Аляксандр Студнеў зацверджаны на пасадзе старшыні Магілёўскага гарвыканкама
На пазачарговай сесіі Магілёўскага гарадскога Савета дэпутатаў аднагалосна зацверджаны на пасадзе новы старшыня гарадскога выканаўчага камітэта Аляксандр Студнеў. Напярэдадні яго кандыдатуру ўзгадніў Прэзідэнт Беларусі.
Новы старшыня Бабруйскага гарвыканкама зацверджаны на пасадзе
На пазачарговай 43-й сесіі Бабруйскага гарадскога Савета дэпутатаў аднагалосна зацверджаны на пасадзе новы старшыня гарадскога выканаўчага камітэта Ігар Кісель. Напярэдадні яго кандыдатуру ўзгадніў Прэзідэнт Беларусі.
Анатоль Ісачанка: санкцыі сталі выклікам для эканомікі, але не перашкодай для яе развіцця
Цяперашнія ўмовы - гэта свайго роду стартавая пляцоўка для рэальнага сектара эканомікі. Санкцыі сталі выклікам для эканомікі, але не перашкодай для яе развіцця. Такое меркаванне выказаў старшыня Магілёўскага аблвыканкама Анатоль Ісачанка падчас абласной канферэнцыі «Павышэнне эфектыўнасці працы рэальнага сектара эканомікі: праблемы і шляхі вырашэння ў бягучых умовах».
Прэзідэнт Рэспублікі Беларусь Аляксандр Лукашэнка 3 кастрычніка разгледзеў кадравыя пытанні
Прэзідэнт Беларусі Аляксандр Лукашэнка абнавіў склад мясцовай вертыкалі ўлады. Кіраўнік дзяржавы ўзгадніў прызначэнне новых кіраўнікоў у раёнах. Прэзідэнт узгадніў прызначэнне Аляксандра Студнева – старшынёй Магілёўскага гарвыканкама, Ігара Кісяля – старшынёй Бабруйскага гарвыканкама, Андрэя Кажамякіна – старшынёй Слаўгарадскага райвыканкама, Вольгі Прыстромскай – старшынёй Бялыніцкага райвыканкама.
Прамую тэлефонную лінію правядзе 8 кастрычніка намеснік старшыні Магілёўскага аблвыканкама Валерый Малашка
Прамую тэлефонную лінію правядзе 8 кастрычніка намеснік старшыні Магілёўскага аблвыканкама Валерый Анатольевіч Малашка. З 9.00 да 12.00 па нумары 8 (0222) 50-18-69 ён адкажа на пытанні жыхароў Прыдняпроўскага краю. Курыруюцца пытанні: сацыяльна-культурная сфера, ідэалагічная праца, адукацыя, ахова здароўя, спорт і турызм, друк, аздараўленне і санаторна-курортнае лячэнне насельніцтва, уключаючы аздараўленне дзяцей за мяжой, гуманітарная дзейнасць, праца і сацыяльная абарона, ахова працы, дзяржаўная маладзёжная палітыка, сродкі масавай інфармацыі і інфарматызацыя.
Дэманстрацыя сельскагаспадарчай тэхнікі прайшла ў Чавусах з удзелам Анатоля Ісачанкі
Дэманстрацыя і выпрабаванні глебаапрацоўчай і пасяўной сельскагаспадарчай тэхнікі прайшлі ў Чавусах з удзелам старшыні Магілёўскага аблвыканкама Анатоля Ісачанкі. – Пасяўная на Магілёўшчыне сёння на фінішнай прамой. Мы прааналізавалі і ўлічылі свае памылкі: што ў нас атрымлівалася, а што – не, чаму ў некаторых гаспадарках кульгала якасць сяўбы і зацягваліся тэрміны. З улікам гэтага мы сёння ўжо праводзім падбор тэхнікі на наступны год, у нас ёсць час, каб выпрабаваць яе, – адзначыў Анатоль Ісачанка.
Іван Кубракоў: выхаванцы вайскова-патрыятычных клубаў павінны служыць прыкладам для моладзі
Выхаванцы ваенна-патрыятычных клубаў павінны служыць прыкладам для моладзі. Пра гэта заявіў міністр унутраных спраў Іван Кубракоў падчас урачыстага адкрыцця ваенна-патрыятычнага клуба «Зубр» у Касцюковічах.
Творчыя конкурсы да Дня маці пройдуць у Магілёўскай вобласці
Адзін з конкурсаў – «Светлае імя – мама» – пройдзе 14 кастрычніка ў маладзёжным цэнтры культуры і вольнага часу гарадскога пасёлка Краснаполле. На яго запрашаюць удзельніц ва ўзросце ад 20 да 45 гадоў. А трэба будзе канкурсанткам, у якіх ёсць дзеці, прадэманстраваць свае творчыя здольнасці, знаходлівасць, кемлівасць.
У Бабруйскім раёне пройдзе фестываль сямейнай творчасці «Карусель»
XVI раённы фестываль сямейнай творчасці «Карусель» пройдзе з 14 па 21 кастрычніка ў межах «Тыдня бацькоўскай любові». Удзельнічаць у ім будуць усе клубныя ўстановы Бабруйскага раёна, якія рыхтуюць мерапрыемствы рознага фармату: тэатралізаваныя, канцэртныя, конкурсна-забаўляльныя праграмы, выставы сямейнай творчасці, майстар-класы, экскурсіі па кутку «Спадчына».
У Магілёўскім ліцэі прайшла дыялогавая пляцоўка аб захаванні гістарычнай памяці
Тэматычная дыялогавая пляцоўка, прысвечаная захаванню гістарычнай памяці, прайшла ў Магілёўскім абласным ліцэі № 3. Пра гэта расказалі ва ўстанове адукацыі. Удзельнікамі сустрэчы сталі каля 200 чалавек: ліцэісты, член Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Наталля Тарасенка, вучоны сакратар Беларускага дзяржаўнага музея гісторыі Вялікай Айчыннай вайны Ала Гаўрылава, адміністрацыя і педагагічны калектыў ліцэя.
Вялікія сельгаскірмашы і свята ўраджаю пацешаць магілёўцаў
Вялікія сельскагаспадарчыя кірмашы і народнае свята ўраджаю «Багач» пройдуць у Магілёве ў гэтыя дні. Пра гэта паведамілі ў Магілёўскім гарвыканкаме. Так, з 30 верасня па 2 кастрычніка тэматычны гандаль разгорнецца ля гандлёвага цэнтра «Форум» у мікрараёне Саломінка. У суботу і нядзелю набыць плодаагароднінную прадукцыю, харчовыя і нехарчовыя тавары можна будзе ў Кастрычніцкім раёне горада на пляцоўцы ля парку атракцыёнаў.
Матчамі ў Магілёве і Гомелі пачнецца 23-ці тур чэмпіянату Беларусі па футболе
Міжнародная паўза на матчы зборных скончылася, і на позву зноў вяртаецца чэмпіянат краіны па футболе, у якім усё бліжэй развязка. Сёння дзвюма сустрэчамі стартуе 23-ці тур. У Магілёве згуляюць «Днепр» і «Слуцк» (пачатак а 17:45), а ў Гомелі мясцовая аднайменная каманда прыме «Віцебск» (20:00).
У Крычаве пройдзе фестываль-конкурс па вырабе глінянай цацкі
VI Міжрэгіянальны фестываль-конкурс народнай творчасці «Крычаўскі канёк» стартуе 1 кастрычніка а 13:00 у парку Перамогі. Па традыцыі ён збярэ рамеснікаў з розных куткоў Беларусі, а таксама з Расіі. Конкурс па вырабе глінянай свістулькі, прабачце за таўталогію, – канёк «Крычаўскага канька». Мясцовыя майстры будуць знаёміць гасцей з традыцыяй такіх вырабаў і тонкасцямі рамяства: каб такая цацка загучала, трэба прыкласці нямала намаганняў.
Рэпетыцыйнае тэсціраванне стартуе ў Беларусі ў кастрычніку
Рэпетыцыйнае тэсціраванне стартуе ў Беларусі ў кастрычніку. Такая інфармацыя размешчана на сайце Рэспубліканскага інстытута кантролю ведаў. Рэпетыцыйнае тэсціраванне будзе праводзіцца па 15 вучэбных прадметах за курс агульнай сярэдняй адукацыі для падрыхтоўкі да цэнтралізаванага экзамену і цэнтралізаванага тэсціравання 2023 года. Яно ўключае тры этапы. Першы будзе праходзіць на працягу кастрычніка – снежня 2022 года, другі – студзень – люты 2023 года і трэці – сакавік – красавік наступнага года.
Масіраваную адпрацоўку дарог у цёмны час сутак правядзе ДАІ ў Магілёўскай вобласці
Масіраваную адпрацоўку дарог у цёмны час сутак правядуць супрацоўнікі Дзяржаўтаінспекцыі ў Магілёўскай вобласці. Пра гэта паведамілі ў УДАІ УУС Магілёўскага аблвыканкама. «З 30 верасня па 2 кастрычніка супрацоўнікі ДАІ вобласці ў цёмны час сутак правядуць масіраваныя адпрацоўкі аўтамабільных дарог і населеных пунктаў, – адзначылі ў ведамстве. – Асаблівая ўвага будзе нададзена выяўленню грубых парушэнняў ПДР, якія становяцца асноўнымі прычынамі ДТЗ з удзелам пешаходаў».
Камунальная гаспадарка і прыёмка аб’ектаў будаўніцтва: Руслан Пархамовіч правёў выязны прыём грамадзян
Міністр архітэктуры і будаўніцтва Руслан Пархамовіч правёў выязны прыём грамадзян, паведамілі ў прэс-службе ведамства. Выязны прыём адбыўся ў Асіповіцкім райвыканкаме. Як адзначылі ў прэс-службе, звароты грамадзян да міністра закраналі самыя розныя тэмы – ад пытанняў камунальнай гаспадаркі да спрошчанага парадку прыёмкі ў эксплуатацыю аб’ектаў будаўніцтва.
Ваенкам Магілёўскай вобласці: фэйкамі пра мабілізацыю спрабуюць расхістаць сітуацыю ў краіне (відэа)
У сетцы з’явілася фатаграфія позвы аднаго з бабруйчан, якая выдаецца за доказ нібыта мабілізацыі ў Беларусі. Інфармацыю растлумачыў ваенкам Магілёўскай вобласці: інфармацыя аб мабілізацыі – фэйк! Аказалася, што позва – сапраўдная, але інтэрнэт-каментарыі да яе – дэзынфармацыя! На думку ваеннага камісара Магілёўскай вобласці Аляксандра Гарошкіна, «такую інфармацыю і каментарыі могуць даваць толькі людзі, якія нічога не ведаюць аб працы ваенкаматаў і сістэме ваеннаабавязаных у Беларусі. Гэтыя людзі спрабуюць расхістаць сітуацыю ў дзяржаве, каб дэстабілізаваць абстаноўку».
Жыллёвыя пытанні і пенсійныя выплаты: Ісачанка правёў прыём грамадзян у Чавусах
Жыллёвыя і камунальныя пытанні, пенсійныя выплаты і ўрон асабістай падсобнай гаспадаркі ўвайшлі ў лік асноўных зваротаў, з якімі жыхары вобласці прыйшлі сёння на асабісты прыём да старшыні Магілёўскага аблвыканкама Анатоля Ісачанкі.
Хоцімскаму льнозаводу – 90 гадоў
29 сентября славному Хотимскому льнозаводу, выращивающему самую ценную во всем мире культуру – лен, исполняется 90 лет. Солидная дата в истории одного из лучших льнозаводов Беларуси – отличный повод перелистать летопись о ветеранах и лучших тружениках предприятия.
Анатоль Ісачанка прыняў удзел у адкрыцці дома суправаджальнага пражывання «Забота» ў Бабруйскім раёне
28 верасня ў вёсцы Гарбацэвічы Бабруйскага раёна адкрылі Дом «Забота» дзяржаўнай установы сацыяльнага абслугоўвання «Каменскі псіханеўралагічны дом-інтэрнат для састарэлых і інвалідаў». Дом-інтэрнат ужо больш за 10 гадоў паспяхова супрацоўнічае з італьянскім дабрачынным фондам «FORUM PER I DIRITTI DEL BAMBINI DI CHERNOBYL», які ўзначальвае Фацы Серджыа. Рэгіянальны дырэктар фонду Малберці Рэната і яго кампаньёны пастаянна наведваюць дом-інтэрнат і ўносяць ўклад у развіццё яго матэрыяльнай базы.
У Магілёўскай вобласці расце попыт на дровы
Сёлета ў лясгасах Магілёўскай вобласці адзначаецца рост попыту на дровы: за 8 месяцаў гэтага года ўжо рэалізавана амаль 137 тыс. куб. м. Пра гэта карэспандэнту расказалі ў Магілёўскім ДВЛГА. «За 8 месяцаў бягучага года мы рэалізавалі каля 137 тыс. куб. м дроў насельніцтву рэгіёна. У мінулым годзе за такі ж перыяд было рэалізавана каля 102 тыс. куб. м, працягваем рэалізацыю дроў і арганізацыям ЖКГ – на сённяшні дзень рэалізавана больш за 280 тыс. куб. м», – адзначылі спецыялісты.
Іна Жаўнова: «Выбар будучай прафесіі вызначыла для сябе загадзя»
Малады спецыяліст Іна Жаўнова працуе майстрам на лесасеках у лесапункце Быхаўскага лясгаса. Дзяўчына, хоць і выбрала зусім не жаночую прафесію, якая ўключае ў сябе вялікае поле дзейнасці, пачынаючы з кантролю працы аператараў лесанарыхтоўчай тэхнікі «Харвестэраў» і «Фарвардэраў» да адгрузкі спажыўцу нарыхтаванай драўніны, паспяхова спраўляецца са сваімі службовымі абавязкамі.
Зямельны кодэкс спросціць правілы карыстання надзеламі (відэа)
Зямельныя праблемы – самыя распаўсюджаныя сярод зваротаў грамадзян. Вырашыць многія спрэчныя пытанні павінны змены Зямельнага кодэкса, які ўступае ў сілу ў 2023 годзе.
Ураджайнасць гародніны на Магілёўшчыне ў шэсць разоў перавышае леташнюю
У Прыдняпроўскім краі ў разгары ўборка агародніны і бульбы. Першыя з гэтых сельгаскультур, па інфармацыі камітэта па сельскай гаспадарцы і харчаванні аблвыканкама, да 26 верасня былі сабраны са 129 гектараў, або з 21% пасяўных плошчаў. Сярэдняя ўраджайнасць гародніны – 361 цэнтнер з гектара, што істотна перавышае леташні вынік, які складаў на гэту дату 59 ц/га. Агульны збор гародніны дасягнуў 4674 тон і значна пераўзыходзіць паказчык 2021 года – 2622 тоны.
Палова жыхароў Магілёўшчыны зрабіла бустарную вакцынацыю (відэа)
Прышчэпачная кампанія супраць каранавіруса актыўна праходзіць у Магілёўскай вобласці. Вакцына ў наяўнасці, адзначылі ў галоўным упраўленні па ахове здароўя аблвыканкама. Дарэчы, бустарную вакцынацыю ўжо прайшло каля 50% жыхароў рэгіёна.
Замест акцыі «Чысты лес» сёлета Мінлясгас правядзе акцыю «Адновім лясы разам» на Магілёўшчыне
Замест акцыі «Чысты лес» сёлета Мінлясгас правядзе акцыю «Адновім лясы разам». Пра гэта расказалі ў прэс-службе ведамства. Пройдзе акцыя з 8 па 22 кастрычніка на тэрыторыі Магілёўскай вобласці, якая найбольш пацярпела сёлета ад ветравалаў. Да 1 верасня ў рэгіёне было распрацавана амаль 3 млн кубаметраў ветравальна-бураломнай драўніны. Зараз тут плануецца стварыць новыя лясы на плошчы не менш за 500 гектараў.
У Магілёве абмеркавалі выкананне дзяржпраграмы «Беларусь гасцінная»
Падчас святкавання Сусветнага дня турызму ў Магілёве прайшло пасяджэнне пастаяннай камісіі па пытаннях сацыяльнай сферы, сацыяльнай абароны грамадзян і па справах моладзі Магілёўскага абласнога Савета дэпутатаў 27 склікання. Пляцоўкай для сустрэчы стала Зала алімпійскай і спартыўнай славы Магілёўшчыны.
Ацяпленне ў жылфондзе Магілёва пачнуць уключаць з 29 верасня
Сістэму ацяплення ў жыллёвым фондзе Магілёва запусцяць з 29 верасня. Гаворка ідзе ў ліку іншага аб інтэрнатах, гасцініцах і ўстановах адукацыі, не ўказаных у распараджэнні аб уключэнні ацяплення ў сацсферы. Пры гэтым, падкрэслілі ў гарвыканкаме, калі сярэднясутачная тэмпература вонкавага паветра будзе вышэйшай за +10 градусаў, працу сістэмы ацяплення арганізуюць у рэжыме прапальвання. У выпадку стабільнага павышэння сярэднясутачнай тэмпературы за акном ацяпленне адключаць зусім. СБ
Касавае абсталяванне з 1 студзеня абавязкова пры гандлі харчовымі таварамі на кірмашах
Юрыдычныя асобы і індывідуальныя прадпрымальнікі з 1 студзеня 2023 года абавязаны выкарыстоўваць касавае абсталяванне ў рознічным гандлі харчовымі таварамі, у тым ліку сельскагаспадарчай прадукцыяй, на кірмашах, гандлёвых месцах. Пра гэта паведамілі ў Міністэрстве па падатках і зборах.
Турнір па водным пола збярэ ў Магілёве 160 удзельнікаў з Беларусі і Расіі
Адкрыты міжнародны турнір па водным пола збярэ ў Магілёве 160 удзельнікаў з Беларусі і Расіі. Спаборніцтвы на прызы спартсмена Ігара Бычкова пройдуць у абласным цэнтры ўжо чацвёртым разам. За кубкі і медалі турніру будуць змагацца 8 каманд – юнакі ва ўзросце да 12 гадоў. Мерапрыемства пройдзе з 28 верасня па 1 кастрычніка ў басейне фізкультурна-аздараўленчага комплексу «H2O» – новым аб’екце сацыяльнай сферы Магілёва, які цалкам адпавядае сусветным стандартам.