Беларусы змогуць без візы наведваць ААЭ
У Міністэрстве замежных спраў і міжнароднага супрацоўніцтва Аб'яднаных Арабскіх Эміратаў адбылася цырымонія падпісання пратакола аб унясенні змяненняў у міжурадавае пагадненне паміж Беларуссю і ААЭ аб узаемнай адмене віз для ўладальнікаў дыпламатычных, службовых і спецыяльных пашпартоў. Аб гэтым паведамілі ў прэс-службе беларускага МЗС.
Цэнтралізаванае тэставанне ў Магілёўскай вобласці праходзіць спакойна
Цэнтралізаванае тэставанне ў Магілёўскай вобласці праходзіць спакойна. Пра гэта паведаміў начальнік рэгіянальнага цэнтра тэставання Беларуска-Расійскага ўніверсітэта Аляксандр Даўгалёў. Па словах суразмоўцы, абітурыенты ўжо праверылі свае веды па сямі прадметах: беларуская і руская мова, грамадазнаўства, матэматыка, біялогія, замежная мова, хімія. «У цэлым тэставанне ў рэгіёне праходзіць у штатным рэжыме, яўка высокая, – адзначыў ён. – Зарэгістравана адно парушэнне парадку правядзення ЦТ. З экзамену па замежнай мове выдалены абітурыент за пранясенне мабільнага тэлефона».
Магілёўшчына 26-27 чэрвеня сустрэне ўдзельнікаў міжнароднага аўтапрабегу ДТСААФ Беларусі і Расіі
Міжнародны аўтапрабег, прысвечаны 75-годдзю вызвалення Беларусі ад нямецка-фашысцкіх захопнікаў, пройдзе па маршруце Масква – Брэст. Яго арганізатарамі выступаюць ДТСААФ Беларусі і Расіі, паведаміў вядучы спецыяліст Магілёўскай абласной арганізацыйнай структуры ДТСААФ Віктар Шупранаў. Са слоў суразмоўцы, калона стартавала 20 чэрвеня ў Маскве на Паклоннай гары. За чатыры дні яна праехала праз расійскія Падзікава, Валакаламск, Толсцікава, Гагарын, Барадзіно, Жукаў, Малаяраславец, Калугу і Бранск.
У Магілёўскай вобласці ў Дзень усенароднай памяці ахвяр ВАВ на пяць хвілін спыніцца транспарт
У Магілёўскай вобласці 22 чэрвеня, у Дзень усенароднай памяці ахвяр Вялікай Айчыннай вайны, у 12.15 спыніцца рух транспарту (за выключэннем спецыяльнага). Пра гэта паведамілі ў галоўным упраўленні ідэалагічнай работы і справах моладзі аблвыканкама.
Новы корпус з’явіўся ў Магілёўскага медыцынскага каледжа
Новы корпус з’явіўся ў Магілёўскага медыцынскага каледжа. Навучальнай установе па даручэнні старшыні аблвыканкама Леаніда Зайца перадалі былы будынак кадэцкай школы, якая змяніла месца прапіскі. На працягу лета ў чацвёртым навучальным корпусе медкаледжа чакаецца рамонт, пад гэта выдзелена фінансаванне. У будынку размесцяцца прасторныя лекцыйныя, стымуляцыйныя лабараторыі і паўнацэнная трэнажорная зала. Першага верасня ён адкрые дзверы вучням.
Прыём грамадзян і прамую лінію правядзе 25 чэрвеня старшыня КДК Магілёўскай вобласці Алег Садоўскі ў Бабруйску
Прыём грамадзян і прамую тэлефонную лінію правядзе 25 чэрвеня старшыня КДК Магілёўскай вобласці Алег Садоўскі ў Бабруйску. Пра гэта паведамілі ў гарвыканкаме. Так, у названы дзень з 12.00 да 13.00 па нумары (8 0225) 76-21-41 ён адкажа на пытанні жыхароў Бабруйска. Прыём грамадзян адбудзецца ў будынку гарвыканкама з 14.00 да 15.00. Падчас прамой лініі і асабістага прыёму бабруйчане змогуць паведаміць старшыні КДК Магілёўскай вобласці Алегу Садоўскаму аб актуальных праблемах развіцця горада, парушэннях у працы службовых асоб органаў улады і арганізацый.
Названы пераможцы абласнога прафсаюзнага конкурсу СМІ
Узнагароджаны пераможцы абласнога конкурсу на самае лепшае асвятленне ў сродках масавай інфармацыі жыцця і дзейнасці прафсаюзных арганізацый. У іх ліку – прафесійныя журналісты, супрацоўнікі рэгіянальных друкаваных выданняў, творчыя калектывы рэдакцый газет, а таксама аўтары-аматары – работнікі прафсаюзных структур.
Забарона на наведванне лясоў дзейнічае ў 14 раёнах Магілёўскай вобласці
Забарона на наведванне лясоў дзейнічае ў 14 раёнах Магілёўскай вобласці. Адпаведныя меры прыняты ў Бялыніцкім, Быхаўскім, Глускім, Клімавіцкім, Клічаўскім, Касцюковіцкім, Краснапольскім, Крычаўскім, Магілёўскім, Мсціслаўскім, Асіповіцкім, Хоцімскім, Чавускім і Шклоўскім раёнах, паведамілі ў Мінлясгасе.
На вадаёмах Магілёўскай вобласці за мінулы тыдзень загінула 11 чалавек
На вадаёмах Магілёўскай вобласці за мінулы тыдзень загінула 11 чалавек, з іх шэсць – за выхадныя, паведаміў старшыня Магілёўскай абласной арганізацыі АСВОД Мікалай Маісееў.
У Магілёве пабіты тэмпературны рэкорд 60-гадовай даўніны
У Магілёве 13 чэрвеня пабіты тэмпературны рэкорд 60-гадовай даўніны. Пра гэта паведамілі ў Магілёўскім абласным цэнтры па гідраметэаралогіі і маніторынгу навакольнага асяроддзя імя О. Ю. Шміта. У чацвер максімальная тэмпература ў абласным цэнтры дасягнула 30,7 градуса. Рэкорднай да гэтага лічылася тэмпература 30,5 градуса 13 чэрвеня 1959 года.
Як падрыхтаваліся да спякотнага сезона пляжы Магілёўскай вобласці
Надвор’е б’е ўсе тэмпературныя рэкорды, і пляжы, зоны адпачынку запатрабаваныя як ніколі. Ці добра яны падрыхтаваліся да сезона? Якімі навінкамі гатовыя парадаваць адпачывальнікаў? У Магілёўскай вобласці 50 афіцыйных пляжаў. Вясной усе яны прайшлі грунтоўную падрыхтоўку. Дно вадаёмаў ачысцілі ад смецця і праверылі на бяспеку, а старое і пашкоджанае абсталяванне адрамантавалі або замянілі.
Ля парку атракцыёнаў Магілёва перакрыюць рух транспарту і абмяжуюць паркоўку на час працы фан-зоны II Еўрапейскіх гульняў
Ля парку атракцыёнаў Магілёва перакрыюць рух транспарту і абмяжуюць паркоўку на час працы фан-зоны II Еўрапейскіх гульняў. Пра гэта паведамілі ў гарвыканкаме. Так, Дзяржаўтаінспекцыя 20 чэрвеня да 18.00 вызваліць ад аўтамабіляў стаянку. З 20.00 гэтага дня да 20.00 1 ліпеня кіроўцы не змогуць тут пакінуць машыны. На гэты ж час будзе перакрыты рух па мясцовым праездзе ад праспекта Пушкінскага да Палаца культуры вобласці.
Якія нормы змяшчае новая рэдакцыя Жыллёвага кодэкса
У Беларусі ў маі прынята новая рэдакцыя Жыллёвага кодэкса, якая ўносіць змяненні ў заканадаўства па пытаннях прававога рэгулявання жыллёвых адносін. Дакумент змяшчае адказы на многія пытанні, якія цікавяць жыхароў, у тым ліку па арэндным, сацыяльным жыллі, налічэнні платы за жыллёва-камунальныя паслугі. Чакаецца, што закон да канца чэрвеня будзе апублікаваны і ўступіць у сілу з 1 студзеня 2020 года. Якія асноўныя навацыі ў ім змешчаны, расказалі ў Міністэрстве жыллёва-камунальнай гаспадаркі. Плату за ліфт і прыбіранне пад'ездаў адвяжуць ад колькасці жыльцоў
Забарона на наведванне лясоў уведзена ў шасці раёнах Магілёўскай вобласці
Забарона на наведванне лясоў уведзена ў 6 з 21 раёна Магілёўскай вобласці. Адпаведныя меры дзейнічаюць у Краснапольскім раёне з 7 чэрвеня, Касцюковіцкім і Хоцімскім – з 9 чэрвеня, Бялыніцкім – з 11 чэрвеня, а Быхаўскім і Асіповіцкім раёнах – з сённяшняга дня, паведамляецца на сайце Міністэрства лясной гаспадаркі.
Начальнікам Магілёўскай мытні стаў Сяргей Іваноў
Старшыня Дзяржаўнага мытнага камітэта Юрый Сянько правёў рабочую сустрэчу з калектывам Магілёўскай мытні, на якой пазначыў перспектыўныя напрамкі развіцця мытнага органа, а таксама прадставіў калегам і кіраўніцтву праваахоўных ведамстваў рэгіёна новага начальніка мытні. Ім стаў Сяргей Іваноў.
Прыём заяў у першыя класы ўстаноў агульнай сярэдняй адукацыі Магілёва пачнецца 12 чэрвеня
Прыём заяў у першыя класы ўстаноў агульнай сярэдняй адукацыі Магілёва пачнецца 12 чэрвеня і працягнецца да 28 жніўня. Пра гэта паведамілі ва ўпраўленні па адукацыі гарвыканкама. У I клас прымаюцца дзеці, якім на 1 верасня адпаведнага навучальнага года споўнілася шэсць і больш гадоў. Па жаданні аднаго з законных прадстаўнікоў дзіцяці дапускаецца прыём у I клас навучэнца, якому шэсць гадоў споўніцца з 1 па 30 верасня. Для прыёму дзяцей ў I клас законныя прадстаўнікі падаюць наступныя дакументы: – заяву на імя кіраўніка ўстановы агульнай сярэдняй адукацыі;
Свята «Александрыя збірае сяброў»: расклад руху цягнікоў і аўтобусаў
Традиционный праздник «Купалье» («Александрия собирает друзей») пройдет в агрогородке Александрия Шкловского района 6-7 июля. С программой основных мероприятий можно ознакомиться по ссылке.
Памочнік Прэзідэнта Рэспублікі Беларусь – інспектар па Магілёўскай вобласці Міхаіл Русы 14 чэрвеня правядзе прыём грамадзян у Магілёве
Памочнік Прэзідэнта Рэспублікі Беларусь – інспектар па Магілёўскай вобласці Міхаіл Іванавіч Русы 14 чэрвеня правядзе прыём грамадзян, юрыдычных асоб і іх прадстаўнікоў у Магілёве. Прыём пачнецца ў 9.00 ва ўпраўленні па працы са зваротамі грамадзян і юрыдычных асоб аблвыканкама (вул. Першамайская, 71, уваход з боку пл. Леніна). Папярэдні запіс на прыём ажыццяўляецца па тэлефонах у Магілёве (8 0222) 32 67 21, 32 71 53.
Чырвоны Крыж арганізуе пункт выдачы пітной вады ў Магілёве
Чырвоны Крыж з 11 чэрвеня арганізуе пункт выдачы пітной вады ў Магілёве. Пра гэта паведамілі ў абласной арганізацыі БТЧК. Пункт размесціцца ля ГЦ «Е-Сіці», дзе праходзяць рэпетыцыі тэатралізаванага канцэрта, прысвечанага 75-й гадавіне вызвалення Беларусі ад нямецка-фашысцкіх захопнікаў.
Памятны знак усталююць у Магілёве на месцы саборных могілак
Памятны знак установяць у Магілёве на месцы саборных могілак – у скверы перад філіялам Беларускай дзяржаўнай акадэміі музыкі на праспекце Міру, паведамілі ў гарвыканкаме.
Сад лекавых раслін закладуць у Магілёве
У Магілёве 8 чэрвеня падчас мясцовай ініцыятывы «Горад-сад, горад-луг» пройдзе трэнінг па закладцы саду лекавых раслін як зоны падтрымкі біялагічнай разнастайнасці горада, паведамілі ў Магілёўскім дзяржаўным універсітэце імя А. А. Куляшова. Паўдзельнічаць у трэнінгу можа кожны. Падчас мерапрыемства на тэрыторыі аграбіялагічнай станцыі «Любуж» універсітэта (старт у 9.00) будзе высаджана больш за 200 лекавых раслін (больш за 20 відаў). Удзельнікі азнаёмяцца з асаблівасцямі па іх вырошчванні і доглядзе, каб у далейшым прымяніць гэтыя веды на сваіх прысядзібных участках.
Забег жаніхоў і нявест пройдзе ў Магілёве
Лёгкаатлетычны забег «Дарога да шчасця» пройдзе 29 чэрвеня ў Магілёве. Мерапрыемства арганізавана ў межах святкавання Дня горада, паведамілі ў аддзеле спорту і турызму гарвыканкама. Пазмагацца за лідарства могуць усе жадаючыя ад 16 гадоў. Пры гэтым абавязковай атрыбутыкай для мужчын стануць кашуля (тэніска), гальштук або бабачка, а для жанчын – фата (галаўны ўбор) і букет кветак. Акрамя таго, удзельнікі павінны будуць стартаваць і фінішаваць парамі.
Дзяржаўтаінспекцыя Магілёўскай вобласці ўзмоцніць кантроль за выкананнем вадзіцелямі правілаў праезду скрыжаванняў
Дзяржаўтаінспекцыя Магілёўскай вобласці ўзмоцніць кантроль за выкананнем вадзіцелямі правілаў праезду скрыжаванняў. З 7 па 16 чэрвеня ў рэгіёне пройдзе комплекс наглядных і прафілактычных мерапрыемстваў па папярэджанні дарожна-транспартных здарэнняў на скрыжаваннях дарог, паведамілі ў аддзяленні па агітацыі і прапагандзе ДАІ УУС Магілёўскага аблвыканкама.
Асабісты прыём грамадзян правёў старшыня Магаблвыканкама Леанід Заяц
p style="text-align: justify;">Асабісты прыём грамадзян правёў сёння старшыня Магілёўскага аблвыканкама Леанід Заяц. Да кіраўніка Прыдняпроўскага краю з пытаннямі звярнулася больш за дваццаць жыхароў рэгіёна (з улікам некалькіх выпадкаў сумесных зваротаў). Праблематыка ў асноўным мела асобасны характар, але былі і звароты значнага грамадскага плану.
МНС Магілёўскай вобласці правядзе для школьнікаў і пажылых людзей прафілактычныя акцыі
У Магілёўскай вобласці стартуюць дзве рэспубліканскія прафілактычныя акцыі для школьнікаў і пажылых людзей. Пра гэта паведаміла старшы інспектар абласнога ўпраўлення МНС Вольга Нехарошых.
Прамую тэлефонную лінію правядзе 6 чэрвеня начальнік упраўлення ДАІ УУС Магілёўскага аблвыканкама Міхаіл Неўмяржыцкі
Прамую тэлефонную лінію правядзе 6 чэрвеня начальнік упраўлення ДАІ УУС Магілёўскага аблвыканкама палкоўнік міліцыі Міхаіл Міхайлавіч Неўмяржыцкі. Пытанні, якія звязаны з бяспекай дарожнага руху і датычаць дзейнасці Дзяржаўтаінспекцыі, жыхары рэгіёна змогуць задаць з 10.00 да 12.00 па тэлефоне (80222) 46-25-25
Людзям з абмежаванымі магчымасцям важна ствараць умовы для самарэалізацыі – Лідзія Ярмошына
Старшыня ЦВК, член Прэзідыума Беларускага саюза жанчын Лідзія Ярмошына падкрэсліла важнасць стварэння ўмоў для самарэалізацыі людзей з абмежаванымі магчымасцямі. Пра гэта яна заявіла на выязным семінары ў Магілёве з удзелам дэпутатаў і прадстаўнікоў Беларускага саюза жанчын.
Прамую тэлефонную лінію правядзе 8 чэрвеня начальнік упраўлення па грамадзянстве і міграцыі УУС Магаблвыканкама Пётр Сімончык
Прамую тэлефонную лінію правядзе 8 чэрвеня начальнік упраўлення па грамадзянстве і міграцыі УУС Магілёўскага аблвыканкама Пётр Пятровіч Сімончык. З 9.00 да 12.00 па тэлефоне (8 0222) 29-58-02 жыхары Прыдняпроўскага краю змогуць атрымаць адказы на пытанні, якія ўваходзяць у кампетэнцыю падраздзяленняў па грамадзянстве і міграцыі органаў унутраных спраў рэгіёна. Пытанні таксама можна накіраваць на электронны адрас упраўлення: UGIM_UVD_Mogilev@mvd.gov.by.
У Магілёве на час правядзення рэпетыцый тэатралізаванага канцэрта перакрыюць рух транспарту ў раёне ГЦ «Е-Сіці»
У Магілёве часова перакрыюць рух транспарту ў раёне ГЦ «Е-Сіці». Адпаведнае рашэнне прынята ў сувязі з правядзеннем рэпетыцыі тэатралізаванага канцэрта, прысвечанага 75-й гадавіне вызвалення Беларусі ад нямецка-фашысцкіх захопнікаў, паведамілі ў гарвыканкаме. ДАІ УУС Магілёўскага аблвыканкама перакрые рух транспартных сродкаў на ўездзе на тэрыторыю, прылеглую да гандлёвага цэнтра «Е-Сіці» (на скрыжаванні бульвара Непакорных і вуліцы Гагарына), на частцы паркоўкі ў раёне ГЦ «Е-Сіці» (з боку ўезду на паркоўку з вуліцы Гагарына): – з 3 чэрвеня 9.00 да 20.00 7 чэрвеня;
У Беларусі павышаецца тарыф на паслугі цеплазабеспячэння для насельніцтва
У Беларусі з 1 чэрвеня павышаецца тарыф на паслугі цеплазабеспячэння для патрэб ацяплення і гарачага водазабеспячэння. Гэта прадугледжана Указам № 492 ад 22 снежня 2018 года «Аб устанаўленні тарыфаў на жыллёва-камунальныя паслугі для насельніцтва на 2019 год».