У Крычаве прэзентавалі турыстычны праект «Дарогамі Пацёмкіна»

У Палацы Пацёмкіна ў Крычаве прайшла прэзентацыя міжнароднага турыстычнага праекта «Дарогамі Пацёмкіна: па памятных месцах князя-стваральніка». Пра гэта паведаміў дырэктар гістарычнага музея Крычава Уладзімір Мішчанка.

«Гэты праект –сумесная праца нашага музея і асацыяцыі «Агенцтва інтэграцыйных ініцыятыў»(Смаленск). Мінулая прэзентацыя –гэта фінальны акорд нашага праекта, у якім мы пастараліся сабраць усе самыя важныя і знакавыя месцы князя Рыгора Пацёмкіна. Ён аб’яднаў у сабе Смаленскую вобласць, горад Крычаў і Крым, у развіцці якога князь прымаў актыўны ўдзел», – расказаў Уладзімір Мішчанка.

Так, падчас рэалізацыі праекта прайшоў міжнародны мітап на беразе Чорнага мора, дзе ўдзельнікі збіралі ўнікальныя экспанаты і звесткі аб жыцці і дзейнасці Рыгора Пацёмкіна. Таксама адной з частак праекта стаў гістарычны квэст на тэму малой радзімы расійскага князя –ён праходзіў у Смаленскай вобласці. На базе Палаца Пацёмкіна ў Крычаве была створана віртуальная экспазіцыя, прысвечаная жыццю і спадчыне дзяржаўнага дзеяча.

«Так мы падвялі вынікі практычна гадавой працы. Удзельнікі мерапрыемства пазнаёміліся з новым фільмам, звязаным з месцамі Р. А. Пацёмкіна, анлайн-турам «Дарогамі Пацёмкіна» і новым тэматычным сайтам. Далей для гасцей была праведзена экскурсія па залах палаца Пацёмкіна. Сапраўдным сюрпрызам для ўдзельнікаў прэзентацыі стаў самы сапраўдны баль. Таксама госці пазнаёміліся з выдатнымі мясцінамі горада», – адзначыў дырэктар музея.

Удзельнікамі прэзентацыі міжнароднага праекта сталі студэнты Смаленскага філіяла РЭУ імя Г. В. Пляханава, краязнаўцы, музейныя работнікі, блогеры і журналісты з Беларусі і Расіі.

БЕЛТА