Магілёўскае абласное аддзяленне Беларускага дзіцячага фонду з 1 жніўня запусціла акцыю «Цяпер я ў першым класе». У 52 дзіцячых дамах сямейнага тыпу, якія існуюць у рэгіёне, 11 дзяцей у гэтым годзе пойдуць у першы клас. Сабрацца ім у школу можа дапамагчы кожны: для гэтага варта купіць неабходныя для ўрокаў канцылярыю, пісьмовыя прыналежнасці, наборы для творчасці. Рэчы будуць перададзены канкрэтным дзецям.
– У краіне праходзіць рэспубліканская акцыя «Збярэм дзіця ў школу». Мы яе трохі перайначылі і падышлі да пытання адрасна. Вырашылі дапамагчы сабрацца ў першы клас 11 дзеткам, якія выхоўваюцца ў дамах сямейнага тыпу. Неўзабаве размесцім аб’яву аб акцыі са спісам будучых першакласнікаў у сацыяльных сетках, – адзначыла дырэктар абласнога аддзялення Беларускага дзіцячага фонду Ірына Фісюк.
Ірына Алегаўна адзначыла, што такая форма, калі канкрэтныя рэчы ідуць канкрэтнаму дзіцяці, мае глыбокі сэнс:
– Людзі робяць добрую справу і бачаць, каму дапамагаюць, паварочваюцца да дзяцей тварам. Акцыя будзе доўжыцца на працягу жніўня. Затым у планах сабраць нашых першакласнікаў разам і зладзіць ім свята перад важным этапам – уступленнем у школьнае жыццё.
Беларускі дзіцячы фонд па шматгадовай традыцыі дапамагае сіротам, хворым дзецям, дзецям-інвалідам, дзецям са шматдзетных і няпоўных сем’яў, якія навучаюцца ў агульнаадукацыйных і спецыяльных школах падрыхтавацца да новага навучальнага года. І асаблівая ўвага надаецца тым дзецям, якія пойдуць у першы клас.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 16:40
У Магілёве прыступілі да добраўпарадкавання дзіцячых пляцовак
25.04.2024 - 16:05
Выплаты матэрыяльнай дапамогі ветэранам да Дня Перамогі праходзяць ва ўрачыстай атмасферы
25.04.2024 - 12:17
У Магілёўскай вобласці сёлета пабудуюць 15 новых станцый абезжалезвання