Больш за 8,2 тыс. школьнікаў Магілёўскай вобласці аздаровяцца ў лагерах на зімовых канікулах
У 2019 годзе зімовыя канікулы ва ўстановах адукацыі Магілёўскай вобласці пройдуць з 26 снежня па 11 студзеня пад дэвізам «Актыўна, карысна, бяспечна!». У гэты час кожнае дзіця зможа знайсці занятак па душы, запэўнілі ў галоўным упраўленні па адукацыі аблвыканкама. «Паводле папярэдніх звестак, у рэгіёне ў перыяд зімовых канікул у аздараўленчых і спартыўна-аздараўленчых лагерах з дзённым знаходжаннем на базе ўстаноў агульнай сярэдняй, дадатковай адукацыі дзяцей і моладзі, дзіцяча-юнацкіх спартыўных школ аздараўленне пройдзе 8245 навучэнцаў», – адзначылі суразмоўцы.
Дзед Мароз выходзіць на відэасувязь ў цэнтры Магілёва
Магілёўцам і гасцям горада прапануюць пагутарыць з Дзедам Марозам пры дапамозе відэасувязі, расказала галоўны спецыяліст упраўлення культуры Магілёўскага гарвыканкама Таццяна Бурканава. «На плошчы Зорак можна патэлефанаваць Дзеду Марозу прама ў яго казачную рэзідэнцыю. Званок праходзіць па прынцыпе відэаканферэнцыі ў рэжыме анлайн», – сказала субяседніца.
Акцыя «Нашы дзеці»: маленькім пацыентам Бабруйскай бальніцы падарылі прысмакі
Маленькім пацыентам Бабруйскай цэнтральнай бальніцы ўпрыгожылі час знаходжання ў медустанове салодкімі пачастункамі. Падарункі ў межах рэспубліканскай дабрачыннай акцыі «Нашы дзеці» ім уручылі старшыня гарвыканкама Аляксандр Студнеў і галоўны ўрач бальніцы, дэпутат Палаты прадстаўнікоў Нацыянальнага сходу Уладзімір Гацко.
База даных шматдзетных сем’яў запрацуе ў Беларусі са студзеня 2020 года
База даных аўтаматызаванай сістэмы ўліку шматдзетных сем’яў запрацуе ў Беларусі са студзеня 2020 года. Пра гэта ў інтэрв’ю праграме «Галоўны эфір» на тэлеканале «Беларусь 1» заявіла міністр працы і сацыяльнай абароны Ірына Касцевіч. «База створана, яна запрацуе з 1 студзеня 2020 года, пачнецца рэжым актуалізацыі», – сказала кіраўніца ўстановы.
У Магаблвыканкам на «гарачую лінію» па пытанні якасці аказання паслуг ва ўстановах аховы здароўя паступіла больш за 40 зваротаў
У Магілёўскім аблвыканкаме 2–13 снежня арганізавалі правядзенне гарачай тэлефоннай лініі па вывучэнні меркавання насельніцтва аб якасці аказання паслуг ва ўстановах аховы здароўя. Жыхарам Прыдняпроўскага краю далі магчымасць паведаміць пра існуючыя праблемы, а таксама выказаць заўвагі і прапановы па паляпшэнні работы ў гэтым напрамку.
Супрацоўнікі і курсанты Магілёўскага інстытута МУС рыхтуюць навагодняе прадстаўленне для дзяцей-інвалідаў
Калектыў інстытута МУС 24 снежня ў 14.00 правядзе дабрачынную акцыю ў цэнтры медыцынскай рэабілітацыі дзяцей-інвалідаў з паражэннем цэнтральнай нервовай сістэмы і апорна-рухальнага апарату.
Па цэнтральных вуліцах Бабруйска 21 снежня пройдзе тэатралізаванае шэсце Дзядоў Марозаў і Снягурак
Па цэнтральных вуліцах Бабруйска 21 снежня пройдзе традыцыйнае тэатралізаванае шэсце Дзядоў Марозаў і Снягурак «Навагодні касплей». Усе героі дзейства прыедуць на вакзал на цягніку. У 15.00 паміж чыгуначным і аўтавакзалам будзе сфарміравана калона. Яна пройдзе па вул. Інтэрнацыянальнай, а пасля зверне на вул. Кастрычніцкую і на пл. Леніна – да галоўнай ёлкі горада, дзе запаліцца святочная ілюмінацыя.
Пастаянныя камісіі сфарміраваныя ў Палаце прадстаўнікоў сёмага склікання
Пастаянныя камісіі сфарміраваныя сёння на пасяджэнні Палаты прадстаўнікоў Нацыянальнага сходу Беларусі сёмага склікання. У Пастаянную камісію па заканадаўстве, старшынёй якой з’яўляецца Святлана Любецкая, увайшлі Ірына Даўгала, Аляксей Ягораў, Людміла Жалнерчык, Вольга Крэч, Ірына Луканская, Аляксандр Амельянюк, Аляксандр Сангін, Віталь Уткін. Намеснікамі старшыні абраны Аляксей Ягораў і Аляксандр Амельянюк.
АДІ: Андрэй Кунцэвіч сустрэўся са студэнтамі Беларуска-Расійскага ўніверсітэта
Намеснік кіраўніка Адміністрацыі Прэзідэнта Андрэй Кунцэвіч у межах адзінага дня інфармавання сёння сустрэўся са студэнтамі Беларуска-Расійскага ўніверсітэта. Госць расказаў студэнтам пра традыцыі суверэннай Беларусі, а яны змаглі задаць пытанні.
Абласная прафсаюзная ёлка ў Магілёве збярэ амаль 600 хлопчыкаў і дзяўчынак
Абласная прафсаюзная ёлка адбудзецца ў Магілёве 24 снежня ў 11.00 у Палацы культуры вобласці. Мерапрыемства стане часткай традыцыйнай дабрачыннай акцыі «Прафсаюзы – дзецям», – расказалі ў Магілёўскім абласным аб’яднанні прафсаюзаў.
У Магілёўскай вобласці з 20 снежня падаражэе праезд у грамадскім транспарце
В Могилевской области с 20 декабря подорожает проезд в общественном транспорте. Соответствующее постановление Могилевского облисполкома от 12 декабря 2019 года №2735 официально опубликовано на Национальном правовом интернет-портале.
Журналісты Магілёўскай вобласці – у ліку пераможцаў рэспубліканскага конкурсу «Ад глабальных мэтаў да лакальных дзеянняў»
У Мінску падвялі вынікі рэспубліканскага конкурсу сярод СМІ «Ад глабальных мэтаў да лакальных дзеянняў», асноўнымі задачамі якога з’яўляюцца папулярызацыя парадку дня ў галіне ўстойлівага развіцця на перыяд да 2030 года, уцягванне грамадства ў працэс дасягнення МУР Беларусі, актывізацыя працы журналістаў, накіраванай на арганізацыю шырокага абмеркавання тэмы ўстойлівага развіцця ў сродках масавай інфармацыі.
Лясгасы Магілёўскай вобласці 21–31 снежня правядуць акцыю «Захавай сімвал свята»
Лясгасы Магілёўскай вобласці 21–31 снежня правядуць акцыю «Захавай сімвал свята». Пра гэта паведамілі ў Магілёўскім дзяржаўным вытворчым лесагаспадарчым аб’яднанні.
Замена драўляных вокнаў на пластыкавыя ў садках Магілёва вядзецца ў першую чаргу ў спальных і гульнявых пакоях
Замена драўляных вокнаў на пластыкавыя ў дзіцячых дашкольных установах Магілёва вядзецца па прынцыпе прыярытэтнасці, гэта значыць у першую чаргу мяняюцца аконныя рамы з максімальным зносам у спальных і гульнявых пакоях. Гэта было адзначана ў ходзе абмеркавання названага праекта на нарадзе ў Магілёўскім гарвыканкаме. Пры гэтым звярталася ўвага, што ва ўсіх дзіцячых садках тэмпературны рэжым унутры памяшканняў вытрымліваецца.
2 студзеня ў Беларусі будзе святочным днём без адпрацоўкі
Прэзідэнт Беларусі Аляксандр Лукашэнка 17 снежня падпісаў указ, у адпаведнасці з якім прадугледжваецца замацаванне на пастаяннай аснове ў якасці непрацоўнага святочнага дня 2 студзеня (без неабходнасці яго адпрацоўкі). Пра гэта паведамілі ў прэс-службе беларускага лідара. Разам з тым 4 студзеня 2020 года застанецца працоўным днём – прыйдзецца адпрацоўваць за 6 студзеня. А вось 11 студзеня будзе звычайным выхадным днём.
Адзіны дзень бяспекі дарожнага руху па прафілактыцы ДТЗ з удзелам нецвярозых вадзіцеляў правядзе 27 снежня ДАІ
На тэрыторыі Магілёўскай вобласці 27 снежня ДАІ правядзе адзіны дзень бяспекі дарожнага руху «Спыні бяду – патэлефануй 102» па прафілактыцы ДТЗ, якія здзяйсняюцца ў стане ап’янення. Зараз у рэгіёне арганізаваны мэтавы комплекс наглядных і прафілактычных мерапрыемстваў, накіраваны на папярэджанне п’янства за рулём, паведамілі ў аддзяленні па агітацыі і прапагандзе ДАІ УУС Магілёўскага аблвыканкама.
Увазе пасажыраў магілёўскіх маршрутаў № № 22, 29 і 44: з прычыны рамонтных работ рух транспарту праз чыгуначны пераезд па вул. Вішнявецкага 17 снежня будзе забаронены
17 снежня з 09.00 да 17.00 будуць праводзіцца рамонтныя работы на чыгуначным пераездзе па вуліцы Вішнявецкага, у сувязі з чым рух транспарту праз названы пераезд будзе забаронены. Пра гэта паведамілі ў Магілёўскім гарвыканкаме. На час перакрыцця ад пасёлка Ямніцкі да чыгуначнага пераезда будзе курсіраваць адзін аўтобус. З боку горада рух аўтобусных маршрутаў № № 22, 29, 44 будзе ажыццяўляцца да прыпыначнага пункта «Рамонтны завод».
Тыдзень дзіцячай бяспекі правядзе ДАІ Магілёўскай вобласці 18–24 снежня
Напярэдадні зімовых школьных канікул з 18 па 24 снежня на тэрыторыі рэгіёна пройдзе Тыдзень дзіцячай бяспекі. Пра гэта паведамілі ў аддзяленні па агітацыі і прапагандзе ДАІ УУС Магілёўскага аблвыканкама. Галоўная мэта мерапрыемства – папярэджанне дарожна-транспартных здарэнняў з удзелам дзяцей, паколькі праблема дзіцячага дарожна-транспартнага траўматызму становіцца асабліва актуальнай у канікулярны час. Нявінныя свавольствы, выйшаўшы за бяспечныя межы кватэры, пад’езда, двара, часта становяцца прычынай вялікіх бед і трагедый.
Каля Br60 тыс. сабраў дабрачынны тэлемарафон «Сагрэем дзіцячыя сэрцы»
Каля Br60 тыс. сабраў дабрачынны тэлемарафон «Сагрэем дзіцячыя сэрцы», які прайшоў у прамым эфіры Магілёўскага абласнога тэлебачання 13 снежня. Пра гэта расказала галоўны спецыяліст Магілёўскага абласнога аддзялення РГА «Беларускі дзіцячы фонд» Аксана Аляксандравіч.
У Магілёўскай вобласці дзяцей вучаць правільна выкідваць смецце
У дзіцячых садках Магілёўскай вобласці расказваюць і паказваюць дзецям, як захаваць прыроду, паменшыць колькасць смецця і даць рэчам другое жыццё. Спецыялісты ўпэўнены: аб простых рэчах трэба гаварыць проста. Малых вучаць правільна выкідваць смецце. Важна, каб дзеці ўмелі самастойна сартаваць адходы. У навучальных установах маладыя людзі ладзяць модныя паказы дызайнерскіх сумак з прыродных матэрыялаў. Дарэчы, такія сумкі – добрая альтэрнатыва цэлафанавым пакетам.
Дзед Мароз прыляціць на верталёце: агні на галоўнай ёлцы Магілёўскай вобласці запаляць 15 снежня
Сёлета Дзед Мароз прыбудзе на навагоднія святкаванні ў Магілёў 15 снежня на верталёце. Пра гэта расазала сёння начальнік упраўлення культуры Магілёўскага гарвыканкама Ірына Жабарава на нарадзе ў гарадской мэрыі. «Да навагодніх святаў мы падрыхтавалі для магілёўцаў шмат сюрпрызаў. Святочная праграма пачнецца 15 снежня на плошчы Леніна. Тут пройдзе сустрэча Дзеда Мароза, які сёлета прыляціць у Магілёў на верталёце. Пасля гэтага на цэнтральнай плошчы горада запаляць агні на галоўнай ёлцы», – расказала Ірына Жабарава.
Магілёўская СШ № 19 святкуе 50-годдзе: 19 снежня тут закладуць капсулу часу і адкрыюць памятны знак
Магілёўская СШ № 19 адзначыць 50-годдзе 19 снежня. Пра гэта паведамілі ў адміністрацыі ўстановы адукацыі. У 14.30 каля школы адбудзецца закладка капсулы часу «Пасланне нашчадкам у будучыню» і адкрыццё памятнага знака «50 гадоў сярэдняй школе № 19». А ў 15.00 у актавай зале пройдзе ўрачыстае мерапрыемства, прысвечанае юбілею. На мерапрыемства запрошаны ветэраны педагагічнай працы, выпускнікі школы.
Прыватную школу плануюць пабудаваць у Магілёве
Прыватную школу плануюць пабудаваць у Магілёве. Пра гэта карэспандэнту паведаміў намеснік генеральнага дырэктара ЗАТ «Сервалюкс Агра» Аляксандр Абадзінскі. «Сервалюкс Агра» выступае ініцыятарам і заказчыкам праекта будучай школы.
У Магілёве каля ГЦ «Атрыум» і ў парку Падніколле арганізуюць гандлёвае абслугоўванне навагодніх і калядных мерапрыемстваў
У Магілёве каля ГЦ «Атрыум» і ў парку Падніколле арганізуюць гандлёвае абслугоўванне навагодніх і калядных мерапрыемстваў. Пра гэта паведамілі ў гарвыканкаме. 15 снежня - 7 студзеня на пляцоўцы перад новым гандлёвым цэнтрам з 10.00 да 19.00 можна будзе набыць нехарчовыя тавары навагодняй тэматыкі, у тым ліку сувеніры, цацкі, штучныя ёлкі, а таксама кулінарныя і кандытарскія вырабы, чай, каву, алкагольныя напоі на разліў.
Названыя самыя папулярныя дзіцячыя імёны ў магілёўцаў
З пачатку года аддзелам загса Магілёўскага гарвыканкама зарэгістравана 3406 нованароджаных: 1759 хлопчыкаў і 1647 дзяўчынак. Не першы год у Магілёве лідзіруючыя пазіцыі займаюць Сафіі і Арцёмы. Каля 90 разоў так называлі дзяўчынак і хлопчыкаў у 2019 годзе. Таксама ў топе Ксеніі (81), Евы (64), Алісы (62) і Дар’і (62). Сярод хлопчыкаў – Міхаілы (73), Цімафеі (73), Максімы (70), Мацвеі (67), Іваны (57), Раманы (47).
Каля 100 жыхароў Магілёўскай вобласці стала ахвярамі тэлефоннага махлярства
У Магілёўскай вобласці актывізаваліся зламыснікі, якія прадстаўляюцца работнікамі банка і просяць даць банкаўскія даныя, а затым здымаюць грошы з асабістых рахункаў. У такую пастку за паўтара месяца ў вобласці трапілася каля 100 чалавек. І гэта колькасць можа вырасці, калі не быць уважлівымі.
Тэлемарафон «Сагрэем дзіцячыя сэрцы» падтрымаюць творчыя людзі
У прамым эфіры на тэлеканале «Беларусь 4 “Магілёў”»з 14.00 да 20.30 13 снежня адбудзецца дабрачынны тэлемарафон «Сагрэем дзіцячыя сэрцы». Яго плануюць падтрымаць многія неабыякавыя людзі. На «Радыё Магілёў» будуць спецыяльныя ўключэнні ўдзельнікаў і арганізатараў марафону. Песні выканаюць Валерыя Азаранка, Раман Шошын, Віктар і Валерый Мохневы, Уладзімір Дзем’яновіч, Таццяна Лук’яненка, група Carpen Diaz. Свае прывітанні тэлемарафону запісалі Каця IOWA, Наталля Падольская, Руслан Аляхно, Ірына Дарафеева, Іскуі Абалян.
У Магілёве ДАІ штрафуе за няправільную паркоўку на месцах для інвалідаў
Месцы для інвалідаў на паркоўках на гэтым тыдні – у цэнтры ўвагі супрацоўнікаў Дзяржаўтаінспекцыі. Інспектары спрабуюць прымусіць недысцыплінаваных аўтамабілістаў выконваць правілы дарожнага руху. Парковачныя месцы для інвалідаў размешчаны бліжэй да выхадаў з гандлёвых цэнтраў. Гэтым яны і прывабныя для астатніх вадзіцеляў, якія, паркуючыся на іх без прычыны, парушаюць правілы і праяўляюць непавагу да людзей з абмежаванымі магчымасцямі. Інспектары ДАІ выяўляюць кіроўцаў-парушальнікаў, стэлефаноўваюцца з імі і складаюць пратаколы. Штраф – 2 базавыя велічыні (Br51).
Праезд у грамадскім транспарце падаражэе ў Магілёўскай вобласці да канца года
Да канца года ў Магілёўскай вобласці будуць павышаны тарыфы на гарадскія і прыгарадныя перавозкі ў рэгулярных зносінах. Пра гэта паведаміў галоўны спецыяліст аддзела транспарту і камунікацый Магілёўскага аблвыканкама Васіль Калгін. «Да канца снежня ў Магілёўскай вобласці падаражэе праезд у грамадскім транспарце. У гарадскіх тралейбусах і аўтобусах ён вырасце на 5 капеек і складзе 60 капеек. Тарыф у прыгарадным транспарце стане вышэйшым на 1 капейку за 1 км праезду», – адзначыў ён.
Вядучая крымінальнай тэлепраграмы на «Бабруйск 360» – сярод пераможцаў міжнароднага конкурсу антыкарупцыйнай рэкламы
У Маскве адбылася цырымонія ўзнагароджання пераможцаў міжнароднага моладзевага конкурсу сацыяльнай рэкламы «Разам супраць карупцыі». Усяго на афіцыйны сайт спаборніцтва паступіла звыш 22 тыс. работ. На першым этапе конкурсу пераможцаў паўфіналу ў намінацыях «Найлепшы плакат» і «Найлепшы відэаролік» выбіралі нацыянальныя конкурсныя камісіі дзяржаў-удзельніц.