нашых продкаў, але і падтрымліваць чысціню і парадак там, дзе нашы вызваліцелі знайшлі свой спакой», - сказала Таццяна Жыліна.
Працоўны дэсант прыбраў смецце і галінкі, якія засталіся пасля зімы, прывёў у парадак тэрыторыю як самога пахавання, так і побач з ім. З надыходам спрыяльнага надвор'я актыўная моладзь ВНУ плануе прымаць удзел у навядзенні парадку ў абласным цэнтры, а таксама рэгулярна выязджаць на памятныя мясціны, каб падтрымліваць іх у парадку.
«Прыемна адзначыць, што хлопцы заўсёды па волі сэрца далучаюцца да гэтых акцый. Такія помнікі, нават у самых маленькіх вёсачках, - гэта заўсёды месцы памяці. І нашмат прыемней будзе прыходзіць туды і бачыць, што за іх станам сочаць, што тут падтрымліваюць парадак, - адзначыла Таццяна Жыліна. - Наш абавязак - захаваць гістарычную памяць, якая павінна перадавацца з пакалення ў пакаленне. Важна, каб мы ведалі і шанавалі сваіх герояў».
Пры выкарыстанні матэрыялаў актыўная гіперспасылка на mogilev-region.gov.by абавязковая
24.04.2024 - 15:15
На ўзбярэжжы заліва Дняпра ў чэмпіянаце «Кубак чысціні Беларусі» паспаборнічаюць 23 каманды
23.04.2024 - 10:50
Моладзевы вясновы баль прайшоў у Жыліцкім палацава-паркавым ансамблі
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці