У Бабруйску выпускаюць аўтамабільныя люстэркі з падагрэвам
Да выпуску інавацыйнай прадукцыі прыступілі на прадпрыемстве «Універсал – Бабруйск». Па замове Камскага аўтазавода ў Татарстане, з якім бабруйчане супрацоўнічаюць ужо дзясятак гадоў, тут распрацавалі і робяць электрафіцыраваныя люстэркі для грузавых аўтамабіляў, і нават з падагрэвам. «Універсал Бабруйск» – прадпрыемства Беларускага таварыства глухіх, дзе працуе 360 чалавек, больш за палову – людзі, якія слаба чуюць і маюць зносіны паміж сабой мовай жэстаў. Кіраўніцтва цалкам такую мову асвоіла, але ў афіцыйных выпадках у размову ўступае перакладчык.
КДК разгледзеў вынікі кантролю за работай жыллёва-камунальнай гаспадаркі Магілёўскай вобласці
На пасяджэнні калегіі Камітэта дзяржкантролю Магілёўскай вобласці разгледжаны вынікі кантролю за працай жыллёва-камунальнай гаспадаркі вобласці, эфектыўнае функцыянаванне якога належным чынам не забяспечваецца. Пра гэта паведаміў першы намеснік ведамства Юрый Фралоў.
Федэрацыя прафсаюзаў 15 лістапада пачне маніторынг выканання тэмпературнага рэжыму на прадпрыемствах
Прафсаюзныя рэйдавыя групы правядуць маніторынгі на прадпрыемствах усіх рэгіёнаў. Асаблівую ўвагу звернуць на захаванне тэмпературнага рэжыму ў вытворчых памяшканнях і цэхах, стан санітарна-бытавых памяшканняў і забеспячэнне работнікаў спецыяльнай вопраткай і абуткам. Праверкі, накіраваныя на выяўленне фактаў парушэння тэмпературных умоў на працоўных месцах, пачнуцца 15 лістапада.
Цеплавую мадэрнізацыю пілотных дамоў у Магілёўскай і Гродзенскай абласцях пачнуць у найбліжэйшы час
Цеплавая мадэрнізацыя жылля ў Беларусі пачнецца з Магілёўскай і Гродзенскай абласцей, для пілотнага праекта выбіраюць каля 250 дамоў, паведаміў намеснік прэм’ер-міністра Уладзімір Кухараў на сустрэчы з кіраўніком прадстаўніцтва Сусветнага банка ў Беларусі Алексам Крэмерам.
Малы і сярэдні бізнес фарміруе больш за 36% бюджэту Магілёўскай вобласці
Суб’екты малога і сярэдняга бізнесу за студзень-верасень 2019 года заплацілі ў бюджэт рэгіёна Br342,4 млн., або 36,3% ад агульных паступленняў. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці У параўнанні з мінулым годам паступленні ў бюджэт павялічыліся на 23,4% або Br64,9 млн. у фактычным вылічэнні. Рост фінансавых уліванняў ад арганізацый склаў 25,6%, ці Br61,7 млн., індывідуальных прадпрымальнікаў – 9%, ці Br3,2 млн.
У кансалідаваны бюджэт Магілёўскай вобласці за студзень-верасень 2019 года паступіла Br943,8 млн.
У кансалідаваны бюджэт Магілёўскай вобласці за студзень-верасень 2019 года паступіла Br943,8 млн. У параўнанні з аналагічным перыядам мінулага года даходы бюджэту павялічыліся на 8,9% або Br77,2 млн. у фактычным вылічэнні. Найбольшыя сумы склалі паступленні падаходнага падатку – Br339,3 млн. (36%), падатку на дабаўленую вартасць – Br124,3 млн. (13,2%), падатку на прыбытак – Br87,7 млн. (9,3%), акцызаў – Br67,7 млн. (7,2%).
Камп’ютарныя тэхналогіі прыходзяць на малочныя фермы Магілёўскай вобласці
Камп’ютарныя тэхналогіі прыходзяць на малочныя фермы Магілёўскай вобласці. Гэтаму спрыяе мадэрнізацыя галіны. За прыкладам журналісты ТРК «Магілёў» адправіліся ў Асіповіцкі раён.
Магілёўскія аграрыі залагоджваюць зямлю
У Магілёўскай вобласці завяршаюць уборку агародніны, а вызваленыя сілы кінутыя на ўзняцце зябліва. Гэтыя работы вядуцца па графіку. Сярод лідараў – Бялыніцкі, Шклоўскі і Магілёўскі раёны. Усе палявыя работы павінны быць завершаны да 7 лістапада. ТРК «Магілёў»
«Омск Карбон Магілёў» пачынае супрацоўніцтва з НАН Беларусі
Паміж «Омск Карбон Магілёў» і Інстытутам прыродакарыстання Нацыянальнай акадэміі навук Беларусі падпісана пагадненне аб супрацоўніцтве. Дакумент змацавалі подпісамі генеральны дырэктар ЗТАА «Омск Карбон Магілёў» Марат Ігізбаеў і дырэктар Інстытута прыродакарыстання НАН Беларусі Сяргей Лысенка.
Выкананне даручэнняў кіраўніка дзяржавы па паскораным сацыяльна-эканамічным развіцці рэгіёнаў – на кантролі КДК
На пасяджэнні калегіі Камітэта дзяржкантролю Магілёўскай вобласці разгледжаны вынікі аналізу прымаемых дзяржаўнымі органамі кіравання мер па сацыяльна-эканамічным развіцці Бабруйска і Бабруйскага раёна. Пра гэта паведаміў намеснік старшыні ведамства Аляксей Іглікаў.
КДК Магілёўскай вобласці праверыў сістэму аховы здароўя Асіповіцкага раёна
На пасяджэнні калегіі Камітэта дзяржкантролю Магілёўскай вобласці разгледжаны вынікі аўдыту эфектыўнасці выкарыстання бюджэтных сродкаў і дзяржаўнай маёмасці ў сістэме аховы здароўя Асіповіцкага раёна. Пра гэта паведаміў намеснік старшыні ведамства Аляксей Іглікаў. Дзяржаўнымі кантралёрамі былі выкрыты неадзінкавыя парушэнні бюджэтнага і іншага заканадаўства пры выкарыстанні дзяржаўных сродкаў, ажыццяўленні закупак, фінансава-гаспадарчай дзейнасці і вядзенні бухгалтарскага ўліку.
У студзені-верасні 2019 года ў Магілёўскай вобласці пабудавана амаль 3 тыс. новых кватэр
У студзені-верасні 2019 года ў Магілёўскай вобласці арганізацыямі ўсіх формаў уласнасці пабудавана 2 993 новыя кватэры. Уведзена ў эксплуатацыю 230,2 тыс. кв. м агульнай плошчы жылля. Пра гэта паведамілі ў галоўным статыстычным упраўленні рэгіёна. Для грамадзян, якія стаяць на ўліку маючых патрэбу ў паляпшэнні жыллёвых умоў, пабудавана 120,9 тыс. кв. м, ці 52,5 % ад агульнага аб’ёму ўведзенага жылля. У тым ліку з выкарыстаннем дзяржаўнай падтрымкі – 98,1 тыс. кв. м.
Рассельгаснагляд зняў абмежаванні на пастаўкі малочнай прадукцыі Горацкага харчовага камбіната
Федэральная служба па ветэрынарным і фітасанітарным наглядзе (Рассельгаснагляд) з 26 кастрычніка адмяняе ўведзеныя раней абмежаванні на пастаўкі ў Расію вяршкоў налівам ЗТАА «Горацкі харчовы камбінат». Такая інфармацыя размешчана на сайце расійскага ведамства. Рашэнне прынята на падставе атрыманых ад беларускага боку матэрыялаў, прынятых мер, а таксама гарантыі Дэпартамента ветэрынарнага і харчовага нагляду Міністэрства сельскай гаспадаркі і харчавання Беларусі.
Аграрыі Магілёўшчыны завяршаюць уборку цукровых буракоў
Не толькі летні, але і восеньскі дзень для хлебаробаў на вагу золата. З завяршэннем жніва сельгасезон тэмпы не губляе: верасень-кастрычнік – час уборкі караняплодаў. На Магілёўшчыне нарыхтоўка цукровых буракоў ужо блізкая да фінішу. Пад гэтую культуру, удакладніў першы намеснік старшыні Камітэта па сельскай гаспадарцы і харчаванні Магілёўскага аблвыканкама Андрэй Кажамякін, аддадзена 7800 гектараў плошчаў. Цукровыя буракі паступова пашыраюць геаграфію за кошт новых раёнаў.
Прамую тэлефонную лінію правядзе 25 кастрычніка намеснік начальніка Магілёўскай мытні Людміла Шавярдак
Прамую тэлефонную лінію правядзе 25 кастрычніка намеснік начальніка Магілёўскай мытні Людміла Аляксееўна Шавярдак. З 14.00 да 16.00 жыхары рэгіёна могуць задаць пытанні па нумары 8 (0222) 29 90 01.
Кукмарскі раён Рэспублікі Татарстан зацікаўлены ў вывучэнні беларускага вопыту ў сельскай гаспадарцы
Кукмарскі раён Рэспублікі Татарстан зацікаўлены ў вывучэнні беларускага вопыту ў сельскай гаспадарцы. Пра гэта на праведзенай сустрэчы з намеснікам старшыні Магілёўскага аблвыканкама Русланам Страхарам паведаміў кіраўнік Кукмарскага раёна Сяргей Дзмітрыеў.
«Бабруйскаграмаш» адзначаны залатой узнагародай на Расійскай аграпрамысловай выставе «Залатая восень-2019»
У Маскве прайшла традыцыйная Расійская аграпрамысловая выстава «Залатая восень-2019». У форуме прыняло ўдзел звыш 1500 экспанентаў з расійскіх рэгіёнаў, а таксама блізкага і далёкага замежжа.
Экалагічныя актывісты Магілёва і «Омск Карбон Магілёў» дамовіліся аб рэгулярных сустрэчах на незалежных пляцоўках
Экалагічныя актывісты Магілёва і «Омск Карбон Магілёў» дамовіліся аб рэгулярных сустрэчах на незалежных пляцоўках, дзе будуць абмяркоўваць праблемныя для двух бакоў пытанні і даносіць да магілёўцаў, а таксама жыхароў Вейна і Навасёлак інфармацыю аб экалагічным складніку прадпрыемства па вытворчасці тэхнічнага вугляроду.
Магілёўскія прадпрыемствы сталі пераможцамі рэспубліканскага конкурсу «Лідар энергаэфектыўнасці Беларусі»
У Мінску адбылося ўшанаванне пераможцаў рэспубліканскага конкурсу «Лідар энергаэфектыўнасці Беларусі – 2019». Прэстыжных узнагарод удастоена 19 прадпрыемстваў краіны, у тым ліку з Магілёўскай вобласці. Дыпломам пераможцы ў намінацыі «Энергаэфектыўны прадукт года» адзначана ТАА «Завод ацяпляльнага абсталявання “Вікторы”» за распрацоўку газавага кандэнсацыйнага ацяпляльнага апарата з высокім ККД. А ў катэгорыі «Энергаэфектыўная тэхналогія года» ўзнагароду атрымала РУП «Магілёўаблгаз» за мультыпраграмны комплекс «Тэхнічнае абслугоўванне і рамонт газарэгулятарнага абсталявання».
На «Белшыне» ўкараняюць энергазберагальныя тэхналогіі
На ААТ «Белшына», па паведамленні прэс-службы прадпрыемства, укараняюць розныя энергазберагальныя тэхналогіі, якія даюць значны эканамічны эфект. Так, у цэху ПВС завода буйнагабарытных шын манціруюцца рэгуляваныя электрапрывады помпавых агрэгатаў. Гэта дасць гадавы эканамічны эфект у 170 тон умоўнага паліва. Выкарыстанне энергаэфектыўных асвятляльных прылад у цэхах прадпрыемства дазволіць зэканоміць 171 тон умоўнага паліва. Укараненне ж высокаэфектыўных цеплаабменнікаў у цэху ПВС дасць эканомію 59 тон умоўнага паліва на год.
«Магілёўліфтмаш» нарасціць магутнасці дзякуючы мадэрнізацыі
Пратакол аб намерах па рэалізацыі інавацыйнага праекта «Мадэрнізацыя ААТ “Магілёўліфтмаш”» падпісаны ў Магілёве на Міжнароднай навукова-практычнай канферэнцыі «Машынабудаванне і металаапрацоўка».
На калегіі КДК Магілёўскай вобласці разгледжана пытанне эфектыўнасці работы крухмальнай галіны рэгіёна
Калегіяй Камітэта дзяржкантролю Магілёўскай вобласці разгледжана эфектыўнасць работы крухмальнай галіны рэгіёна. Пра гэта паведаміў першы намеснік старшыні ведамства Юрый Фралоў.
Тэрмін платы за цяпло і газ па поўных тарыфах для не занятых у эканоміцы пераносіцца на 1 мая 2020 года
Тэрмін аплаты працаздольнымі грамадзянамі, не занятымі ў эканоміцы, асобных камунальных паслуг па цэнах (тарыфах), што забяспечваюць поўнае кампенсаванне эканамічна абгрунтаваных затрат на іх аказанне пераносіцца на 1 мая 2020 года. Гэта прадугледжана пастановай урада нумар 682 ад 7 кастрычніка 2019 года, паведаміў журналістам першы намеснік міністра працы і сацыяльнай абароны Беларусі Андрэй Лабовіч.
За 9 месяцаў 2019 года пры садзейнічанні службы занятасці больш за 16 тыс. жыхароў Магілёўскай вобласці здолела знайсці працу
За 9 месяцаў 2019 года пры садзейнічанні службы занятасці больш за 16 тыс. жыхароў Магілёўскай вобласці здолела знайсці працу. Пра гэта паведаміла намеснік старшыні камітэта па працы, занятасці і сацыяльнай абароне Магілёўскага аблвыканкама Вольга Хадускіна. Для арганізацыі прадпрымальніцкай дзейнасці субсідыі атрымала 246 беспрацоўных. Часцей за ўсё гэта былі бізнес-праекты ў сферы рознічнага гандлю, грузаперавозак і будаўнічых работ. На зноў створаныя працоўныя месцы ў першым паўгоддзі працаўладкавана 2 тыс. 284 чалавекі.
На Форуме рэгіёнаў Беларусі і Украіны прадпрыемствы і арганізацыі Магілёўскай вобласці падпісалі кантракты на $ 3,9 млн.
Падчас VIII пасяджэння Беларуска-Украінскага Кансультатыўнага савета і Украіны ў Жытоміры, прадпрыемствы і арганізацыі Магілёўскай вобласці заключылі кантракты на агульную суму $ 3,9 млн. Пра гэта паведамілі ў камітэце эканомікі аблвыканкама.
Дагаворы на суму Br425 млн. заключаны на інвестфоруме ў Магілёўскім раёне
Дзесяць дагавораў на агульную суму Br425 млн заключана сёння на першым інвестыцыйным форуме «Магілёўскі раён – тэрыторыя магчымасцей», паведаміла намеснік старшыні па эканоміцы Магілёўскага райвыканкама Ірына Чындо. Самы буйны дагавор быў заключаны паміж ЗАТ «Сервалюкс Агра» (Беларусь) і ТАА «Сервалюкс Усход» (Расія) на пастаўку птушкі ў Расію ў 2020 годзе. Сума дагавора – $20 млн.
«Бабруйскаграмаш» плануе ў 2020 годзе экспартаваць ва Украіну тэхніку на $ 1 млн
ААТ «Бабруйскаграмаш» плануе па выніках 2020 года экспартаваць ва Украіну тэхніку на $ 1 млн, паведаміў маркетынг-дырэктар па працы на рынках Беларусі, блізкага замежжа Уладзімір Дайнека.
Магілёў займае першае месца сярод беларускіх гарадоў з самымі таннымі гатэлямі па версіі турыстычнага пошукавіка Aviasales.by
Турыстычны пошукавік Aviasales.by назваў беларускія гарады з самымі таннымі гатэлямі. Эксперты сэрвісу прааналізавалі кошт пражывання ў гатэлях буйных гарадоў Беларусі і склалі рэйтынг з самых выгадных напрамкаў для турыстаў. У даследаванні ўлічвалася размяшчэнне ў двухмесным нумары трохзоркавай гасцініцы. Першае месца ў бюджэтным рэйтынгу падзялілі Віцебск і Магілёў. Кошты ў гатэлях гэтых абласных цэнтраў пачынаюцца ад Br 43 з чалавека за ноч. На другім месцы Брэст, дзе суткі ў гатэлі каштуюць ад Br 49.
Шклоўскае «Домабудаванне» паставіла партыю жылых дамоў у Японію
Філіял «Домабудаванне» РУП «Завод газетнай паперы» (Шклоў) ажыццявіў першую пастаўку камплектаў каркасна-шчытавых дамоў у Японію. Пра гэта паведаміла прэс-сакратар канцэрна «Беллеспаперапрам» Ружэна Навіцкая.
Больш за 1 млн. т малака плануюць вырабіць гаспадаркі Магілёўскай вобласці ў наступным годзе
Больш за 1 млн. т малака плануюць вырабіць гаспадаркі Магілёўскай вобласці ў наступным годзе. За кошт чаго?