ААТ «Крычаўцэментнашыфер» выпусціў 9-мільённую тону цэменту
З моманту ўводу ў эксплуатацыю новай тэхналагічнай лініі ў ААТ «Крычаўцэментнашыфер» выпушчана 9-мільённая тона цэменту. За студзень–ліпень прадпрыемствам выраблена 882 тысячы тон цэменту, тэмп росту да мінулага года склаў 101,6 працэнта. У ліпені – 162 тысячы тон цэменту. Аб’ём прамысловай вытворчасці за студзень–ліпень склаў Br111 млн.
Анатоль Ісачанка правядзе 28 жніўня ў Клічаўскім раёне прыём грамадзян і прамую тэлефонную лінію
Намеснік старшыні Савета Рэспублікі Анатоль Міхайлавіч Ісачанка правядзе 28 жніўня ў Клічаўскім раёне прыём грамадзян і прамую тэлефонную лінію, паведамілі ў прэс-службе верхняй палаты парламента. Падчас прамой тэлефоннай лініі званкі будуць прымацца з 11.00 да 12.00 па тэлефоне 8 (02236) 7-89-52. Прыём грамадзян пройдзе з 12.00 да 14.00 у малой зале пасяджэнняў Клічаўскага райвыканкама. Папярэдні запіс на асабісты прыём ажыццяўляецца па тэлефонах: 8 (02236) 7-92-95, 7-92-97. БЕЛТА
У Магілёве на беразе Дняпра ўсталёўваюць скейт-парк
У Магілёве на беразе Дняпра ўсталёўваюць скейт-парк, пляцоўку для яго шукалі амаль год. Пра гэта расказала намеснік начальніка аддзела ідэалагічнай работы і па справах моладзі Магілёўскага гарвыканкама Ірына Сталярова.
З Краснаполля ў Чачэрск па Сожы за 9 дзён
З Краснаполля ў Чачэрск за 9 дзён на катамаранах і байдарках па рацэ Сож. Штогод летам вучні старэйшых класаў аграгарадка Яноўка Краснапольскага раёна праводзяць некалькі дзён у падарожжах. Каманду школьнікаў мы сустрэлі на другі дзень воднага паходу. 16 падлеткаў пад кіраўніцтвам дарослых аглядаебеларускія краявіды. Першы прыпынак – вёска Бакоў у Чэрыкаўскім раёне.
Тры раёны Магілёўскай вобласці завяршылі ўборку збожжавых
Завяршылі ўборку Глускі, Кіраўскі, Асіповіцкі раёны. На фінішнай прамой – аграрыі Бабруйскага, Быхаўскага, Касцюковіцкага раёнаў.
У Беларусі павялічаны нормы выдаткаў на харчаванне ў сярэдніх школах – вучылішчах алімпійскага рэзерву
У Беларусі павялічваюцца нормы выдаткаў на харчаванне для навучэнцаў у сярэдніх школах–вучылішчах алімпійскага рэзерву. Гэта прадугледжана пастановай Міністэрства спорту і турызму № 28 ад 10 жніўня 2020 года, якая сёння афіцыйна апублікавана на Нацыянальным прававым інтэрнэт-партале.
«Бабруйскаграмаш» пашырыў наменклатуру тэхнікі, якая пастаўляецца на рынак Казахстана
ААТ «Кіруючая кампанія холдынгу “Бабруйскаграмаш”» пашырыла наменклатуру тэхнікі, якая пастаўляецца на рынак Рэспублікі Казахстан. Упершыню за шматгадовую гісторыю супрацоўніцтва на адрас казахстанскіх партнёраў была пастаўлена партыя лодак-касілак ЛК-12, паведамляецца на сайце Міністэрства прамысловасці. Лодкі-касілкі ўжо задзейнічаны на ачыстцы ад чароту возера Копа ў г. Какшатау і прыцягваюць увагу як спецыялістаў водных гаспадарак, так і абывацеляў. Па выніках першых дзён працы казахстанскім бокам адзначана высокая якасць і прадукцыйнасць гэтай тэхнікі.
Руслан Страхар: спыненне прамысловых вытворчасцей недапушчальнае
Спыненне прамысловых вытворчасцей недапушчальнае ў сённяшніх умовах. Такім меркаваннем падзяліўся намеснік старшыні Магілёўскага аблвыканкама Руслан Страхар.
Пераход да цыркулярнай эканомікі плануюць у Магілёўскай вобласці
Развіваць цыркулярную эканоміку плануюць у Магілёўскай вобласці. Планы сучаснага напрамку былі агучаныя на семінары «Асновы цыркулярнай эканомікі: ацэнка ўнутранага патэнцыялу і прыярытэты пераходу да цыркулярнай эканомікі Магілёўскай вобласці», які адбыўся ў Магілёве.
Новы рэнтгеналагічны апарат пачаў працаваць у Магілёўскім траўмапункце
Новы рэнтгеналагічны апарат пачаў працаваць у Магілёўскім гарадскім траўмапункце. Ён стаў заменай больш старой мадэлі, якая рабіла здымкі яшчэ на плёнцы.
Міністэрства аховы здароўя апублікавала рэкамендацыі па арганізацыі адукацыйнага працэсу ва ўмовах COVID-19
Рэспубліканскі цэнтр гігіены, эпідэміялогіі і грамадскага здароўя распрацаваў метадычныя рэкамендацыі па арганізацыі адукацыйнага працэсу ў 2020/2021 навучальным годзе ва ўстановах адукацыі ва ўмовах распаўсюджвання COVID-19, як паведамілі ў прэс-службе Міністэрства аховы здароўя.
Чыгірынскі турыстычны кластар плануюць стварыць у Магілёўскай вобласці
Чыгірынскі турыстычны кластар плануюць стварыць у Магілёўскай вобласці. Пра гэта расказаў Яўген Якімаў – дырэктар ААТ «Магілёўскае Агенцтва рэгіянальнага развіцця», якое зараз займаецца стварэннем інфармацыйнай базы даных турыстычнага і інвестыцыйнага патэнцыялу Чыгірынскага вадасховішча і прылеглых да яго тэрыторый. Знаходзіцца Чыгірынскае вадасховішча на мяжы Кіраўскага і Быхаўскага раёнаў у пойме ракі Друць. У цяперашні час вакол яго зарэгістравана і дзейнічае больш за сорак аграэкасядзіб і столькі ж баз адпачынку.
Распрацоўку платформы для дыстанцыйнага навучання завершаць да канца года
Распрацоўку адзінай платформы для дыстанцыйнага навучання ў Беларусі завершаць да канца 2020 года. Пра гэта заявіў міністр адукацыі Ігар Карпенка ў эфіры тэлеканала «Беларусь 1».
Прафсаюзы ініцыіруюць дапамогу пацярпелым ад COVID-19 галінам
Прафсаюзы ініцыіруюць дадатковыя меры для абароны работнікаў ад наступстваў каранавіруснай інфекцыі ў розных сферах жыцця. Плануецца, што змены закрануць такія напрамкі, як турызм, транспарт, будаўніцтва. ТРК «Магілёў»
Выстава мастачкі Ларысы Журавовіч адкрыецца ў Магілёўскім абласным краязнаўчым музеі
Экспазіцыя «Вяртанне» мастачкі Ларысы Журавовіч адкрыецца 26 жніўня ў Магілёўскім абласным краязнаўчым музеі імя Е. Р. Раманава. Пра гэта паведамілі ва ўстанове культуры. У выставачнай зале будзе прадстаўлена каля трыццаці новых работ аўтара. «Гэта выстава – пра храмы, якія існавалі на Бялыніцкай зямлі ў 1920-я гады. Іх будавалі на стагоддзі, але войны і абыякавасць аказаліся больш разбуральнымі, чым стыхіі прыроды, – падзялілася Ларыса Журавовіч. – Многіх цэркваў ужо няма, ад некаторых не засталося нават фатаграфій. І толькі чалавечая памяць захоўвае ўспаміны».
Прамую тэлефонную лінію правядзе 29 жніўня намеснік старшыні Магілёўскага аблвыканкама Сяргей Маслаў
Прамую тэлефонную лінію правядзе 29 жніўня намеснік старшыні Магілёўскага аблвыканкама Сяргей Мікалаевіч Маслаў. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
У Бабруйскім раёне 29 жніўня правядуць «Конны фэст», прысвечаны Году малой радзімы
У в. Сычкава Бабруйскага раёна 29 жніўня правядуць традыцыйнае свята «Конны фэст», прысвечанае Году малой радзімы. Яно адбудзецца на полі каля ТДА «Зялёны бор», як паведамілі ў аддзеле ідэалагічнай работы, культуры і па справах моладзі Бабруйскага райвыканкама.
Пракурор Магілёўскай вобласці заклікаў грамадзян не парушаць закон. Відэа
Пракурор Магілёўскай вобласці Аляксандр Чадзюк звярнуўся да жыхароў рэгіёна. Ён папярэдзіў грамадзян аб адказнасці за ўдзел у несанкцыянаваных масавых мерапрыемствах і заклікаў праявіць разважлівасць і не парушаць грамадскі парадак.
Рэспубліканская акцыя «Увага – дзеці!» пройдзе ў Магілёўскай вобласці з 25 жніўня па 5 верасня
У Магілёўскай вобласці з 25 жніўня па 5 верасня пройдзе спецыяльнае комплекснае мерапрыемства «Увага – дзеці!». Пра гэта паведамілі ў аддзяленні па агітацыі і прапагандзе ДАІ УУС Магілёўскага аблвыканкама.
Сямейнае трыа з Касцюковіцкага раёна аб’яднала таленты ў «Радні» і на святах вёсак выступае як цвік праграмы
Усе работнікі Муравільскага сельскага дома культуры – блізкія сваякі. Мала таго, творчае сямейнае трыа спявае ў народным ансамблі з самай што ні на ёсць прыдатнай назвай – «Радня». Гастрольны графік – па два канцэрты на тыдзень. Зараз ансамбль «Радня» рэпеціруе новую праграму.
Рэгістрацыя геаграфічных указанняў падыме імідж рэгіянальных брэндаў
29 жніўня гэтага года ўступаюць у сілу змены ў Закон Рэспублікі Беларусь «Аб геаграфічных указаннях». Геаграфічнае ўказанне – гэта аб’ект інтэлектуальнай уласнасці, які ўяўляе з сябе абазначэнне, якое ідэнтыфікуе тавар як той, што робіцца на тэрыторыі пэўнага геаграфічнага аб’екта, калі якасць, рэпутацыя ці іншыя характарыстыкі тавару ў значнай ступені абумоўлены яго геаграфічным паходжаннем.
СААЗ і ЮНІСЕФ рэкамендавалі дзецям з 12 гадоў насіць маскі ў сувязі з пандэміяй
Сусветная Арганізацыя Аховы здароўя (СААЗ) і дзіцячы фонд ААН (ЮНІСЕФ) рэкамендавалі дзецям з 12 гадоў насіць ахоўныя маскі ў сувязі з пандэміяй COVID-19. Пра гэта гаворыцца ў інфармацыйным бюлетэні, апублікаваным на сайце СААЗ, паведамляе ТАСС. «Згодна з парадай СААЗ і ЮНІСЕФ, дзеці 12 гадоў і больш павінны насіць маску пры тых жа ўмовах, што і дарослыя, у прыватнасці калі няма гарантыі захавання дыстанцыі ў 1 м ад іншых людзей і ў дадзеным раёне перадача віруса шырокамаштабная», – адзначаецца ў дакуменце.
Гадавое заданне па працаўладкаванні на зноў створаныя працоўныя месцы па Магілёўскай вобласці складае 4,5 тыс. чалавек
Гадавое заданне па працаўладкаванні на зноў створаныя працоўныя месцы за кошт стварэння новых вытворчасцяў і прадпрыемстваў па вобласці складае 4,5 тыс. чалавек. Пра гэта паведаміла начальнік упраўлення занятасці насельніцтва камітэта па працы, занятасці і сацыяльнай абароне Магілёўскага аблвыканкама Алена Якаўлева.
Фестываль народных промыслаў і рамёстваў збярэ ў Краснаполлі майстроў Магілёўскай вобласці
У гарадскім пасёлку Краснаполле Магілёўскай вобласці 22 жніўня пройдзе рэгіянальны фестываль народных промыслаў і рамёстваў «Краснапольскі глечык». Пра гэта паведаміла дырэктар Краснапольскага раённага Дома рамёстваў Валянціна Маскалькова.
У Магілёве і Бабруйску пройдуць аўтапрабегі «За Беларусь!»
В Могилеве и Бобруйске сегодня пройдут автопробеги «За Беларусь!». К участию приглашаются все неравнодушные автомобилисты.
Жыхароў Магілёўскай вобласці запрашаюць да ўдзелу ў агульнарэспубліканскім флэшмобе сэлфі з беларускім сцягам
Жыхароў Магілёўскай вобласці запрашаюць да ўдзелу ў агульнарэспубліканскім флэшмобе з беларускай сімволікай. Падлучыцца да руху лёгка: трэба зрабіць сэлфі са сцягам Сінявокай і размясціць здымак у сацсетках з хэштэгам # МОЙ_СЦЯГ!!!.
Магутная відэакамера, квадракоптар і штучны інтэлект: як у лясгасах краіны працуе інавацыйная сістэма маніторынгу за пажарамі
Цэлы лес навінак Колькасць лясных пажараў у гэтым годзе набліжаецца да дзевяці соцень. Агонь ужо пашкодзіў не адну тысячу гектараў лесу, знішчыў расліннасць, прагнаў з абжытых месцаў звяроў. І, безумоўна, знішчыў працу некалькіх пакаленняў лесаводаў. Менавіта таму ў Мінлясгасе робяць упор на ранняе выяўленне лясных пажараў. Дапамагае ў гэтым сучасная інтэлектуальная сістэма, якую ў апошнія пару гадоў пачалі ўкараняць у лясгасах.
Каля двух дзясяткаў мабільных брыгад у Магілёўскай вобласці аказваюць тэхдапамогу механізатарам прама ў палях
Хуткая для камбайнаў Мабільныя рамонтныя брыгады аказваюць тэхнічную дапамогу механізатарам прама ў палях Жніво ў Магілёўскай вобласці набліжаецца да фінішу. Каб тэхніка працавала без замінак, у рэгіёне працуе ў рэжыме нон-стоп каля двух дзясяткаў мабільных рамонтных брыгад. Яны гатовыя выехаць у любы пункт вобласці і ліквідаваць паломку або правесці тэхнічнае абслугоўванне ў палявых умовах.
Дваццаць пяць тысяч дзяцей адпачыла ў лагерах Магілёўскай вобласці
Загарадныя лагеры Магілёўскай вобласці гэтым летам былі загружаныя на 85%. У іх адпачыла больш за 10 тысяч дзяцей. Сёлета ў сувязі з прафілактыкай распаўсюджвання інфекцый колькасць змен у лагерах скарацілі: для дзяцей арганізавалі максімум па 3 заезды. Усе 16 загарадных лагераў функцыянавалі. Яшчэ большую ўвагу надалі санітарным патрабаванням. Нагадаем: у загарадных лагерах выхавальнікі і ўвесь персанал працавалі вахтавым метадам, г. зн. на працягу змены не пакідалі тэрыторыю. Роўна як і прысутнасць бацькоў на тэрыторыі лагера не дапускалася, каб мінімізаваць кантакты.
Папаўненне ў чыгуначным парку Магілёва
Магілёў і Мінск звяжа новы шасцівагонны дызель-цягнік. Ён адпавядае сучасным патрабаванням бяспекі і камфорту пасажыраў і ў агульным мае звыш 300 месцаў, у тым ліку першага класа. Прадугледжаны вай-фай, медыя і сістэма кандыцыявання. Зараз ідзе працэс узгаднення з пасажырамі часу адпраўлення новага хуткаснага цягніка. А ўжо 21 жніўня ў рэйс адправіцца яшчэ адзін дадатковы цягнік бізнес-класа Магілёў-Салігорск. Ён будзе ў дарозе ўсяго 4 гадзіны.