Пытанне: Пры разглядзе пытання аб прадастаўленні дзяржаўнай адраснай сацыяльнай дапамогі ці магчымая праверка прадастаўленых звестак?
Так, магчымая. У адпаведнасці з пунктам 37 Палажэння аб парадку прадастаўлення дзяржаўнай адраснай сацыяльнай дапамогі, зацверджанага Указам Прэзідэнта Рэспублікі Беларусь ад 19.01.2012 № 41, орган па працы, занятасці і сацыяльнай абароне мае права праверыць звесткі, названыя ў заяве аб прадастаўленні дзяржаўнай адраснай сацыяльнай дапамогі, а таксама звесткі, якія змяшчаюцца ў прадастаўленых заяўнікам дакументах і (або) звестках.
Пры гэтым пры правядзенні праверкі звестак орган па працы, занятасці і сацыяльнай абароне на працягу 3 рабочых дзён з дня прыёму заявы паведамляе заяўніку аб неабходнасці названай праверкі, а таксама аб тым, што рашэнне камісіі будзе вынесена на працягу 5 рабочых дзён пасля атрымання апошняга адказу на запыт, звязаны з праверкай звестак.
