«Магатэкс» плануе выйсці на праектную магутнасць абноўленай вытворчасці да канца 2020
Выйсці на праектную магутнасць абноўленай вытворчасці ААТ «Магатэкс» плануе ў снежні бягучага года. Пра гэта расказаў галоўны інжынер прадпрыемства Пётр Скачкоў. Паводле яго слоў, рэалізацыя праекта па абнаўленні ткацкай фабрыкі прадпрыемства пачалася ў 2018 годзе. Да канца 2019-га абсталяванне ў межах праекта «Выпуск новых тканін і тканін з новымі спажывецкімі ўласцівасцямі» ўстаноўлена ў поўным аб’ёме і ўжо вядзецца яго пуска-наладка.
ААТ «Стужка» прадставіць прадукцыю на выставе тэкстылю ў Франкфурце
ААТ «Стужка» прыме ўдзел у выставе Heimtextil 2020, якая пройдзе 7–10 студзеня ў Франкфурце-на-Майне, паведамілі ў канцэрне «Беллегпрам». У прыватнасці, наша прадпрыемства пазнаёміць наведвальнікаў з шырокім асартыментам уласнай прадукцыі. ААТ «Стужка» з’яўляецца адным з найбуйнейшых вытворцаў тэкстыльнай галантарэі ў рэспубліцы, выпускае стужкі розных відаў, гардзінныя палотны, абрусы, сурвэткі, пакрывалы, ручнікі, камплекты штор. Выставу таксама плануюць наведаць прадстаўнікі ААТ «Магатэкс».
Два прадпрыемствы Магілёўскай вобласці выключаны са складу «Беллегпрама»
Са складу Беларускага дзяржаўнага канцэрна па вытворчасці і рэалізацыі тавараў лёгкай прамысловасці выключана сем прадпрыемстваў, у тым ліку два па Магілёўскай вобласці. Адпаведнае рашэнне замацавана пастановай урада ад 31 снежня 2019 года № 964, паведамілі ў прэс-службе беларускага ўрада. Савет Міністраў выключыў са складу «Беллегпрама» ТАА «Трыкатажная фабрыка “Арэола”», закрытыя акцыянерныя таварыствы «Фабрыка галаўных убораў “Людміла”» і «Гандлёвы Дом “Прамень-М”», адкрытыя акцыянерныя таварыствы «Верас», «Мотэкс», «Бабруйская абутковая фабрыка» і «Кажэўнік».
За студзень-лістапад 2019 года ў кансалідаваны бюджэт Магілёўскай вобласці паступіла Br1 192,2 млн.
За студзень-лістапад 2019 года ў кансалідаваны бюджэт Магілёўскай вобласці паступіла Br1 192,2 млн. Даходы ў параўнанні з аналагічным перыядам мінулага года павялічыліся на 9%, або Br98,9 млн. у фактычным вылічэнні, паведамілі ў прэс-цэнтры інспекцыі МПЗ Магілёўскай вобласці. Найбольшыя сумы ў даходах бюджэту склалі паступленні падаходнага падатку –Br420,2 млн. (35,2%), падатку на дабаўленую вартасць – Br164,7 млн. (13,8%), падатку на прыбытак –Br111,2 млн. (9,3%), акцызаў – Br85,6 млн. (7,2%).
Кіраўнік Магілёўскай вобласці падзякаваў працоўным калектывам за працу
Старшыня Магілёўскага аблвыканкама Леанід Заяц падзякаваў за працу працоўным калектывам прадпрыемстваў, якія забяспечваюць харчовую бяспеку рэгіёна. І пажадаў ім поспехаў у новым годзе.
Тарыфы на ЖКП у наступным годзе павялічаць на 5 долараў
Тарыфы на жыллёва-камунальныя паслугі ў наступным годзе вырастуць на 5 долараў. Пра гэта заявіў першы намеснік прэм’ер-міністра Дзмітрый Крутой: – У апошнія дні адыходзячага года традыцыйна ідзе вельмі напружаная праца. На мой погляд, у гэтым годзе мы справіліся даволі нядрэнна. У нас ёсць прагноз, бюджэт, зацверджаныя і падпісаныя кіраўніком дзяржавы. Па традыцыі будзе падпісаны дакумент аб павелічэнні тарыфаў на жыллёва-камунальныя паслугі на 5 долараў, жыллёвая праграма па ўсіх дадатках.
У Бабруйскім раёне тэмп росту ў раслінаводстве дасягнуў 120 працэнтаў
У апошнія дні снежня прынята падводзіць вынікі, аналізаваць акалічнасці, якія так ці інакш паўплывалі на выкананне планаў, лічбы і статыстыку. Галоўнае, падводзіць рысу канструктыўна і самакрытычна, рэальна разумець, які зачын створаны на наступны год, што будзе спадарожнічаць наступным распачынанням, сцвярджае першы намеснік старшыні – начальнік упраўлення па сельскай гаспадарцы і харчаванні Бабруйскага райвыканкама Дзмітрый Бязручкін:
Дзяржаўныя арганізацыі змогуць атрымліваць участкі для будаўніцтва жылля без удзелу ва аўкцыёнах
Аляксандр Лукашэнка падпісаў Указ № 485 «Аб удасканаленні зямельных адносін і разгляду зваротаў грамадзян і юрыдычных асоб». Пра гэта паведамілі ў прэс-службе Прэзідэнта.
Прадстаўнік Мінтранса 27 снежня правядзе ў Магілёве сустрэчу з перавозчыкамі
Міністэрства транспарту і камунікацый 26-27 снежня правядзе ў чатырох абласных цэнтрах краіны сустрэчы па пытанні размеркавання, выдачы і выкарыстання двухбаковых / транзітных дазволаў Польшчы, паведамілі ў ведамстве. У прыватнасці, у Магілёве з перавозчыкамі рэгіёна пагутарыць начальнік упраўлення аўтамабільнага і гарадскога пасажырскага транспарту Мінтранса Сяргей Дубіна. Дыялог адбудзецца ў 10.00 у актавай зале аўтобуснага парка №1 абласнога цэнтра (Гомельская шаша, 3).
Вынікі конкурсу бізнес-ідэй па праекце «Малыя гарады» падвядуць у Чавусах
Фінал конкурсу бізнес-ідэй сярод прадпрымальнікаў Магілёўскага рэгіёна, арганізаваны па праекце Праграмы развіцця ААН і Міністэрства эканомікі Беларусі «Малыя гарады», адбудзецца сёння ў цэнтры падтрымкі прадпрымальнікаў «Чавускі бізнес-цэнтр», паведамілі ў ПРААН у Беларусі.
Руслан Страхар «Омск Карбон Магілёў» – яскравы прыклад прамысловай кааперацыі дзвюх дзяржаў
Намеснік старшыні Магілёўскага аблвыканкама Руслан Страхар наведаў «Омск Карбон Магілёў». Віцэ-губернатар азнаёміўся з заводам па вытворчасці тэхнічнага вугляроду, на якім напярэдадні пачаўся выпуск прадукцыі ў межах пуска-наладачных работ, паведамілі ў прэс-службе прадпрыемства.
З Новага года «Белпошта» будзе спаганяць камісію за некаторыя плацяжы
З 1 студзеня 2020 года пры прыёме абмежаванага спісу плацяжоў праз аперацыйныя вокны аб’ектаў паштовай сувязі з дапамогай АРІП на карысць вытворцаў паслуг спаганяецца дадатковая плата ў памеры 0,60 рубля за кожны плацёж. Пра гэта паведамляецца на афіцыйным сайце РУП «Белпошта».
Дэпутаты Магілёўскага аблсавета зацвердзілі асноўныя паказчыкі прагнозу сацыяльна-эканамічнага развіцця і бюджэт рэгіёна на 2020 год
Дэпутаты Магілёўскага абласнога Савета зацвердзілі асноўныя паказчыкі прагнозу сацыяльна-эканамічнага развіцця і бюджэт рэгіёна на 2020 год. Праекты разглядаліся сёння на пасяджэнні сямнаццатай сесіі аблсавета.
Будзьце ўважлівыя! Магілёўская мытня ў перадпачатку навагодніх святаў нагадала аб нормах увозу тавараў для асабістага карыстання
Напярэдадні навагодніх святаў Магілёўская мытня нагадвае пра нормы ўвозу тавараў фізічнымі асобамі для асабістага карыстання. Бяспошлінна дапускаецца ўвоз 200 цыгарэт, або 50 цыгар (цыгарыл), або 250 г тытуню, або названыя вырабы ў асартыменце агульнай вагой не больш за 250 г у разліку на адну фізічную асобу, якая дасягнула 18-гадовага ўзросту.
Аспекты цеплавой мадэрнізацыі шматкватэрных будынкаў абмеркавалі ў Магілёве
У Магілёўскім бізнес-цэнтры «Атрыум» адбыўся семінар па аспектах цеплавой мадэрнізацыі шматкватэрных будынкаў і інфармацыйна-тлумачальнай працы з уласнікамі жылля. Ён праводзіўся ў межах кансультацыйнай работы па пашырэнні ўстойлівага энергакарыстання пры падтрымцы Сусветнага банка. Арганізатарамі мерапрыемства выступілі Дэпартамент па энергаэфектыўнасці РБ сумесна з прадстаўніцтвам Сусветнага банка. Семінар праводзіўся для спецыялістаў ЖКГ Магілёўскай вобласці.
«Омск Карбон Магілёў» пачаў выпуск прадукцыі ў межах правядзення пуска-наладачных работ
«Омск Карбон Магілёў» пачаў выпуск прадукцыі ў межах правядзення пуска-наладачных работ. Як і планавалася, да гэтага моманту прадпрыемства атрымала неабходны пакет дазваляючай дакументацыі, якая прайшла дбайную праверку з боку кантрольна-наглядных органаў, паведамілі ў прэс-службе завода.
Магілёўская вобласць рыхтуецца да рэалізацыі пілотнага праекта па павышэнні энергаэфектыўнасці старых дамоў
Квітанцыі аб аплаце ЖК-паслуг у ацяпляльны сезон звычайна цяжэюць. Аднак на ацяпленні, як на самай затратнай паслузе, можна зэканоміць за кошт павышэння энергаэфектыўнасці жылля. Магілёўская вобласць стала адной з пілотных пляцовак па рэалізацыі такога праекта. Якія першыя крокі ўжо зроблены? Дзе і якія дамы прымяраюць на сябе «кажушкі»? Да кожнага дома – індывідуальны падыход
Гаспадарка Бабруйскага раёна «Неўскі-Агра» павялічвае аб’ёмы вытворчасці
Гаспадарка «Неўскі-Агра» Бабруйскага раёна імкнецца выйсці з няпростага эканамічнага становішча, у якім была яшчэ год таму. Аздараўленчыя меры дапамаглі павялічыць вытворчасць усіх відаў прадукцыі, стабілізаваць эканоміку.
Каля 7 тыс. падарункаў і 35 тыс. т кандытарскіх вырабаў плануе рэалізаваць гандлёвая сетка Магілёўскай вобласці напярэдадні Новага года і Калядаў
Каля 7 тыс. падарункаў і 35 тыс. т кандытарскіх вырабаў плануе рэалізаваць гандлёвая сетка Магілёўскай вобласці напярэдадні Новага года і Калядаў. Як паведаміла начальнік аддзела спажывецкага рынку і грамадскага харчавання галоўнага ўпраўлення гандлю і паслуг аблвыканкама Валянціна Скалуба, прыкладна такія ж аб’ёмы нарыхтоўваліся і летась.
Кацельню на шчапе плануе пабудаваць «ВМГ Індустры» ў Магілёўскім раёне
Кацельню на шчапе плануюць пабудаваць на тэрыторыі прадпрыемства «ВМГ Індустры» ў Магілёўскім раёне. Пра гэта расказаў дырэктар ЗТАА «ВМГ Індустры» Кірыл Выбарны.
Чарговая сямнаццатая сесія Магілёўскага абласнога Савета дэпутатаў адбудзецца 23 снежня
У адпаведнасці з артыкулам 12 Закона Рэспублікі Беларусь «Аб мясцовым кіраванні і самакіраванні ў Рэспубліцы Беларусь» ад 4 студзеня 2010 года, Прэзідыум Магілёўскага абласнога Савета дэпутатаў склікае чарговую сямнаццатую сесію 23 снежня ў 14.00 (Дом Саветаў, канферэнц-зала). Пытанні да разгдяду: Аб асноўных паказчыках прагнозу сацыяльна-эканамічнага развіцця Магілёўскай вобласці на 2020 год. Аб абласным бюджэце на 2020 год. Аб плане працы Магілёўскага абласнога Савета дэпутатаў і яго органаў на 2020 год.
Эфектыўнасць працы праваахоўных і іншых дзяржорганаў па барацьбе з карупцыяй у 2019 годзе разгледзелі на пасяджэнні ў Магілёўскім аблвыканкаме
Сумеснае пасяджэнне каардынацыйнай нарады па барацьбе са злачыннасцю і карупцыяй Магілёўскай вобласці і абласной камісіі па супрацьдзеянні карупцыі адбылося сёння ў аблвыканкаме. Асноўнымі тэмамі дыялогу сталі эфектыўнасць работы праваахоўных і іншых дзяржаўных органаў па барацьбе з карупцыяй у 2019 годзе і меры па паляпшэнні дзейнасці ў названым кірунку.
Кірмаш інавацыйных распрацовак для машынабудавання адбудзецца ў Бабруйску 12 снежня
Кірмаш інавацыйных распрацовак для машынабудавання адбудзецца ў Бабруйску 12 снежня. Праграма мерапрыемства ўключае правядзенне прэзентацый інавацыйных распрацовак, якія маюць высокі патэнцыял для камерцыялізацыі, дзелавых перагавораў, падпісанне пратаколаў аб супрацоўніцтве, заключэнне дагавораў. Да ўдзелу ў кірмашы запрошаны прадстаўнікі дзяржаўных заказчыкаў, галаўных арганізацый-выканаўцаў, распрацоўшчыкаў і вытворцаў навукова-тэхнічнай прадукцыі, бізнесу, суб’ектаў інавацыйнай інфраструктуры, іншых зацікаўленых.
КДК вывучыў вынікі прынятых мер па павышэнні эфектыўнасці выкарыстання дзяржмаёмасці і сродкаў у сферы аховы здароўя Касцюковіцкага раёна
Камітэт дзяржкантролю Магілёўскай вобласці вывучыў вынікі прынятых дзяржаўнымі органамі і арганізацыямі мер па рэалізацыі прапаноў па павышэнні эфектыўнасці выкарыстання дзяржаўных маёмасці і сродкаў у сферы аховы здароўя Касцюковіцкага раёна. Пра гэта паведаміў першы намеснік старшыні ведамства Юрый Фралоў. Як паказаў аналіз, па выніках кантролю Касцюковіцкай бальніцай у бюджэт вернута больш за Br120 тыс. незаконна атрыманых сродкаў, праведзена аптымізацыя выдаткаў на камунальныя паслугі, мабільную сувязь і інтэрнэт.
Першы намеснік начальніка Магілёўскай мытні Андрэй Галайдзін 24 снежня правядзе выязны прыём грамадзян у Бабруйску
Першы намеснік начальніка Магілёўскай мытні Андрэй Канстанцінавіч Галайдзін 24 снежня з 11.00 да 13.00 правядзе выязны прыём грамадзян і юрыдычных асоб на Бабруйскім мытным пасту (Бабруйск, вул. 50 г. ВЛКСМ, дом 40).
ААТ «Магілёўхімвалакно» будзе пастаўляць поліэфірную прадукцыю на балканскі рынак
«Магілёўхімвалакно» будзе пастаўляць поліэфірную прадукцыю на Балканскі рынак. У Сербію ўжо адпраўленыя першыя тоны канжугейта – так называецца сучаснае поліэфірнае валакно. Яго на прадпрыемстве вырабляюць на першай у свеце прамысловай нямецкай устаноўцы. Кантракт на $ 50 млн. на пастаўку поліэфірнай прадукцыі на рынак балканскіх краін падпісала ААТ «Магілёўхімвалакно» ў межах сербска-беларускага бізнес-форума, які прайшоў на днях у Бялградзе.
На калегіі Камітэта дзяржкантролю Магілёўскай вобласці падвялі вынікі праверкі БДСГА
Калегія Камітэта дзяржкантролю Магілёўскай вобласці падвяла вынікі праверкі ўстановы адукацыі «Беларуская дзяржаўная ордэнаў Кастрычніцкай рэвалюцыі і Працоўнага Чырвонага Сцяга сельскагаспадарчая акадэмія». Пра гэта паведаміў першы намеснік старшыні ведамства Юрый Фралоў.
Дэлегацыя Магілёўскай абласной асацыяцыі мясцовых Саветаў дэпутатаў наведала Латвію з дзелавым візітам
Магілёўская абласная асацыяцыя мясцовых Саветаў дэпутатаў і Латвійская асацыяцыя рэгіянальных цэнтраў развіцця замацавалі намер актыўна развіваць узаемавыгадныя двухбаковыя адносіны падчас дзелавога візіту дэлегацыі Магілёўшчыны ў Латвію.
ЕАБР прафінансуе закупку для Расіі 5 тыс. ліфтаў «Магілёўліфтмаша»
Еўразійскі банк развіцця ў найбліжэйшыя два гады мае намер прафінансаваць для Расіі закупку 5 тыс. ліфтаў ААТ «Магілёўліфтмаш». Мемарандум аб гэтым падпісаны на палях XIV Міжнароднай канферэнцыі «Еўразійская эканамічная інтэграцыя». Мемарандум падпісалі старшыня праўлення ЕАБР Андрэй Бельянінаў, старшыня Грамадскага савета пры Мінбудзе Расіі Сяргей Сцяпашын, пасол Беларусі ў Расіі Уладзімір Сямашка, дзяржаўны сакратар Саюзнай дзяржавы Рыгор Рапота.
З пачатку 2019 года магілёўскія мытнікі канфіскавалі больш за 880 грам марыхуаны
Супрацоўнікі аддзела па барацьбе з кантрабандай Магілёўскай мытні сумесна з тэрытарыяльнымі падраздзяленнямі наркакантролю Магілёўскай вобласці з пачатку 2019 года выявілі шэсць злачынстваў па лініі наркакантролю. У выніку праведзеных аператыўна-вышуковых і спецыяльных мерапрыемстваў з незаконнага абароту канфіскавана больш за 880 грам небяспечнага наркатычнага сродку – марыхуаны.