Уключаць днём бліжняе святло фар павінны вадзіцелі з 25 мая
У мэтах папярэджання дзіцячага дарожна-транспартнага траўматызму і ў сувязі са сканчэннем навучальнага года традыцыйна з 25 мая па 5 чэрвеня МУС праводзіць спецыяльнае комплекснае мерапрыемства «Увага – дзеці!», паведамілі ў ДАІ УУС Магілёўскага аблвыканкама. Кіроўцам у гэты перыяд неабходна рухацца ў светлы час сутак з уключаным на транспартным сродку блізкім святлом фар або дзённымі хадавымі агнямі. За невыкананне гэтага патрабавання правілаў прадугледжана адміністрацыйная адказнасць у выглядзе штрафу да 2-х базавых велічынь.
Конкурс на самую лепшую публікацыю экалагічнай тэматыкі праводзіць Магілёўскі абласны камітэт прыродных рэсурсаў і аховы навакольнага асяроддзя
Магілёўскі абласны камітэт прыродных рэсурсаў і аховы навакольнага асяроддзя запрашае ўсіх жадаючых прыняць удзел у конкурсе на самую лепшую публікацыю на экалагічную тэматыку.
Вялікі гарадскі пікнік правядуць ў Магілёве 29 чэрвеня
Вялікі гарадскі пікнік правядуць ў Магілёве 29 чэрвеня. Мерапрыемства адбудзецца ў межах святкавання Дня горада, паведамілі ў цэнтры гарадскіх ініцыятыў. Месцам правядзення пятага пікніка стане парк у Падніколлі. Тут з 12.00 да 19.00 адпачываючым прапануюць весела, культурна правесці час на прыродзе з сям’ёй і сябрамі. Па словах суразмоўцаў, у гэтым годзе наведвальнікаў чакае яшчэ больш цікавых пляцовак, тэматычных зон і зручны фудкорт. Пікнік па-ранейшаму застаецца бясплатным для наведвання і зонай, свабоднай ад алкаголю і тытуню.
Выкарыстанне беспілотнікаў у месцах спаборніцтваў забаронена на час II Еўрапейскіх гульняў
Выкарыстанне беспілотнікаў у месцах спаборніцтваў і каля гасцініц забаронена на час II Еўрапейскіх гульняў, паведамляе Нацыянальны прававы інтэрнэт-партал Беларусі. Прэзідэнт Беларусі Аляксандр Лукашэнка 20 мая падпісаў указ нумар 191 «Аб мерах бяспекі ў перыяд правядзення II Еўрапейскіх гульняў 2019 года». Ён апублікаваны на інтэрнэт-партале pravo.by. Згодна з дакументам, у Мінску і Мінскім раёне з 17 чэрвеня па 2 ліпеня ўводзяцца дадатковыя меры бяспекі.
Інтэлектуальныя гульні сярод ветэранскіх каманд Магілёва прыме 23 мая гімназія № 3
Другі тур інтэлектуальнай гульні сярод ветэранскіх каманд Магілёва адбудзецца 23 мая ў 16.00 у актавай зале гімназіі № 3. Пытанні спаборніцтва будуць прысвечаны 75-годдзю вызвалення Беларусі ад нямецка-фашысцкіх захопнікаў.
ДАІ Магілёўскай вобласці праводзіць прафілактычную акцыю па навядзенні парадку на дарогах і павышэнні культуры ўдзельнікаў дарожнага руху
Прафілактычная акцыя па навядзенні парадку на дарогах і павышэнні культуры ўдзельнікаў дарожнага руху праходзіць у Магілёўскай вобласці. Пра гэта паведамілі ў ДАІ УУС Магаблвыканкама. Супрацоўнікі ДАІ да 13 чэрвеня арганізуюць рэйды, накіраваныя на выяўленне і папярэджанне фактаў пашкоджання і забруджвання дарог і дарожных збудаванняў, у тым ліку выкідвання смецця з транспартных сродкаў і стварэння несанкцыянаваных звалак паблізу трас. Кантраляваць будуць і правілы ўтрымання вулічна-дарожнай сеткі ў бяспечным для руху стане.
Спартыўна-забаўляльнае свята «Крылы Перамогі» пройдзе 25 мая ў Магілёве
Спартыўна-забаўляльнае свята «Крылы Перамогі», прысвечанае 75-й гадавіне вызвалення Магілёва ад нямецка-фашысцкіх захопнікаў і Году малой радзімы, пройдзе 25 мая на базе Магілёўскага аэраклуба імя А. М. Кулагіна. Пра гэта паведамілі ў ДТСААФ.
«Павінны быць сумленныя, справядлівыя выбары» - Аляксандр Лукашэнка сабраў нараду па парламенцкай кампаніі
Прэзідэнт Беларусі Аляксандр Лукашэнка сабраў нараду па арганізацыі і правядзенні маючых адбыцца выбараў у Палату прадстаўнікоў і Савет Рэспублікі Нацыянальнага сходу.
Старшыня Магілёўскага аблвыканкама Леанід Заяц паставіў перад кіраўніцтвам «Белшыны» задачу па павелічэнні аб’ёму прадукцыі і росту заробкаў
Старшыня Магілёўскага аблвыканкама Леанід Заяц сустрэўся з працоўным калектывам ААТ «Белшына» ў межах адзінага дня інфармавання.
Камітэт дзяржкантролю 24 мая арганізуе гарачую лінію па пытанні эфектыўнасці работы ў рэгіёнах вобласці адзіных дыспетчарскіх службаў ЖКГ 115
У мэтах аналізу якасці прадастаўлення жыллёва-камунальных паслуг, эфектыўнасці функцыянавання ў рэгіёнах сістэмы адзіных дыспетчарскіх службаў, у тым ліку паўнавартаснай камунікатыўнай сістэмы зваротнай сувязі з насельніцтвам, паўнаты і своечасовасці выканання заявак грамадзян у Камітэце дзяржкантролю Магілёўскай вобласці 24 мая будзе праводзіцца тэматычная «гарачая тэлефонная лінія» з насельніцтвам Прыдняпроўскага краю на тэму «Аб эфектыўнасці функцыянавання ў рэгіёнах вобласці адзіных дыспетчарскіх службаў у сферы жыллёва-камунальнай гаспадаркі з кароткім нумарам 115».
Прамая лінія па пытанні выплаты аднаразовай матэрыяльнай дапамогі да 75-годдзя вызвалення Беларусі адбудзецца 20 мая ў Магілёве
Прамую лінію па пытанні выплаты аднаразовай матэрыяльнай дапамогі да 75-годдзя вызвалення Беларусі ад нямецка-фашысцкіх захопнікаў правядзе 20 мая Камітэт па працы, занятасці і сацыяльнай абароне Магілёўскага аблвыканкама.
Магіляўчан запрашаюць распрацаваць канцэпцыю развіцця абласнога цэнтра
Варкшоп «Думаем аб будучым горада» адбудзецца 18 мая ў магілёўскім музеі В. К. Бялыніцкага-Бірулі (вуліца Ленінская, 37). Пра гэта паведамілі ў Цэнтры гарадскіх ініцыятыў.
Рэспубліканская прафілактычная акцыя «Не пакідайце дзяцей адных!» пройдзе на Магілёўшчыне з 11 мая па 1 чэрвеня
Рэспубліканская прафілактычная акцыя «Не пакідайце дзяцей адных!», прымеркаваная да Міжнароднага дня абароны дзяцей, пройдзе на Магілёўшчыне з 11 мая па 1 чэрвеня. Пра гэта карэспандэнту сайта паведамілі ў цэнтры бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС. Паводле слоў суразмоўцаў, мерапрыемства праводзіцца з мэтай прыцягнення ўвагі да праблемы дзіцячага свавольства з агнём і гібелі дзяцей на пажарах, зніжэння колькасці надзвычайных сітуацый з іх удзелам і арганізацыі агульнай бяспекі. Акцыя пройдзе ў чатыры этапы.
Магілёўцаў запрашаюць 9 Мая прыняць удзел у акцыі «Беларусь памятае»
Магілёўскі гарвыканкам запрашае прадпрыемствы, арганізацыі і гараджан прыняць удзел у акцыі «Беларусь памятае», закліканай захаваць памяць аб Вялікай Айчыннай вайне і тых, хто, не шкадуючы жыцця, змагаўся за вызваленне Радзімы.
Журналіст ІА «Магілёўскія ведамасці» Генадзь Корсакаў адзначаны дыпломам лаўрэата конкурсу «Залатая літара»
Журналіст інфармацыйнага агенцтва «Магілёўскія ведамасці» Генадзь Корсакаў адзначаны дыпломам лаўрэата ў намінацыі «Найлепшы аглядальнік» Нацыянальнага конкурсу друкаваных сродкаў масавай інфармацыі «Залатая літара». Вынікі творчага спаборніцтва падвялі ў Мінску.
Датэрміновая выплата пенсій пачнецца з 4 мая
Датэрміновая выплата пенсій пачнецца з 4 мая, паведамляецца на сайце "Белпошты". Пенсія і дапамогі за 7 мая пачнуць выплачваць з 4 мая ва ўсіх аддзяленнях паштовай сувязі краіны. Выплата пенсій за 9 мая пачнецца ў АПС Мінска з 4 мая, у астатніх АПС - 8 мая. 7 і 9 мая будуць працаваць толькі дзяжурныя АПС. Аб рэжыме работы АПС можна даведацца ў cаll-цэнтры "Белпошты" па нумары 154. Рэжым работы call-цэнтра: панядзелак-пятніца - з 9.00 да 20.00, субота, нядзеля - з 9.00 да 17.00, 7 і 9 мая - з 9.00 да 17.00.
Ветэранам ВАВ прадаставілі бясплатны праезд у паяздах па краіне і паміж Беларуссю і Расіяй
Ветэранам Вялікай Айчыннай вайны прадастаўлена права бясплатнага праезду ў паяздах міжнародных зносін паміж Беларуссю і Расіяй, а таксама ў паяздах унутрырэспубліканскіх зносін. Адпаведны ўказ Прэзідэнт Беларусі Аляксандр Лукашэнка падпісаў 2 мая, паведамілі ў прэс-службе кіраўніка дзяржавы. Такой магчымасцю ветэраны змогуць скарыстацца ў перыяд правядзення мерапрыемстваў, прысвечаных святкаванню 75-й гадавіны вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне.
Асабісты прыём грамадзян правёў старшыня Магілёўскага аблвыканкама Леанід Заяц
Асабісты прыём грамадзян правёў сёння старшыня Магілёўскага аблвыканкама Леанід Заяц. Кіраўнік рэгіёна разгледзеў прыватныя звароты заяўнікаў, якія пры дэталёвым аналізе набывалі рэзанансна-грамадскі характар.
Аўтапрабег у гонар Дня Перамогі арганізуюць у Бабруйску 9 мая
Аўтапрабег у гонар Дня Перамогі арганізуюць у Бабруйску 9 мая. Ужо не першы год дзясяткі жыхароў горада на Бярэзіне адзначаюць свята за рулём тэматычна аформленых аўтамабіляў. Стартуе аўтапрабег на задняй паркоўцы «Бабруйск-Арэны» (вул. Апермана). Далей калона пройдзе ад вуліцы Карбышава да «Кургана Славы» ў в. Сычкава. Тут бабруйчане разгорнуць самы вялікі сцяг Беларусі ў Магілёўскай вобласці, ускладуць кветкі да мемарыяльнага комплексу, запусцяць у неба паветраныя шары. Пасля калона адправіцца ў горад і даедзе да помніка воінам-вызваліцелям.
Прэміямі Федэрацыі прафсаюзаў у галіне працы адзначаны ААТ «Папяровая фабрыка “Спартак”» і ААТ «Стужка»
Федэрацыя прафсаюзаў Беларусі ў Рэспубліканскім Палацы культуры прафсаюзаў уручыла прэміі ў галіне працы.
Прадстаўнікі Магілёўскай вобласці розных сфер дзейнасці ўдастоены дзяржаўных узнагарод
За шматгадовую плённую працу, высокі прафесіяналізм, узорнае выкананне службовых абавязкаў, вялікі асабісты ўклад у падрыхтоўку спартсменаў высокага класа, рэалізацыю дзяржаўнай палітыкі ў сферы юстыцыі, развіццё сельскагаспадарчай, будаўнічай галін, прамысловасці, журналістыкі і нацыянальнага тэлебачання, значныя дасягненні ў сферах адукацыі, культуры, мастацтва і спорту прадстаўнікі розных сфер дзейнасці ўдастоены дзяржаўных узнагарод.
«Белтэлекам» 9 мая прадаставіць бясплатныя званкі ветэранам вайны
«Белтэлекам» 9 мая традыцыйна прадаставіць інвалідам і ўдзельнікам Вялікай Айчыннай вайны бясплатныя званкі па Беларусі. Бясплатныя размовы прадастаўляюцца аўтаматычным спосабам або з дапамогай тэлефаніста з кватэрных тэлефонаў, абанентамі якіх з’яўляюцца Героі Савецкага Саюза, поўныя кавалеры ордэна Славы, інваліды Вялікай Айчыннай вайны, удзельнікі Вялікай Айчыннай вайны і некаторыя іншыя катэгорыі асоб (поўны спіс размешчаны на сайце «Белтэлекама»).
На выставе «СМІ ў Беларусі» будзе прадстаўлена больш за 50 экспанентаў
На ХХІІ Міжнароднай спецыялізаванай выставе «СМІ ў Беларусі» будзе прадстаўлена больш за 50 экспанентаў, паведаміў на прэс-канферэнцыі міністр інфармацыі Аляксандр Карлюкевіч.
У Магілёўскай вобласці на будаўніцтва новых станцый абезжалезвання выдаткуюць Br 9,5 млн.
У Магілёўскай вобласці вызначыліся з планамі на гэты год па паляпшэнні якасці пітнога водазабеспячэння. У рэгіёне пабудуюць дзясяткі новых станцый абезжалезвання ў сельскай мясцовасці і райцэнтрах. На гэтыя мэты прадугледжана Br 9,5 млн. Зараз рыхтуюць праектна-каштарысную дакументацыю, паведаміў начальнік аддзела інвестыцый, па праблемах ліквідацыі наступстваў катастрофы на ЧАЭС і надзвычайных сітуацыях камітэта па архітэктуры і будаўніцтве Магілёўскага аблвыканкама Віктар Кішкель.
Крэатыўныя праекты рэалізуюць у Магілёве выпускнікі школы гарадскіх ініцыятыў «Цяпліца»
Крэатыўныя праекты рэалізуюць у Магілёве выпускнікі чацвёртага сезона школы гарадскіх ініцыятыў «Цяпліца». Пра гэта паведаміў кіраўнік Цэнтра гарадскіх ініцыятыў Юрый Стукалаў. Адна з задумак –«Гарадок»– не ўнікальная ў сваім родзе, але будзе цікавая для жыхароў абласнога цэнтра. Яе сутнасць – стварэнне ў цэнтры Магілёва інтэрактыўнай гульнявой пляцоўкі. Тут усе жадаючыя змогуць пагуляць у настольны тэніс, дваровыя гульні (класікі, твістар і інш.), патанцаваць на асфальце і пачытаць цікавую кнігу.
Нацбанк выпускае памятныя манеты да 75-годдзя вызвалення Беларусі ад нямецка-фашысцкіх захопнікаў
Нацыянальны банк з 29 красавіка выпускае ў абарачэнне памятныя манеты «75 год вызвалення Беларусі ад нямецка-фашысцкіх захопнікаў», паведамілі ва ўпраўленні інфармацыі і грамадскіх сувязяў Нацбанка.
Забарону на наведванне лясоў увялі ва ўсіх раёнах Магілёўскай вобласці
Забарону на наведванне лясоў увялі ва ўсіх раёнах Магілёўскай вобласці, паведаміў намеснік генеральнага дырэктара па ідэалагічнай рабоце Магілёўскага дзяржаўнага вытворчага лесагаспадарчага аб’яднання Сяргей Шах.
Забарона на наведванне лясоў уведзена ў васямнаццаці раёнах Магілёўскай вобласці
Забарона на наведванне лясоў уведзена ў 18-ці з 21 раёна Магілёўскай вобласці. Адпаведныя меры дзейнічаюць у Глускім, Клічаўскім, Краснапольскім і Чавускім раёнах з 25 красавіка, а ў Бялыніцкім, Бабруйскім, Горацкім, Дрыбінскім, Клімавіцкім, Касцюковіцкім, Круглянскім, Магілёўскім, Мсціслаўскім, Асіповіцкім, Слаўгарадскім, Хоцімскім, Чэрыкаўскім і Шклоўскім раёнах – з сённяшняга дня, паведамляецца на сайце Міністэрства лясной гаспадаркі.
Беларускія і расійскія пагранічнікі абмеркавалі парадак пропуску балельшчыкаў II Еўрапейскіх гульняў
Беларускія і расійскія памежнікі абмеркавалі парадак пропуску ўдзельнікаў і балельшчыкаў II Еўрапейскіх гульняў з Расіі ў Беларусь. Такая інфармацыя размешчана на сайце Дзяржпагранкамітэта Беларусі.
Прапрацоўваецца магчымасць падключаць да электразабеспячэння аб’екты фізічных асоб па-за прыдамавой тэрыторыяй
Міністэрства энергетыкі прапрацоўвае магчымасць дазволу падключэння да электразабеспячэння фізічнымі асобамі аб’ектаў, якія знаходзяцца па-за межамі прыдамавой тэрыторыі. Адпаведныя прапановы Мінэнерга накіравала ў Міністэрства юстыцыі, паведаміў падчас прыёму па асабістых пытаннях у Магілёўскім аблвыканкаме міністр энергетыкі Віктар Каранкевіч, адказваючы на зварот жыхара Клімавіч.