Святлодыёдная тэхніка ААТ «Зеніт» павышае эфектыўнасць працы лясной гаспадаркі

ААТ «Зеніт» распрацаваў і запусціў у серыйную вытворчасць лінейку святлатэхнікі для аснашчэння спецыяльных машын, якія працуюць у лясной гаспадарцы. Фары і ліхтары магілёўскага прадпрыемства могуць выкарыстоўвацца на форвардарах, харвестарах, аўтатрактарнай тэхніцы, а таксама на розных працоўных пляцоўках, у памяшканнях.

Высакаякасная оптыка фар мае вялікае значэнне для лесанарыхтоўчых машын. Паўнавартаснае асвятленне рабочай зоны забяспечвае максімальна камфортныя ўмовы для аператараў і непасрэдна ўплывае на павелічэнне прадукцыйнасці тэхнікі. Акрамя таго, павышае бяспеку работ пры валцы лесу. Якасць асвятлення здольна шмат што змяніць і адбіцца на паляпшэнні паказчыкаў эфектыўнасці лесанарыхтоўкі ў цэлым.

Сёння ў гаспадарках лясной галіны найбольшым попытам карыстаецца фара ФРОС 24 01 Р2000 з высокай далёкасцю асвятлення рабочых зон. Дыяграмы святлоразмеркавання фар сканструяваныя так, каб максімальна асвятліць працоўную пляцоўку, пры гэтым мінімальна асляпляючы іншых удзельнікаў работ. Таксама фары маюць спецыяльныя паглынальнікі выкідаў энергіі бартавой сеткі, што абараняе ад пашкоджанняў не толькі электроніку саміх фар, але і іншую электронную апаратуру.

– Замена састарэлай галагеннай святлатэхнікі на гэтыя фары дазваляе рэзка палепшыць якасць і надзейнасць асвятлення, павысіць прадукцыйнасць і бяспеку працы, а таксама знізіць прастоі, – адзначыў намеснік галоўнага канструктара ААТ «Зеніт» Сяргей Ігнатаў. Ён таксама звярнуў увагу, што па дадзенай святлатэхніцы адсутнічаюць адмовы. – У нас няма ні адной рэкламацыі ад лясгасаў, дзе яна ўстаноўлена, і мы гатовыя і далей працягваць працу па замене састарэлай і ўстаноўцы новай святлатэхнікі. Габарытныя і ўсталявальныя памеры оптыкі ўніверсальныя і падыдуць для тэхнікі як айчыннай, так і замежнай вытворчасці. Самі фары абсталяваны высоканадзейнымі раздымамі. Па дамове святлатэхніку аснасцяць раздымамі любога тыпу і ўсталююць дадатковыя кранштэйны і іншыя аксесуары.

ААТ «Зеніт» вырабляе надзейныя святлодыёдныя свяцільнікі серыі ДКУ03 і ДБУ01 для вулічнага і прамысловага асвятлення са ступенню абароны IP67, а таксама святлодыёдныя лямпы серыі ЛСБН для замены люмінесцэнтных лямпаў 600, 1200 і 1500 мм і лямпы спецыяльнага прызначэння.

Пераход на святлатэхніку ААТ «Зеніт» дазваляе знізіць спажыванне энергіі ў 2,5–10 разоў, у залежнасці ад тыпаў лямпаў і свяцільнікаў, якія замяняюцца.

– У адпаведнасці з планам памяшкання мы вырабляем святлотэхнічны разлік і прапануем аптымальныя варыянты, якія максімальна зніжаюць энергаспажыванне пры мінімальнай цане, –гавораць спецыялісты ААТ «Зеніт». – Для станочнага парку мы вырабляем святлодыёдныя лямпы 24В пераменнага току, для назіральных ям можам прапанаваць лямпачкі і свяцільнікі на 24В або 36В. Кожны асобнік свяцільніка праходзіць поўны аб’ём праверак і завадскіх выпрабаванняў. Надзейнасць і даўгавечнасць –адметная асаблівасць гэтай прадукцыі, бо пры вытворчасці выкарыстоўваюцца высакаякасныя святлодыёды вядомых сусветных фірмаў SAМSUNG, CREE і ОSRAM. Гэта забяспечвае тэрмін службы святлатэхнікі каля 12–15 гадоў, пры гарантыйным тэрміне эксплуатацыі не менш за 3 гады.

Сёння «Зеніт» вырабляе больш за 30 мадэляў святлодыёдных фар і ліхтароў, якія паспяхова канкурыруюць з прадукцыяй такіх лідараў рынку, як HELLA (Германія), NORDICLIGHT (Фінляндыя), PROLIHGT (ЗША), TYRI (Швецыя). Прадукцыя ад ААТ «Зеніт» мае перавагі па шэрагу тэхнічных характарыстык, пры гэтым яна значна таннейшая.

Уся святлодыёдная прадукцыя з’яўляецца ўласнай распрацоўкай ААТ «Зеніт», адпавядае патрабаванням тэхнічных рэгламентаў Мытнага саюза.

СБ