28.01.2026 - 15:31

Санаторна-курортныя арганізацыі Магілёўскай вобласці ў 2025 годзе забяспечылі рост асноўных паказчыкаў дзейнасці ў параўнанні з 2024 годам, паведамілі ў Рэспубліканскім цэнтры па аздараўленні і санаторна-курортным лячэнні насельніцтва.

У цэнтры праінфармавалі:

- У 2025 годзе санаторна-курортнымі арганізацыямі Магілёўскай вобласці было рэалізавана 37 тыс. 423 пуцёўкі - на 5 працэнтаў больш, чым годам раней. Замежным грамадзянам было прададзена 7 тыс. 939 пуцёвак - больш на 23,3 працэнта ў параўнанні з 2024-м. У агульным аб'ёме рэалізацыі пуцёўкі для замежных грамадзян склалі 21,2 працэнта (у 2024-м - 18,1 працэнта, у 2023-м - 17,5 працэнта).

Цікавасць замежных грамадзян была праяўлена да ўсіх санаторый вобласці - рост колькасці наведванняў здраўніц замежнымі гасцямі адзначаны практычна ў кожным, канстатавалі ў цэнтры. Крыху больш за палову замежных грамадзян ад агульнай колькасці сталі гасцямі Санаторыя імя У. І. Леніна – 4 тыс. 015 чалавек.

Выручка, атрыманая ад рэалізацыі паслуг санаторыямі вобласці за год, склала 41,7 мільёна рублёў, ці 119,5 працэнта да 2024 года. Рост адзначаны ва ўсіх здраўніцах рэгіёну. Выручка ад рэалізацыі паслуг замежным грамадзянам склала 24 працэнты ў агульным аб'ёме выручкі.

- Загрузка за год санаторыяў Магілёўскай вобласці ўзрасла да 80,7 працэнта, - адзначылі ў цэнтры.

За 2025 год на ўмацаванне матэрыяльна-тэхнічнай базы санаторыямі было накіравана каля 3 мільёнаў рублёў, у тым ліку на стварэнне ўмоў безбар'ернага асяроддзя для фізічна аслабленых асоб - 133,2 тысячы рублёў. Найбольшую колькасць сродкаў на гэтыя мэты накіравалі санаторыі «Шыннік» і Санаторый ім. В. І. Леніна. У здраўніцах праведзены рамонты, абноўлены медыцынскае абсталяванне і вырабы медыцынскага прызначэння, набыты кухоннае тэхналагічнае абсталяванне, мэбля, мяккі і гаспадарчы інвентар, выканана добраўпарадкаванне тэрыторыі і інш.

СБ