ПереводчикАрхіў навін
У планах у аграрыяў у бягучым годзе сабраць 1 млн 300 тыс. тон збожжавых і зернебабовых. І для гэтага ёсць усё, адзначылі ў камітэце па сельскай гаспадарцы і харчаванні Магілёўскага аблвыканкама. Гаспадаркі ў поўным аб'ёме забяспечаны якасным насеннем. Адрамантавана тэхніка. Зараз галоўнае - зладжана ў агратэхнічныя тэрміны на высокім узроўні правесці пасяўную кампанію. А таксама вельмі важна выконваць працоўную дысцыпліну на кожным працоўным месцы. Асаблівая ўвага - стварэнню ўсіх умоў для забеспячэння бяспечнай працы.
Кірмаш вакансій пройдзе ў Магілёве 20 сакавіка. Пра гэта паведамілі ў Магілёўскім гарвыканкаме.
Тэматычнае мерапрыемства будзе арганізавана для незаймальных грамадзян і грамадзян, якія не маюць пастаяннай работы. Адбудзецца кірмаш вакансій ва ўпраўленні па працы, занятасці і сацыяльнай абароне Магілёўскага гарвыканкама па адрасе: вул. Касманаўтаў, 17.
Рэктар Беларускай дзяржаўнай сельскагаспадарчай акадэміі Віталь Веліканаў расказаў журналістам пра плюсы мэтавай падрыхтоўкі падчас абласнога форуму «Адукацыя і кар'ера» для навучэнцаў профільных класаў аграрнай накіраванасці, іх бацькоў, арганізацый-заказчыкаў кадраў, які прайшоў у Магілёве.
Урок Памяці, прысвечаны трагедыі ў Хатыні, пройдзе ва ўстановах адукацыі Беларусі 20 сакавіка, паведамляе Нацыянальны адукацыйны партал.
Змест урока накіраваны на пашырэнне ведаў навучэнцаў аб генацыдзе беларускага народа ў гады Вялікай Айчыннай вайны, выхаванне паважлівых адносін да гісторыі беларускага народа, фарміраванне гістарычнай памяці навучэнцаў.
Прэзідэнт Беларусі Аляксандр Лукашэнка 18 сакавіка падпісаў указ нумар 108 «Аб страхаванні». Дакументам прыводзяцца ў адпаведнасць з законам «Аб страхавой дзейнасці», які ўступіў у сілу 1 студзеня 2025 года, асобныя заканадаўчыя акты, паведамілі ў прэс-службе кіраўніка дзяржавы.
Прэзідэнт Беларусі Аляксандр Лукашэнка пацвердзіў планы па выпрацоўцы да 1 красавіка формулы справядлівага цэнаўтварэння. Аб гэтым ён заявіў, прымаючы з дакладам прэм'ер-міністра Беларусі Аляксандра Турчына.
Амаль 4 гектары зямлі каля аграгарадка Пудоўня перажываюць аграрную трансфармацыю. За два гады на месцы старой фермы вырас сучасны комплекс па вырошчванні племянных герэфордаў - каштоўнай мясной пароды, вядомай сваім мармуровым мясам. Гэты новы для раёна напрамак рэалізуе Магілёўскае дзяржплемпрадпрыемства.
Казахстан зацікаўлены ў набыцці корманарыхтоўчай тэхнікі «Бабруйскаграмаша». Пра гэта стала вядома на палях выставы «Agritek-2025», якая прайшла ў Астане, паведамілі ў беларускім холдынгу.
«Agritek-2025» - гэта буйная міжнародная выстава абсталявання і тэхналогій для сельскай гаспадаркі пры афіцыйнай падтрымцы Міністэрства сельскай гаспадаркі Казахстана. Холдынг «Бабруйскаграмаш» сумесна з дыстрыбутарам ТАА «Аксуат» прадставіў на выставе ўзоры сельскагаспадарчай тэхнікі - кормараздатчык РСК-12-2 і машыну для ўнясення цвёрдых арганічных угнаенняў МТТ-9-1.
Першае месца сярод амбулаторна-паліклінічных устаноў Магілёўшчыны па выніках 2024 года прысуджана абласному лячэбна-дыягнастычнаму цэнтру. Сярод фактараў, якія дапамаглі дасягнуць такога выніку, ва ўстанове называюць работу аддзела рэпрадуктыўнага здароўя і планавання сям'і, а таксама аддзела перынатальнай дыягностыкі і медыцынскай генетыкі.
Прадстаўнікі прафсаюзаў разгледзяць усе звароты, звязаныя з нестандартнымі сітуацыямі на спажывецкім рынку: кошты, якасць і наяўнасць тавараў на спажывецкім рынку.
Паведаміць аб узніклых нестандартных сітуацыях можна як асабіста, так і па тэлефоне.
Званкі прымаюцца з 14:00 да 17:30 па тэлефоне 8 (222) 33-00-63.
У гэты ж час адбудзецца асабісты прыём па адрасе: г. Магілёў, зав. Камісарыяцкі, д. 5, каб. 313.
Абласны семінар-практыкум для кіраўнікоў харавых калектываў пройдзе сёння ў Магілёве. Гэта ўнікальная магчымасць для прафесіяналаў у галіне харавога мастацтва абмяняцца вопытам, паглыбіць свае веды і набыць новыя навыкі.
Арганізатарам семінара выступае Магілёўскі абласны метадычны цэнтр народнай творчасці і культурна-асветніцкай работы. Семінар-практыкум пройдзе на трох лакацыях: на базе арганізатараў, у Магілёўскай дзяржаўнай школе мастацтваў нумар 4, Магілёўскім дзяржаўным каледжы мастацтваў.
У Магілёўскай вобласці плошча яравой сяўбы складае 300 тысяч гектараў. Вільгаці ў глебе не хапае, таму аграрыі нацэлены правесці пасяўную ў сціслыя тэрміны, і ў тэхнікі тут ключавая роля. Сёлета па Указе Прэзідэнта № 177 «Аб мерах па развіццю паўднёва-ўсходняга рэгіёну Магілёўскай вобласці» ў сельгаспрадпрыемствы паступіць каля 40 адзінак тэхнікі на суму 9 мільёнаў рублёў, а з пачатку дзеяння ўказа з 2018 года з дзяржбюджэту на гэтыя мэты было выдзелена звыш 100 мільёнаў рублёў, набыта 1388 адзінак машын і агрэгатаў.
У гарадскіх, раённых выканаўчых камітэтах Магілёўскай вобласці, адміністрацыях раёнаў гарадоў Магілёва і Бабруйска для вырашэння пытанняў на месцах па суботах з 09.00 да 12.00 працягваюць працаваць прамыя тэлефонныя лініі, адпаведныя нумары тэлефонаў размешчаны на іх інфармацыйных рэсурсах і ў СМІ.
Так, 22 сакавіка можна будзе звярнуцца па тэлефонах:
Магілёўскі гарвыканкам – 8 (0222) 42-21-02 (Бушлякоў Ігар Валер'евіч - першы намеснік старшыні гарвыканкама);
2025-ы - Год добраўпарадкавання, і гэта не толькі аб чысціні і камфорце, але таксама і пра ўзровень жыцця кожнага чалавека. Чарговы арэндны дом для вайскоўцаў здалі ў Асіповіцкім гарнізоне.
Прэтэндаваць на арэндныя квадраты можа кожны, хто не мае ўласных. Даручэнне Прэзідэнта - шматдзетныя і тыя, хто выбірае работу па клічы сэрца, у чарзе за арэндным жыллём стаяць не павінны. У новы дом у Асіповічах многія ўжо гатовы засяліцца - засталося толькі завезці мэблю. З суседзямі навасельцам знаёміцца не давядзецца. Усе жыхары - афіцэры аднаго гарнізона.
Рапсавы алей з Магілёўскай вобласці - любімы прадукт ізраільцян. Самая вялікая замова ў гэтую краіну ад Бабруйскага завода раслінных алеяў склала амаль мільён тон масла. Усё дзякуючы яго якасці і выключнай карысці. Наогул за мінулы год прадукцыю адпраўлялі ў 17 краін свету. І пераважную долю ў агульным аб'ёме склаў менавіта рапсавы алей. Рапс у Беларусі - гэта асноўная алейная культура. Нашы людзі таксама ацанілі ягоную перавагу. Менавіта таму такое масла часта называюць нашым нацыянальным суперфудам.
На Магілёўшчыну плануюць паставіць вялікую партыю вакцыны супраць віруса папіломы чалавека. У гэтым годзе ўступілі ў сілу змены ў нацыянальным календары прышчэпак. У яго ўключана і вакцына ад ВПЧ. Бо сярод вірусаў папіломы чалавека ёсць высокаанкагенныя. У сучаснай медыцыны зараз ёсць магчымасць прафілактыкі раку шыйкі маткі з дапамогай вакцыны. І зараз у вобласці вядзецца работа па зборы даных для арганізацыі вакцынацыі ў рамках нацыянальнага календара прышчэпак.
Стартаваў прыём заявак на XXI Нацыянальны конкурс «Залатая літара». Пра гэта паведамілі ў Міністэрстве інфармацыі.
Конкурс праводзіцца штогод з мэтай садзейнічання развіццю друкаваных сродкаў масавай інфармацыі, інфармацыйных агенцтваў і сеткавых выданняў Рэспублікі Беларусь, актуалізацыі значных тэматычных напрамкаў дзейнасці СМІ па рэалізацыі дзяржаўнай інфармацыйнай палітыкі, павышэння прафесійнага і ідэйна-змястоўнага ўзроўню СМІ, стымулявання творчай дзейнасці журналістаў і іншых творчых работнікаў, занятых у працэсе вытворчасці СМІ.
У Магілёўскай вобласці на вясновых канікулах плануюць аздаравіць больш за 7 тыс. навучэнцаў. Для гэтага на базе ўстаноў адукацыі рэгіёну запланавана работа 270 лагераў з дзённым знаходжаннем, расказалі ў галоўным упраўленні па адукацыі Магілёўскага аблвыканкама.
У Беларуска-Расійскім універсітэце ў Магілёве завяршыўся XVI адкрыты фестываль творчасці замежных студэнтаў «Дружба народаў». Талентамі ў музыцы, танцах і іншых відах мастацтва парадавалі 70 хлопчыкаў і дзяўчынак з краін Азіі, Афрыкі і Еўропы, якія прадстаўляюць сем вышэйшых навучальных устаноў Беларусі.
Баскетбалісты «Барысфена» пасля двух паражэнняў запар атрымалі перамогу ў гульнях чэмпіянату Беларусі.
Учора, 16 сакавіка, на паркеце магілёўскага спарткомплексу «Алімпіец» гаспадары перайгралі дзейных чэмпіёнаў краіны баскетбалістаў «МІНСКА» з лікам 84:71.
Становішча ў лідзіруючай групе зараз такое: «Гродна-93» - 45 ачкоў (26 матчаў), «Барысфен» - 45 (27), «МІНСК» - 42 (26).
БЕЛТА
Музейную экспазіцыю, прысвечаную пошукаваму руху, абсталююць у Магілёве. Пра гэта расказала начальнік штаба Магілёўскага абласнога гісторыка-патрыятычнага пошукавага клуба «Вікру», метадыст Магілёўскага абласнога цэнтра творчасці Святлана Барысенка.
Увага дваровым тэрыторыям і асвятленню: у Магілёве з надыходам вясны актывізаваліся работы па добраўпарадкаванні тэрыторый.
Сур'ёзныя планы па добраўпарадкаванні на гэты год у Ленінскім раёне Магілёва. Як адзначыў першы намеснік кіраўніка адміністрацыі Ленінскага раёна Аляксей Шарай, Год добраўпарадкавання будзе плённым і насычаным - будуць падтрымліваць тэмпы, узятыя ў мінулым годзе.
У пятніцу, 14 сакавіка, падапечныя Андрэя Міхалёва на сваім лёдзе разбілі «Амурскіх Тыграў» з Хабараўска. Ужо ў стартавай трэці бабруйчане адарваліся ад саперніка на тры галы, у другім перыядзе давялі адрыў да пяці шайб, а ў заключнай 20-хвілінцы паразілі чужыя вароты яшчэ чатыры разы. Фінальны лік — 9:0 на карысць «Дынама-Шынніка», пяць балаў за гаспадароў набраў Аляксандр Яцэнка (2+3). Таксама дубль аформіў Андрэй Краўчук, па адным дакладным кідку нанеслі Арсеній Елісееў, Мікалай Салыга, Мацвей Ладуцька і Дзмітрый Невера.
На XXXII Мінскую міжнародную кніжную выставу-кірмаш завіталі пісьменнікі Магілёўскага абласнога аддзялення Саюза пісьменнікаў Беларусі.
Старшыня Магілёўскага аблвыканкама Анатоль Ісачанка ўручыў сёння пашпарты 26 юным грамадзянам краіны. Выдатнікі вучобы, пераможцы прадметных алімпіяд, творчых конкурсаў, спартыўных спаборніцтваў, актыўныя ўдзельнікі грамадскага жыцця - хлопцы з усіх куткоў Магілёўшчыны сталі ўдзельнікамі Усебеларускай акцыі «Мы - грамадзяне Беларусі!». Урачыстая цырымонія прайшла ў Палацы культуры вобласці.
У насычанай праграме рабочага візіту былі два важныя для горада на Бярэзіне аб'екты - РУП «Днепра-Бярэзінскае прадпрыемства водных шляхоў» і будаўнічая пляцоўка смеццеперапрацоўчага завода.
Азнаёміўшыся з першым аб'ектам, Анатоль Сівак растлумачыў, што важна сёння шукаць у такіх месцах турыстычны патэнцыял і магчымасць пашырэння акваторыі (не спыняючыся толькі на здабычы пяску), бо глабальная змена клімату дыктуе карэкціроўку і структурныя змены ў дзейнасці такіх аб'ектаў, як Днепра-Бярэзінскае прадпрыемства водных шляхоў.
Выставачны праект «Павел Масленікаў. Тэатр вачыма мастака» будзе праходзіць у рамках правядзення XVIII Міжнароднага маладзёжнага тэатральнага форуму «M.@rt кантакт». Пра гэта расказалі ў Магілёўскім абласным мастацкім музеі ім. П.У. Масленікава.
Асабісты прыём грамадзян 28 сакавіка правядзе начальнік кантрольна-аналітычнага ўпраўлення Магілёўскага аблвыканкама Аляксандр Аляксандравіч Мураўёў.Прыём будзе праходзіць з 10.00 да 13.00 у Магілёўскім раённым выканаўчым камітэце (г. Магілёў, вул. Чалюскінцаў, 63а).
Папярэдні запіс на асабісты прыём па тэлефонах 8 (0222) 42 30 33, 8 (0222) 42 30 25.
Рэд.
У Віцебску завяршыўся Кубак Беларусі па скачках на батуце, паведамілі ў прэс-службе Беларускай асацыяцыі гімнастыкі.
У індывідуальных скачках у мужчын перамогу атрымаў двухразовы алімпійскі чэмпіён Іван Літвіновіч, які амаль на 3 балы апярэдзіў Станіслава Яскевіча, які стаў другім. Тройку прызёраў замкнуў Іван Мельнікаў. Сярод жанчын лепшы вынік паказала медалістка парыжскіх Гульняў Віялета Бардзілоўская, серабро выйграла Ксенія Пабудэй, бронза - у Златы Мініахметавай.
Каля 300 юных лёгкаатлетаў збяруцца ў Магілёве 15 сакавіка падчас трэцяга этапа спаборніцтваў «300 талентаў для Каралевы». Пра гэта расказаў старшы трэнер нацыянальнай каманды Беларусі па лёгкай атлетыцы па Магілёўскай вобласці Дзмітрый Сівоў.
Спаборніцтвы пройдуць у лёгкаатлетычным манежы спартыўнага комплексу «Алімпіец» у Магілёве. Трэці этап стане фінальным выпрабаваннем для юных лёгкаатлетаў Магілёўскай вобласці.