Арганізатары «Купалля-2026» падрыхтавалі шырокую праграму для моладзі, дзяцей і сямейнага вольнага часу

Шырокая праграма для моладзі, дзяцей і сямейнага адпачынку падрыхтавана сёлета на «Купалле–2026». Моладзевая пляцоўка пад агульнай назвай «Код маладосці: Памяць. Сіла. Традыцыі» ад Беларускага рэспубліканскага саюза моладзі стане шматфункцыянальнай інтэрактыўнай прасторай. Тут пройдуць гульні–брадзілкі, турнір па хуткаснай зборцы спілс–карт «Ведаю Беларусь», квэст «Роднае–народнае». А ў зоне «Маладзёжны рытм БРСМ» гасцей будуць чакаць танцавальныя інтэрактывы, DJ–сэты і музычныя блокі з сучаснымі і этна–матывамі.

У Год беларускай жанчыны на маладзёжнай пляцоўцы арганізуюць экспазіцыю аб дасягненнях жанчын–педагогаў і навучэнцаў, а таксама выставу «#ЖАНОЧАЯ ГЭТА СПРАВА!» – раставыя фігуры, кампазіцыі і маштабныя вырабы, выкананыя жанчынамі. Акрамя таго, будзе працаваць майстэрня прыгажосці «Купалінка»: майстар–класы па аквагрыме, прычосках, мехенды, пляценні купальскіх вянкоў, бранзалетаў і манікюру. Да ўдзелу запрошаны ўстановы сярэдняй прафесійнай адукацыі Расіі.

Для дзяцей і сямейнага адпачынку з 13.00 да 21.00 будзе працаваць палявы кінатэатр кінастудыі «Беларусьфільм», па тры паказы дадуць цырк–шапіто і абласны тэатр лялек.

Таксама гасцей чакаюць гісторыка–патрыятычныя гульні, воркаут–пляцоўка з прадстаўнікамі спартыўных субкультур, пляцоўкі Магілёўскага абласнога ўпраўлення Дэпартамента аховы МУС і лясгасаў вобласці.

Рэд.