За 4 месяцы 2021 года ў Магілёўскай вобласці адбылося 309 пажараў, загінулі 52 чалавекі, траўмавана –18. Пра гэта паведаміла старшы інспектар абласнога ўпраўлення МНС Вольга Нехарошых.
Літаральна ўчора каля 5 гадзін раніцы па неўстаноўленай пакуль прычыне загарэўся прыватны жылы дом у пас. Усходні Круглянскага раёна. Дым з-пад даху заўважыў прахожы і выклікаў ратавальнікаў.
Дом быў падзелены на 2 паловы, і гарэла тая, што належала 67-гадоваму пенсіянеру, які пражывае адзін. Яго без прыкмет жыцця знайшлі на падлозе ў адным з пакояў. 66-гадовая пенсіянерка, якая пражывае ў другой палове дома, не пацярпела.
«Неасцярожнасць пры курэнні– па-ранейшаму адна з асноўных прычын пажараў і гібелі людзей ад іх, – падкрэсліла суразмоўца. – Каб пазбегнуць трагічных наступстваў, не пакідайце адкрыты агонь (падпаленыя свечкі, газавыя пліты, печы, вогнішчы) без нагляду. Не паліце ў ложку, гасіце недакурак да апошняй іскры ў попельніцы. Не пакідайце запалкі і запальніцы ў даступным дзецям месцы. Узмацніце кантроль за вашымі састарэлымі сваякамі, бо пажылыя людзі асабліва маюць патрэбу ў клопаце і апецы».
Пры выкарыстанні матэрыялаў актыўная гіперспасылка на mogilev-region.gov.by абавязковая
22.04.2024 - 16:29
Вячаслаў Максачоў: Касцюковічы павінны быць лакаматывам паўднёвага ўсходу Беларусі
19.04.2024 - 10:37
Сяўба ранніх збожжавых культур завершана ў СВК «Калгас «Радзіма» Бялыніцкага раёна (відэа)
18.04.2024 - 13:38
18.04.2024 - 09:12
Уся тэхніка на пасяўной у чэрыкаўскім агракомплексе «Светлы» беларускай вытворчасці
17.04.2024 - 12:04
16.04.2024 - 16:54
У Кісялевічах пачалася рэканструкцыя Брацкай магілы воінаў і партызан