Якасць, рэнтабельнасць, прыбытак! Сярод 300 прадпрыемстваў рэспублікі прадукцыя «Крычаўцэментнашыфер» прызнана найлепшай

Якасць прадукцыі павялічвае пакупніцкі попыт, спрыяе росту дзелавой рэпутацыі вытворцы. Вынікам гэтага становіцца павышэнне рэнтабельнасці і прыбытковасці прадпрыемства. Гэта ў поўнай меры ўсведамляюць на ААТ «Крычаўцэментнашыфер», дзе на кожным вытворчым этапе якасць становіцца цэнтрам працоўнага працэсу.

Тое, што завод вырабляе цэмент, адпаведны і ўсім нарматывам, стандартам, і пакупальніцкім запытам, пацвярджаецца і высокімі ўзнагародамі. Так «Портландцэмент ЦЕМ 152,5 Н» ААТ «Крычаўцэментнашыфер» прызнаны пераможцам конкурсу «За самае лепшае дасягненне ў будаўнічай галіне ў Рэспубліцы Беларусь за 2021 год» у намінацыі «Прадукт года». Дарэчы, прэтэндавалі на званне найлепшага звыш 300 прадпрыемстваў.

Першае месца.

– Высокая якасць вырабленай прадукцыі на нашым прадпрыемстве стаіць на першым месцы. Можна сказаць, гэта наша галоўная мэта. І гэта разумеюць нашы працаўнікі.

Гаворачы простай мовай, якасць – гэта задавальненне спажыўца. Прадукцыя павінна яму падабацца, а для гэтага, пасля таго як ён яе паспрабуе ў дзеянні, ён павінен сказаць сабе, што не памыліўся ў сваім выбары. Менавіта так з’яўляюцца лаяльныя спажыўцы. Бо не варта забываць, што наша задача не толькі вырабіць цэмент, але і прадаць яго, упэўнены генеральны дырэктар ААТ «Крычаўцэментнашыфер» Уладзімір Карчэўскі.

«Мы пастаянна працуем над павышэннем прэстыжу прадпрыемства, канкурэнтаздольнасці прадукцыі, каб заняць і захаваць пазіцыі як на ўнутраным, так і на міжнародным рынках», – адзначае Уладзімір Іванавіч. Менавіта таму ўся прадукцыя ААТ «Крычаўцэментнашыфер» сертыфікавана ў нацыянальнай сістэме сертыфікацыі рэспублікі, прадпрыемства мае сертыфікаты адпаведнасці Расійскай Федэрацыі і Еўрапейскага Саюза.

Якасць не на шкоду прыродзе

У яснае надвор’е завод бачны гараджанам. Дакладней, не сам завод, а «галоўная труба». «Некаторыя думаюць, што калі дым з яе не ідзе, то прадпрыемства не працуе. На самай справе, гэта якраз паказчык нашай эфектыўнай працы: дыму няма таму, што фільтры працуюць правільна», – тлумачыць галоўны тэхнолаг.

Кіраўніцтва прадпрыемства надае захаванню навакольнага асяроддзя вялікую ўвагу. Да прыкладу, за тым, каб шкодныя выкіды не трапілі ў атмасферу, «сочаць» больш 8 тысяч фільтравальнай элементаў. Даныя перадаюцца ў цэнтр, размешчаны ў Магілёве, адкуль, у выпадку фіксацыі парушэння, дадуць сігнал, што яго трэба неадкладна ўстараняць.

Дарэчы, з 2009 года ААТ «Крычаўцэментнашыфер» з’яўляецца ўладальнікам экалагічнага сертыфіката на адпаведнасць патрабаванням міжнароднага стандарту ISO 14001.

Будучыня за... наватарствам

Нельга не адзначыць, што на прадпрыемстве пастаянна працуюць над новымі маркамі цэменту для спецыялізаваных кліентаў. Напрыклад, вытворчасць таго ж «Портландцэмент ЦЕМ 152,5 Н» была пачата з 2020 года (і адразу «Прадукт года»). Распрацоўваўся ён для піцерскіх будаўнікоў і... атрымалася! Яго высокія паказчыкі трываласці ацэнены на самым высокім узроўні.

Адзнака «выдатна»

Што цэніць спажывец прадукцыі? Адпаведнасць цаны і якасці. У прадукцыі ААТ «Крычаўцэментнашыфер» гэтыя патрабаванні сышліся, як зоркі на небасхіле. Вось прыклад, ёсць такі сайт otzovik.com, дзе любы чалавек можа выказаць сваё меркаванне аб якім-небудзь тавары і паставіць яму ацэнку. Што пішуць пра крычаўскі цэмент? Годнасць – якасць і даступны кошт. Недахопы – не. Рэкамендацыя – станоўчая!

krichevlive.by