ПереводчикАрхіў навін
Аб тым, як будуць змагацца з нядобрасумленнымі работнікамі ў сельскай гаспадарцы, у час нарады ў Асіповіцкім райвыканкаме расказаў кіраўнік Адміністрацыі Прэзідэнта Дзмітрый Крутой.
Як нагадаў Дзмітрый Крутой, кіраўнік дзяржавы ўчора ў час селектарнай нарады ўвёў мабілізацыйны рэжым правядзення ўборачнай. Факты, агучаныя кантралюючымі і сілавымі органамі, абуральныя, таму неабходна падцягнуць выканальніцкую дысцыпліну на месцах. Рашэнне знойдзена.
Мабільныя рабочыя групы сфарміруюць у Беларусі для выяўлення ў рэгіёнах фактараў, якія стрымліваюць уборку. Аб гэтым паведамілі ў прэс–службе ўрада.
Ва ўмовах асаблівых капрызаў надвор'я пры ўборцы ўраджаю патрэбна жалезная дысцыпліна, якую даручана забяспечыць неадкладна. Аб гэтым заявіў кіраўнік Адміністрацыі Прэзідэнта Дзмітрый Крутой у час рабочай паездкі ў Асіповіцкі раён.
Графік руху цягнікоў на ўчастку Мінск – Асіповічы мяняецца 4–5 жніўня, паведамілі ў прэс–цэнтры БЧ.
Гэта звязана з планавым рамонтам чыгуначнага маста на перагоне Пухавічы – Талька. Зменяцца расклад і маршрут цягнікоў міжрэгіянальных і рэгіянальных ліній на ўчастку Мінск – Асіповічы, некаторыя цягнікі будуць адменены. Так, адмяняюцца 4 жніўня цягнікі №708, №740 Мінск – Гомель і №715 Гомель – Мінск, 5 жніўня – цягнікі №707, №755 Гомель – Мінск і №716, №622 Мінск – Гомель.
Следчыя Магілёўскай вобласці аказваюць дапамогу работнікам ААТ «Краснапольскі» ва ўборачную кампанію. Пра гэта паведамілі ва УСК па Магілёўскай вобласці.
Выпускнікі ВНУ і каледжаў Беларусі, якія вучыліся на дзённым бюджэтным аддзяленні, з 1 жніўня пачынаюць адпрацоўку па размеркаванні. У нашай краіне маладым спецыялістам пакладзены цэлы комплекс ільгот – ад жыллёвых, да льготнага крэдыту і стымулюючых выплат.
У пресс–службе Мінпрацы і сацабароны ўжо не раз пералічвалі прэферэнцыі для маладых спецыялістаў.
Калі прыступаць да працы
У Глускім раёне пераўтвораны чатыры гідралагічныя заказнікі мясцовага значэння. Гэта прадугледжана рашэннем Глускага раённага выканаўчага камітэта 7 ліпеня 2026 года нумар 17–27, якое апублікавана на Нацыянальным прававым інтэрнэт–партале.
Лета ў самым разгары, наперадзе ў дзяцей амаль паўтара месяца заслужаных канікулаў, але ўжо сёння школьнікі і іх бацькі пачынаюць актыўны шопінг да новага навучальнага года. А дапамагаюць ім у гэтым айчынныя прадпрыемствы лёгкай прамысловасці.
Электронны кірмаш вакансій пройдзе ў Магілёве 23 ліпеня. Пра гэта паведамілі ў Магілёўскім гарвыканкаме.
Прадстаўнікі арганізацый і прадпрыемстваў абласнога цэнтра падрыхтавалі для суіскальнікаў інфармацыю па актуальных вакансіях. Пагутарыць з наймальнікамі можна будзе ў рэжыме–анлайн з 10.00 да 12.00. Кірмаш вакансій пройдзе на спецыялізаванай платформе e–vacancy.by.
Прэзідэнт Беларусі Аляксандр Лукашэнка падпісаў закон, які аптымізуе адміністрацыйныя працэдуры, звязаныя з прававой аховай аб'ектаў інтэлектуальнай уласнасці. Аб гэтым паведамілі ў прэс–службе беларускага лідара.У прыватнасці, скарачаюцца тэрміны правядзення экспертыз заявак, выдачы пасведчанняў на таварныя знакі і геаграфічныя ўказанні, рэгістрацыі аб'ектаў права прамысловай уласнасці.
Амаль 6,5 тысячы навучэнцаў Магілёўскай вобласці плануюць забяспечыць часовай занятасцю за час летняга сезона. Знайсці працу ў вольны ад вучобы час – гэта папулярны запыт старшакласнікаў на канікулах. І дзяржава імкнецца ў гэтым дапамагчы.
Кіраўнік дзяржавы Аляксандр Лукашэнка падпісаў распараджэнне, якім зацверджаны рашэнні саветаў спецыяльнага фонду Прэзідэнта Беларусі па падтрымцы адоранай і таленавітай моладзі, перспектыўных праектаў. Аб гэтым паведамілі ў прэс–службе беларускага лідара.
На гэтыя мэты з рэспубліканскага бюджэту за кошт сродкаў рэзервовага фонду Прэзідэнта будзе накіравана каля 758 тыс. рублёў.
Стыпендыі Прэзідэнта назначаны 197 студэнтам ВНУ.
На Нацыянальным алімпійскім стадыёне «Дынама» стартаваў галоўны ўнутраны старт сезона ў лёгкай атлетыцы – чэмпіянат Беларусі.
Першыя медалі былі разыграны на дыстанцыі 10 000 м. Чэмпіёнам краіны ў мужчын з вынікам 29 мін. 56,99 сек. стаў Мікіта Чахоўскі; золата сярод жанчын заваявала Ніна Савіна, якая справілася за 34 мін. 50,33 сек. Другімі ў забегах фінішавалі тытулаваныя марафонцы Уладзіслаў Прамаў і Марына Даманцэвіч.
У Беларусі з 1 верасня заняткі пачнуць каля 1,025 млн школьнікаў. Аб гэтым БЕЛТА паведамілі ў прэс–службе Міністэрства адукацыі.
У ведамстве адзначылі, што з агульнай колькасці навучэнцаў 87,5 тыс. – першакласнікі, 54,5 тыс. – навучэнцы 10–х класаў. «У новым навучальным годзе беларускія школы сустрэнуць вучняў абноўленай інфраструктурай і сучаснымі адукацыйнымі прасторамі. Свае дзверы адкрыюць больш як 2,5 тыс. школ і гімназій», – расказалі ў Мінадукацыі.
Больш за 190 тыс. рублёў матэрыяльнай дапамогі атрымалі члены прафсаюза Магілёўскай вобласці ў І паўгоддзі. Пра гэта расказалі ў Магілёўскім абласным аб'яднанні прафсаюзаў.
Так, члены Беларускага прафсаюза работнікаў аховы здароўя рэгіёна атрымалі матэрыяльную дапамогу на агульную суму больш за 190 тыс. рублёў. Фінансавая падтрымка была забяспечана больш за 1,7 тыс. чалавек.
У Магілёўскім аблвыканкаме адбылося прадстаўленне новага старшыні Камітэта дзяржаўнага кантролю Магілёўскай вобласці Юрыя Фралова.
Прэзідэнт Рэспублікі Беларусь Аляксандр Лукашэнка ўзгадніў назначэнне Юрыя Фралова 8 ліпеня. Да гэтага ён працаваў памочнікам Прэзідэнта Рэспублікі Беларусь – інспектарам па горадзе Мінску.
У мерапрыемстве прынялі ўдзел старшыня Магілёўскага аблвыканкама Анатоль Ісачэнка, намеснік старшыні КДК Беларусі Максім Аляшкевіч і прадстаўнікі мясцовай вертыкалі ўлады.
Каля 1 тыс. машын будзе задзейнічана ў перавозцы збожжа ў час уборачнай у Магілёўскай вобласці. Аб гэтым журналістам расказаў старшыня аблвыканкама Анатоль Ісачанка па выніках селектарнай нарады з Прэзідэнтам Беларусі.
Які ўраджай разлічваюць атрымаць у Магілёўскай вобласці, расказаў у час селектарнай нарады з Прэзідэнтам Беларусі старшыня аблвыканкама Анатоль Ісачанка.
Галоўныя ўмовы паспяховай уборачнай кампаніі абазначыў Прэзідэнт Беларусі Аляксандр Лукашэнка на селектарнай нарадзе.
У Беларусі перайшлі на аўтаматызаваную праверку атэстатаў пры падачы дакументаў на дзяржбудэкспертызу, паведамілі ў прэс–службе Дзяржстандарта.
Органы дзяржбудэкспертызы ўкаранілі новы лічбавы механізм верыфікацыі дакументаў.
Прэзідэнт Беларусі Аляксандр Лукашэнка падпісаў указ, накіраваны на ўдасканаленне функцыянавання банка даных аб грамадзянах Беларусі, права на выезд якіх часова абмежавана. Аб гэтым паведамілі ў прэс–службе кіраўніка дзяржавы.
Прыняцце ўказа абумоўлена карэкціроўкай заканадаўства і практыкай прымянення былых норм.
Міністэрства аховы здароўя дала ацэнку ўмовам працы работнікаў падчас уборачнай кампаніі. Пра гэта паведаміў на прэс–канферэнцыі начальнік аддзела арганізацыі медыцынскай абароны пры НС Міністэрства аховы здароўя Беларусі Дзмітрый Лях.
У стандарт на адзенне для навучэнцаў устаноў агульнай сярэдняй адукацыі ўнесены змяненні. Пра гэта паведамілі ў пресс–службе Дзяржстандарту.
Змяненні ў СТБ 2517–2017 уводзяцца ў дзеянне 13 жніўня з правам датэрміновага прымянення. Іх мэта – актуалізацыя дзеючых патрабаванняў, пазіцыянаванне адзення для навучэнцаў як беларускага брэнда, садзейнічанне прасоўванню праз вядзенне адпаведнага рэестра, павышэнне дасведчанасці спажыўцоў у выбары прадукцыі для школьнікаў.
Прэзідэнт Беларусі Аляксандр Лукашэнка падпісаў закон «Аб змяненні законаў па пытаннях чыгуначнага транспарту». Аб гэтым паведамілі ў прэс–службе кіраўніка дзяржавы.
«Рыцарскі фэст. Мсціслаў» пройдзе ў Мсціславе 1 жніўня. Чым будзе здзіўляць фестываль сёлета, расказала начальнік аддзела культуры Мсціслаўскага райвыканкама Наталля Біскуп.
Гандлёвыя рады з рамеснікамі і майстры з розных куткоў Беларусі, актыўнасці на любы ўзрост, аглядныя экскурсіі, квэсты, рыцарскія баі – фестываль будзе яркім і цікавым. Таксама тыя, хто захоча асвоіць майстэрства сярэднявечных танцаў, змогуць паспрабаваць свае сілы на тэматычных майстар–класах.
У перыяд уборачнай кампаніі пытанні аховы працы і бытавога забеспячэння работнікаў сельскай гаспадаркі застаюцца на асаблівым кантролі прафсаюзных арганізацый. З рабочым візітам аграгарадок Міхееўка Дрыбінскага раёна наведалі намеснік старшыні Магілёўскага абласнога аб'яднання прафсаюзаў Таццяна Лаўманіс і старшыня Дрыбінскай раённай арганізацыі прафсаюза работнікаў АПК Тамара Іўкіна.
Пакуль у большасці ВНУ краіны прыёмная кампанія на мэтавую падрыхтоўку падыходзіць да завяршэння, у Беларускай дзяржаўнай сельскагаспадарчай акадэміі (БДСГА) адкрыты новыя магчымасці. Акадэмія аб'явіла дадатковы набор на ўмовах мэтавай падрыхтоўкі для жадаючых асвоіць сельскагаспадарчыя спецыяльнасці. Вакантныя месцы яшчэ ёсць.
Новы дзіцячы сад з басейнам узводзяць у Мсціслаўлі, у мікрараёне Паўднёва–Заходні. Пра гэта расказаў намеснік старшыні Мсціслаўскага райвыканкама Сяргей Мацвеенка.
Будынак будзе аднапавярховы, каркаснага тыпу, агульная плошча – больш за 1 тыс. кв.м. На дадзены момант каркас практычна збудаваны.
Беларуска Ірына Курачкіна стала прызёрам прэстыжнага міжнароднага турніру па барацьбе памяці Імрэ Паяка, Яноша Варгі і Іштвана Козмы ў Будапешце.
Дабрачынную акцыю «Падары радасць дзецям» для шматдзетных сем'яў і ваеннаслужачых, якія выхоўваюць дзяцей–інвалідаў, правёў актыў Беларускага саюза жанчын сумесна з камандаваннем вайсковай часці 6713 унутраных войскаў МУС. На свята ў Магілёве запрасілі вайскоўцаў з сем'ямі з асобна дыслакаваных падраздзяленняў у Горках, Шклове і Бабруйску.