Міжнародная акцыя «Гадзіна Зямлі» пройдзе 27 сакавіка. Пра гэта паведамілі ў Магілёўскім абласным упраўленні па наглядзе за рацыянальным выкарыстаннем ПЭР.
У гэты дзень жыхароў рэгіёна запрашаюць далучыцца да мерапрыемства і выключыць святло на адну гадзіну з 20.30 да 21.30.
У Беларусі акцыя адбудзецца 13-ым разам. Яе сутнасць у тым, каб на 60 хвілін адключыць святло і непатрэбныя электрапрыборы дома або ў офісе, пастарацца зрабіць беражлівыя адносіны да прыродных рэсурсаў пастаяннай звычкай. Згаджаючыся з умовамі акцыі, яе ўдзельнікі падымаюць на паверхню праблемы змены клімату, энергазберажэння і захавання рэсурсаў у цэлым, паказваюць сваю салідарнасць і занепакоенасць гэтымі тэмамі», – падкрэслілі суразмоўцы.
Тэма «Гадзіны Зямлі – 2021» у гэтым годзе – «адкрытасць экалагічнай інфармацыі». «Акцыя заклікае людзей змяніць простыя штодзённыя звычкі, эканомна расходаваць электраэнергію і цяпло, а гэта адпавядае палажэнням Дырэктывы Прэзідэнта Рэспублікі Беларусь № 3 ад 14 чэрвеня 2007 года», – адзначылі ва ўпраўленні.
«Гадзіна Зямлі», ініцыяваная Сусветным фондам дзікай прыроды, з’яўляецца найбольш вядомай экалагічнай акцыяй у гісторыі чалавецтва. Штогод у ёй прымае ўдзел больш за 2 млрд. чалавек у 188 краінах, згасае падсвятленне больш за 18 тыс. архітэктурных помнікаў. Праводзіцца ў апошнюю суботу сакавіка і заклікае ўсіх – прыватных асоб, прадпрыемствы, установы адукацыі, дзяржаўныя і камерцыйныя арганізацыі – выключыць святло і іншыя не жыццёва важныя электрапрыборы (акрамя ліфтаў) на адну гадзіну, каб стымуляваць цікавасць да праблемы змены клімату, энергетычнага аб’яднання чалавецтва.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
28.03.2024 - 15:13
27.03.2024 - 15:46
Пётр Пархомчык: пілотны праект па забеспячэнні гарадоў электратранспартам будзе прадаўжацца
27.03.2024 - 15:45
Адзін з самых знакавых дзён. Міліцыянтам Магілёўскай вобласці ўручылі дзяржузнагароды і пагоны
27.03.2024 - 11:36