Прамую тэлефонную лінію 17 красавіка правядзе намеснік старшыні камітэта эканомікі Магілёўскага аблвыканкама Павел Марыненка
У пятніцу, 17 красавіка, прамую тэлефонную лінію правядзе намеснік старшыні камітэта эканомікі Магілёўскага аблвыканкама Павел Леанідавіч Марыненка. З 10.00 да 12.00 па нумары (8 0222) 22-17-22 ён адкажа на актуальныя пытанні развіцця і падтрымкі прадпрымальніцтва.
ААТ «Магатэкс» часова перапрафілявалася на вытворчасць сродкаў індывідуальнай абароны
ААТ «Магатэкс» перапрафілявала швейную вытворчасць на выраб шматразовых павязак для твару. На гэтым прадпрыемстве ў Магілёве, а таксама філіялах у Кобрыне, Полацку і Быхаве выпускаюць сродкі індывідуальнай абароны. У планах нарасціць аб’ёмы да 80 тыс. павязак за суткі.
Не пазней за 20 красавіка ў інспекцыю МПЗ Магілёўскай вобласці павінна быць пададзена інфармацыя аб выкананых таксі перавозках пасажыраў
Не пазней за 20 красавіка ў інспекцыю МПЗ Магілёўскай вобласці павінна быць пададзеная інфармацыя аб выкананых аўтамабільных перавозках пасажыраў аўтамабілямі таксі за 1 квартал 2020 года.
Леанід Заяц з рабочым візітам наведаў Бабруйск. У цэнтры ўвагі – работа «Славянкі» і «Бабруйскага завода біятэхналогій»
Прэзідэнт Беларусі Аляксандр Лукашэнка 7 красавіка заслухаў даклад аб гатоўнасці сістэмы аховы здароўя супрацьдзейнічаць пагрозе распаўсюджвання каранавіруса. На нарадзе кіраўнік дзяржавы заклікаў надаць самую пільную ўвагу абароне здароўя медыкаў.
Маскі шыюць на прадпрыемствах і ў майстэрнях Магілёўскай вобласці
Буйныя прадпрыемствы і невялікія вытворчасці Магілёўскай вобласці адрэагавалі на патрэбнасць часу і шыюць марлевыя і аднаразовыя павязкі. Напрыклад, Бабруйская «Славянка» штодня вырабляе 200 тысяч масак. Фабрыка ў Бабруйску павязкі шые ўжо 2 месяцы. Праўда, калі раней шыццём займалася некалькі цэхаў, а астатнія – заказамі па вопратцы, то сёння ўсе 500 работніц шые шматразовыя марлевыя павязкі для беларускіх аптэк і прадпрыемстваў. Штодня адшываюць да 200 тысяч павязак.
На Клімавіцкім лікёра-гарэлачным заводзе наладзілі выпуск антысептыку
На Клімавіцкім лікёра-гарэлачным заводзе наладзілі выпуск антысептыку. Як расказалі на прадпрыемстве, атрыманы неабходны пакет дакументаў на вытворчасць новай прадукцыі. За змену плануецца выпускаць каля 2 т хімічнага сродку. У асноўным маюць намер выкарыстоўваць айчынныя напаўняльнікі і камплектуючыя. rodniva.by
РУП «Магілёўаблгаз» ажыццяўляе дыстанцыйнае абслугоўванне
Сэрвісы РУП «Магілёўаблгаз» дазваляюць вырашаць дыстанцыйна большасць пытанняў, звязаных з замовай паслуг у сферы газазабеспячэння і іх аплатай. Пра гэта паведамілі ў адміністрацыі прадпрыемства. Атрымаць інфармацыю пра тарыфы на паслугі газазабеспячэння, аплату, запазычанасці, паслугі, а таксама адказы і на іншыя пытанні, якія знаходзяцца ў кампетэнцыі газазабеспячальнай арганізацыі, можна: для жыхароў Магілёва і Магілёўскага раёна патэлефанаваўшы ў «Кантакт-цэнтр» ПУ «Магілёўгаз» па кароткім нумары 129 або 8 (0222) 71-10-00
Урад расшырыў пералік сацыяльна значных тавараў з рэгулюемымі цэнамі
Пастановай Савета Міністраў ад 4 красавіка нумар 205 расшыраны пералік сацыяльна значных тавараў, цэны на якія рэгулююцца Міністэрствам антыманапольнага рэгулявання і гандлю, паведамляецца на сайце урада.
Прамысловыя прадпрыемствы Магілёва скарацілі працоўны дзень за кошт часткі абедзеннага перапынку
Прамысловыя прадпрыемствы Магілёва скарацілі працоўны дзень за кошт часткі абедзеннага перапынку. Такія дадатковыя меры былі прынятыя, каб людзі маглі дабрацца дадому ў грамадскім транспарце, абыходзячы «гадзіну пік». У арганізацыях па магчымасці адмаўляюцца ад камандзіровак, а дзелавыя перагаворы праходзяць у фармаце анлайн. На вытворчасцях працуюць медыцынскія фільтры. Галоўная задача такіх рэкамендацый – мінімізаваць рызыку заражэння каранавіруснай інфекцыяй.
Кіраўнік Магілёўскай вобласці правёў серыю сустрэч з працоўнымі калектывамі
Старшыня Магілёўскага аблвыканкама Леанід Заяц наведаў працоўныя калектывы найбуйнейшых прадпрыемстваў рэгіёна. «Магілёўхімвалакно»– самае вялікае прадпрыемства ў Магілёўскай вобласці па колькасці рабочых – больш за 5 тысяч чалавек. Паводле слоў генеральнага дырэктара Пятра Рудніка, ва ўсіх цэхах прыняты шэраг прафілактычных мер супраць распаўсюджвання віруса. Прадпрыемства працуе ў спакойным рэжыме. Працоўны маральна-псіхалагічны клімат у калектыве Магілёўскага вагонабудаўнічага завода. І на гэтым прадпрыемстве ішла размова аб эканоміцы і эпідэмічнай сітуацыі.
У гандлёвых сетках Магілёўскай вобласці створаны запасы па ўсіх відах прадукцыі – Руслан Страхар
У гандлёвых сетках Магілёўскай вобласці створаны запасы па ўсіх відах прадукцыі. Гэта тычыцца тавараў якпрацяглага спажывання, так і паўсядзённага. Пра гэта карэспандэнту сайта паведаміў намеснік старшыні Магілёўскага аблвыканкама Руслан Страхар. Праца па стабілізацыі сітуацыі на спажывецкім рынку ўзятая на кантроль як у Міністэрстве антыманапольнага рэгулявання і гандлю, так і ў аблвыканкаме, райвыканкамах.
Зніжэнне арэнды, «касы ўзаемадапамогі» – прафсаюзы прапануюць дадатковыя меры падтрымкі прадпрыемстваў і работнікаў
Прафсаюзы прапануюць ураду распрацаваць і зацвердзіць на дзяржаўным узроўні шэраг рашэнняў па падтрымцы прадпрыемстваў і насельніцтва. «У сённяшніх умовах спаду эканамічнай актыўнасці ва ўсім свеце, многія прадпрыемствы і работнікі могуць сутыкнуцца з сітуацыяй зніжэння даходаў. Відавочна, што ў гэтых абставінах неабходна прыняць усе меры для таго, каб падтрымаць працоўныя калектывы, захаваць працоўныя месцы, – падкрэсліў старшыня Федэрацыі прафсаюзаў Міхаіл Орда. – Сёння нам трэба згуртавацца, каб дапамагчы тым, хто ў гэтай дапамозе мае патрэбу больш за ўсё».
За 2 месяцы 2021 года суб’екты малога і сярэдняга бізнесу заплацілі ў абласны бюджэт Br78, 8 млн.
На 37,5% або Br78,8 млн. бюджэт Магілёўскай вобласці сфарміраваны суб’ектамі малога і сярэдняга бізнесу ў студзені-лютым 2021 года. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці. «У параўнанні з аналагічным перыядам мінулага года паступленні ўзраслі ў найбольшай ступені ад малых арганізацый –на 10,8% або на Br3,3 млн. у фактычным вылічэнні, а таксама ад індывідуальных прадпрымальнікаў – на 8,6% або на Br1 млн.», – растлумачылі суразмоўцы.
У беларусаў пачаўся 6-дзённы працоўны тыдзень
На гэтым тыдні ў Беларусі будзе шэсць рабочых дзён. Субота 4 красавіка будзе рабочай. Гэта вынікае з пастановы Савета Міністраў Беларусі «Аб пераносе працоўных дзён у 2020 годзе». Беларусы будуць адпрацоўваць у суботу 4 красавіка за 27 красавіка (панядзелак перад Радаўніцай). Пры гэтым у канцы месяца чакаюцца доўгія выхадныя. Днямі адпачынку будуць 25, 26, 27 і 28 (з суботы па аўторак), а далей тры выхадныя дні з пятніцы па нядзелю 1–3 мая.
Інспекцыя МПЗ Магілёўскай вобласці прызнаная найлепшай сярод падатковых органаў Беларусі за 2019 год
У 2019 годзе інспекцыямі Міністэрства па падатках і зборах Магілёўскай вобласці праводзілася мэтанакіраваная праца па выкананні даходнай часткі бюджэту, забеспячэнні выканання плацельшчыкамі падатковых абавязацельстваў і скарачэнні запазычанасці па плацяжах у бюджэт.
За студзень – люты індывідуальныя прадпрымальнікі заплацілі ў бюджэт Магілёўскай вобласці Br12,1 млн.
За студзень–люты 2020 года індывідуальныя прадпрымальнікі заплацілі ў бюджэт рэгіёна Br12,1 млн. Тэмп росту ў фактычных цэнах склаў 105%, як паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці.
За студзень – люты ў кансалідаваны бюджэт Магілёўскай вобласці паступіла Br204,5 млн.
За студзень – люты 2020 года ў кансалідаваны бюджэт рэгіёна паступіла Br204,5 млн. Даходы бюджэту ў параўнанні з аналагічным перыядам мінулага года павялічыліся на 7,9% або на Br15 млн. у фактычным вылічэнні, як паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці. Найбольшыя сумы ў даходах бюджэту склалі паступленні падаходнага падатку –Br79,5 млн. (38,9%), падатку на дабаўленую вартасць – Br60,3 млн. (29,5%), падатку пры спрошчанай сістэме падаткаабкладання – Br14,8 млн. (7,2%), акцызаў – Br12,6 млн. (6,2%), зямельнага падатку – Br7,4 млн. (3,6%).
Новы рэзідэнт СЭЗ «Магілёў» плануе займацца вытворчасцю драўняных пелет
Адміністрацыяй свабоднай эканамічнай зоны «Магілёў» зарэгістраваны новы рэзідэнт –ТАА «Дуна пелет». Інвестыцыйны праект, які рэалізуецца з удзелам латвійскага капіталу, прадугледжвае стварэнне экспартаарыентаванай вытворчасці драўляных пелет (гранул). Плануецца арганізаваць каля 20 новых працоўных месцаў. У якасці пляцоўкі для размяшчэння прадпрыемства інвестарам быў абраны зямельны ўчастак у межах СЭЗ «Магілёў» у Бабруйску.
Першы ўзор МАЗа на газавым паліве быў сабраны на «Магілёўтрансмашы»
Мінскі аўтазавод выпусціў першы серыйны газавы смеццявоз. Навінка была паказана на прэзентацыі ў Магілёве, паведамілі ў прэс-цэнтры ААТ «МАЗ».
УУС Магілёўскага аблвыканкама праводзяцца мерапрыемствы па прафілактыцы і выяўленні правапарушэнняў у сферы АПК падчас пасяўной
УУС Магілёўскага аблвыканкама праводзяцца мерапрыемствы па прафілактыцы і выяўленні правапарушэнняў і злачынстваў у сферы аграпрамысловага комплексу ў перыяд падрыхтоўкі і правядзення вяснова-палявых работ. Маніторынг накіраваны на забеспячэнне якаснага правядзення пасяўной кампаніі, прадухіленне злачынных замахаў на маёмасць сельскагаспадарчых арганізацый і папярэджанне крадзяжоў.
У Беларусі ўстаноўлены пералік дамоў для будаўніцтва ў 2020 годзе па льготных крэдытах
Міністэрства архітэктуры і будаўніцтва Беларусі ўстанавіла пералік шматкватэрных і індывідуальных жылых дамоў (уключаючы аб’екты інжынернай і транспартнай інфраструктуры), будаўніцтва і фінансаванне якіх у 2020 годзе будзе ажыццяўляцца з выкарыстаннем ільготных крэдытных рэсурсаў. Адпаведная пастанова Мінбудархітэктуры ад 3 сакавіка 2020 года афіцыйна апублікавана сёння на Нацыянальным прававым інтэрнэт-партале.
«Бабруйскаграмаш» плануе арганізаваць зборачную вытворчасць трактарных прычэпаў ва Украіне
ААТ «Кіруючая кампанія холдынгу “Бабруйскаграмаш”» плануе арганізаваць зборачную вытворчасць трактарных прычэпаў 2ПТС-6 ва Украіне. Тэрмін рэалізацыі праекта–першае паўгоддзе бягучага года, як паведамляецца на сайце бабруйскага прадпрыемства.
Рэспубліканская спецыялізаваная будаўнічая выстава «Дом. Дача. Дызайн» адбудзецца ў Магілёве 12–14 сакавіка
Х Рэспубліканская спецыялізаваная будаўнічая выстава «Дом. Дача. Дызайн» адбудзецца ў Магілёве 12–14 сакавіка (вул. 30 гадоў Перамогі, 1А, спартыўны комплекс «Алімпіец»). Пра гэта паведамілі ў Магілёўскім аддзяленні БелГПП, якое выступае арганізатарам экспазіцыі.
Зарплата ў бюджэтнай сферы – на кантролі КДК
Праведзены Камітэтам дзяржкантролю Магілёўскай вобласці маніторынг паказаў, што не ва ўсіх установах бюджэтнай сферы забяспечана належнае выкананне даручэнняў кіраўніка дзяржавы па недапушчэнні зніжэння памераў налічанай заработнай платы работнікам пры ўвядзенні з 2020 года новых умоў аплаты працы. Пра гэта паведаміў намеснік старшыні ведамства Аляксей Іглікаў.
Комплексны план добраўпарадкавання Магілёва на 2020 год уключае 21 аб’ект
Комплексны план добраўпарадкавання абласнога цэнтра на 2020 год уключае 21 аб’ект. Пра гэта паведаміў на пасяджэнні Магілёўскага гарвыканкама генеральны дырэктар УКП Міхаіл Галушкоў. Паводле яго слоў, на працягу бягучага года ў межах капітальнага рамонту і будаўніцтва аб’ектаў добраўпарадкавання ў горадзе запланаваны работы па 21 аб’екце. У прыватнасці, будзе працягнута добраўпарадкаванне парку культуры і адпачынку ў раёне Падміколля, завершаць работы па рамонце моста па вуліцы Першамайскай, пачнуць рамонт вуліцы Крупскай, адрамантуюць помнік Леніну на плошчы Леніна.
Малы і сярэдні бізнес фарміруе больш за 46% бюджэту Магілёўскай вобласці
За студзень 2020 года суб’екты малога і сярэдняга бізнесу рэгіёна заплацілі ў бюджэт Br64,2 млн, або 46,5% ад агульных паступленняў. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці. У параўнанні з мінулым годам фінансавыя ўліванні ад гэтай катэгорыі плацельшчыкаў павялічыліся на 11,8%, або Br6,8 млн. у фактычным вылічэнні. Рост паступленняў ад арганізацый склаў 12,4%, або Br5,9 млн., ад індывідуальных прадпрымальнікаў – 8,9%, або Br0,9 млн.
За студзень 2020 года ў кансалідаваны бюджэт Магілёўскай вобласці паступіла Br138,1 млн.
За студзень 2020 года ў кансалідаваны бюджэт рэгіёна паступіла Br138,1 млн. Гэта на 9,7% больш у параўнанні з аналагічным перыядам мінулага года. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці. Найбольшыя сумы ў даходах бюджэту склалі паступленні падатку на дабаўленую вартасць – Br57,5 млн. (41,7%), падаходнага падатку – Br40,9 млн. (29,6%), падатку пры спрошчанай сістэме падаткаабкладання – Br14,1 млн. (10,2%), акцызаў – Br6,2 млн. (4,5%), экалагічнага падатку – Br4,1 млн. (3%).
Беларуская цэментная кампанія адкрыла прадстаўніцтва ў Польшчы
Беларуская цэментная кампанія адкрыла ў Польшчы прадстаўніцтва-гандлёвы дом BKC-Polska Sp.zo.o., паведамілі ў БЦК. «Узрослы ў 2019 годзе попыт на беларускі цэмент ва Усходняй і Цэнтральнай Еўропе прывёў да таго, што наша кампанія адкрыла ў пачатку гэтага года ў Польшчы сваё прадстаўніцтва. З яго з’яўленнем палепшылася лагістыка паставак, еўрапейскія партнёры з Польшчы, Германіі і іншых краін атрымалі магчымасць заключаць кантракты на прамыя пастаўкі», – адзначылі ў кампаніі.
Прадпрыемствы і арганізацыі Магілёўскай вобласці запрашаюцца да ўдзелу ў конкурсе «Інтэрнэт-прэміі “ТІБО-2020”»
Пачаўся прыём заявак на XVIII конкурс «Інтэрнэт-прэмія “ТІБО-2020”», паведамілі ў Міністэрстве сувязі і інфарматызацыі.
Абласны адукацыйны праект па бясплатным навучанні асновам экспартнай дзейнасці аб’яўляе аб другім наборы слухачоў
На пляцоўцы Магілёўскага аддзялення Беларускай гандлёва-прамысловай палаты прайшоў заключны модуль адукацыйнага праекта «Школа экспарцёра», ініцыятарам якога выступіў камітэт эканомікі аблвыканкама сумесна з цэнтрам экспарту рэгіёна, які функцыянуе на базе ААТ «Магілёўскае агенцтва рэгіянальнага развіцця».