Рус Бел Eng 中文

Віктарына, прысвечаная Дню выратавальніка, стартуе 18 студзеня на «Радыё Магілёў»

Віктарына, прысвечаная Дню выратавальніка, стартуе 18 студзеня на «Радыё Магілёў». Пра гэта паведаміла старшы інспектар абласнога ўпраўлення МНС Вольга Нехарошых.

Як патлумачыла суразмоўніца, умовы конкурсу агучаць радыёвядучыя ў эфіры з 12.00 да 13.00. У суполцы УКантакце «Радыё Магілёў» будуць размешчаны фатаграфіі баявой працы і будняў выратавальнікаў вобласці. Прычым фатаграфіі, зробленыя самімі ратавальнікамі. Той, хто прыдумае самую арыгінальную назву фатаграфіі, абавязкова атрымае падарунак – сюрпрыз ад МНС.

«Штогод 19 студзеня ўшаноўваюць тых, для каго смеласць, мужнасць і гатоўнасць да самаахвяравання – прыярытэты не толькі ў працы, але і ў жыцці. Тых, хто, у прамым сэнсе, праходзіць выпрабаванне агнём, вадой і меднымі трубамі без страху і без аглядкі. Тых, для каго чужое жыццё важнейшае за сваё ўласнае – выратавальнікаў, – адзначыла Вольга Нехарошых. – У гэты дзень супрацоўнікі МНС падзеляць свой святочны настрой і падзеляцца бяспекай і падарункамі з радыёслухачамі «Радыё Магілёў» падчас правядзення сумеснага праекта-віктарыны «Утаймавальнікі стыхіі».

Рэд.

Пры выкарыстанні матэрыялаў актыўная гіперспасылка на mogilev-region.gov.by абавязковая