У Магілёўскай вобласці ў 2021 годзе за кошт дзяржаўных сродкаў аздаравілася больш за 82 тысячы чалавек

У 2021 годзе за кошт дзяржаўных сродкаў у Магілёўскай вобласці аздаравіліся 82774 чалавекі, паведамілі ў Рэспубліканскім цэнтры па аздараўленні і санаторна-курортным лячэнні насельніцтва.

– За кошт сродкаў дзяржаўнага сацыяльнага страхавання праз камісіі па аздараўленні і санаторна-курортным лячэнні прадпрыемстваў, арганізацый з ліку працоўных грамадзян і іх непаўналетніх дзяцей было накіравана на санаторна-курортнае лячэнне і аздараўленне 5925 чалавек, з іх 2899 дзяцей, у тым ліку 896 у суправаджэнні дарослага, што склала 29,2 працэнта ад колькасці тых, хто мае патрэбу, – адзначылі ў цэнтры. – Асаблівая ўвага надавалася аздараўленню сацыяльна неабароненых катэгорый грамадзян. Перш за ўсё гэта дзеці ва ўзросце да 18 гадоў, якім устаноўлена інваліднасць. За студзень–снежань мінулага года бясплатна накіравана на санаторна-курортнае лячэнне 329 дзяцей-інвалідаў за кошт сродкаў рэспубліканскага бюджэту, у тым ліку з дыягназам ДЦП-47. Акрамя таго, было аздароўлена 6 дзяцей-інвалідаў за кошт сродкаў пазабюджэтнага фонду дзяржаўнага сацыяльнага страхавання, 27 з іх пражывае на тэрыторыі, забруджанай пасля аварыі на ЧАЭС.

У перыяд летняй кампаніі ў розных аздараўленчых лагерах адпачылі 583 чалавекі з ліку дзяцей-інвалідаў.

– Усяго за мінулы год было аздароўлена 62,7 працэнта ад колькасці тых дзяцей-інвалідаў, хто звярнуўся, – удакладнілі ў цэнтры.

За кошт рэспубліканскага бюджэту таксама былі выдзелены ў пазачарговым парадку пуцёўкі на санаторна-курортнае лячэнне 15 інвалідам і ўдзельнікам Вялікай Айчыннай вайны і прыраўнаваным да іх і 927 непрацоўным інвалідам I і II групы, якія маюць права на першачарговае забеспячэнне пуцёўкамі. З частковай аплатай кошту пуцёвак было накіравана ў санаторна-курортныя арганізацыі 2287 чалавек з ліку непрацоўных ветэранаў працы і інвалідаў III групы, у тым ліку тых, хто з’яўляецца пенсіянерамі сілавых структур.

На асаблівай увазе знаходзіцца аздараўленне насельніцтва, пацярпелага пасля аварыі на Чарнобыльскай АЭС, і перш за ўсё дзяцей, якія пражываюць і вучацца на забруджаных радыенуклідамі тэрыторыях.

– Для гэтай катэгорыі дзяцей прадастаўляецца штогадовае бясплатнае санаторна-курортнае лячэнне і аздараўленне – адна з найбольш значных і дзейсных мер па зніжэнні негатыўнага ўплыву наступстваў Чарнобыльскай катастрофы на іх здароўе. За 2021 год такое лячэнне і аздараўленне прайшлі 6813 дзяцей, у тым ліку 699 – дашкольнага і малодшага школьнага ўзросту, 3 дзяцей-інвалідаў, 193 ва ўзросце з 3 да 6 гадоў у суправаджэнні аднаго з бацькоў. Гэтак жа было аздароўлена 10 непрацоўных інвалідаў I і II групы, якія пацярпелі ад катастрофы на ЧАЭС. У вобласці забяспечаны стопрацэнтны ахоп санаторна-курортным лячэннем пацярпелых ад катастрофы на Чарнобыльскай АЭС дзяцей, якія маюць адпаведныя медыцынскія паказанні.

За мінулы год таксама было аздароўлена 158 студэнтаў і 65395 школьнікаў у аздараўленчых лагерах.

З агульнай колькасці аздароўленага насельніцтва Магілёўскай вобласці з выкарыстаннем дзяржаўных сродкаў у 2021 годзе 91,3 працэнта складалі дзеці, рэзюмавалі ў Рэспубліканскім цэнтры па аздараўленні і санаторна-курортным лячэнні насельніцтва.

СБ