Дзень адчыненых дзвярэй правядуць магілёўскія бібліятэкі 26 лютага
Дзень адчыненых дзвярэй правядуць магілёўскія бібліятэкі 26 лютага, паведаміла загадчыца інфармацыйна-бібліяграфічнага сектара аддзела абслугоўвання насельніцтва і інфармацыі цэнтральнай гарадской бібліятэкі імя Карла Маркса Клаўдзія Ільініч. «Разнастайныя забаўляльныя і пазнавальныя мерапрыемствы як у цэнтральнай бібліятэцы горада, так і ў іншых філіялах будуць праходзіць у гэты дзень. Для гасцей арганізуюць прэзентацыі кніжных навінак. Тых, хто вырашыць стаць нашымі сталымі чытачамі, чакаюць прыемныя сюрпрызы і розыгрышы», – расказала Клаўдзія Ільініч.
«Магілёўзелянбуд» рыхтуе да 8 Сакавіка больш за 20 тыс. кветак
Больш за 20 тыс. кветак рыхтуе «Магілёўзелянбуд» да Міжнароднага жаночага дня. Пра гэта паведаміла начальнік аддзела маркетынгу і збыту прадпрыемства Марціна Багайчук. «У гэтым годзе да 8 Сакавіка мы падрыхтавалі больш за 20 тыс. кветак. У фірмовай гандлёвай сетцы будзе прадстаўлена каля 10 тыс. руж беларускай і імпартнай вытворчасці, каля 9 тыс. цюльпанаў, вырашчаных у цяпліцах нашага прадпрыемства. Гэтыя кветкі працягваюць карыстацца вялікім пакупальніцкім попытам у Міжнародны жаночы дзень», – падзялілася субяседніца.
Начальніку УУС Магілёўскага аблвыканкама Ігару Шчарбачэню прысвоена званне генерал-маёра
Прэзідэнт Рэспублікі Беларусь падпісаў Указ № 64 ад 21.02.2020 аб прысваенні чарговага спецыяльнага звання генерал-маёра міліцыі начальніку УУС Магілёўскага аблвыканкама Ігару Шчарбачэню. Пра гэта паведамілі ва УУС аблвыканкама.
Камітэт дзяржкантролю правядзе 25 лютага прамую тэлефонную лінію на тэму налічэння зарплаты ў бюджэтнай сферы
Камітэт дзяржаўнага кантролю правядзе 25 лютага прамую тэлефонную лінію на тэму налічэння заработнай платы работнікам бюджэтных арганізацый пасля ўвядзення новых умоў аплаты працы. Жыхары ўсіх рэгіёнаў рэспублікі і Мінска могуць паведаміць спецыялістам кантрольнага ведамства аб фактах зніжэння зарплаты за студзень бягучага года ў параўнанні з атрыманай у папярэднія месяцы. Будзе прааналізаваны кожны зварот, дадзена аб’ектыўная ацэнка выкладзеных фактаў. Звярнуцца на прамую тэлефонную лінію можна будзе з 14.00 да 17.00 па нумары 8 (017) 327 20 15.
Дэпутат Палаты прадстаўнікоў Аляксандр Масяйкоў сустрэўся з навучэнцамі архітэктурна-будаўнічага каледжа БРУ
У архітэктурна-будаўнічым каледжы ў складзе міждзяржаўнай адукацыйнай установы вышэйшай адукацыі «Беларуска-Расійскі ўніверсітэт» адбылася сустрэча дэпутата Палаты прадстаўнікоў Нацыянальнага сходу Рэспублікі Беларусь Аляксандра Масяйкова з моладдзю. Заслужаны майстар спорту СССР і краіны, алімпійскі чэмпіён, Ганаровы грамадзянін горада Магілёва расказаў пра сябе, сваю сям’ю, захапленні і спартыўныя дасягненні.
У Магілёве зменіцца месца выдачы пасведчання аб смерці
У Магілёве зменіцца месца рэгістрацыі смерці. Пра гэта паведамілі ў гарвыканкаме. З 2 сакавіка выдача пасведчання аб смерці і даведкі на пахаванне будзе праводзіцца па адрасе: г. Магілёў, вул. Ленінская, 1 (плошча Славы, будынак ЗАГСа, першы паверх, кабінет № 2). Рэжым работы:– панядзелак, серада, пятніца з 8.00 да 17.00;– аўторак, чацвер з 8.00 да 20.00;– субота з 8.30 да 17.00;– абед з 13.00 да 14.00 (штодня);– выхадны – нядзеля. Тэл. 22-19-51, 22-60-29.
Шматфункцыянальны цэнтр плануюць пабудаваць у Магілёве
Забаўляльны шматфункцыянальны цэнтр з добраўпарадкаваннем прылеглай тэрыторыі плануюць пабудаваць на месцы парку атракцыёнаў у Магілёве, – паведаміў начальнік упраўлення архітэктуры і горадабудаўніцтва Магілёўскага гарвыканкама – галоўны архітэктар горада Уладзімір Скачак.
Белстат агучыў першыя даныя перапісу: Магілёўская вобласць – самая малалікая
Насельніцтва Беларусі складае крыху больш за 9,4 млн чалавек. Такія першыя даныя праведзенага ў мінулым годзе перапісу агучыла журналістам старшыня Нацыянальнага статыстычнага камітэта Іна Мядзведзева.
У Магілёве 21 лютага ў сувязі са святкаваннем Дня Абаронцаў Айчыны перакрыюць рух па частцы вуліцы Першамайскай
У Магілёве 21 лютага ў сувязі са святкаваннем Дня Абаронцаў Айчыны і Узброеных Сіл Рэспублікі Беларусь з 8.00 да заканчэння ўрачыстых мерапрыемстваў перакрыюць рух па вуліцы Першамайскай ад вуліцы Болдзіна да плошчы Славы. Пра гэта паведамілі ў гарвыканкаме. Гэтую ж тэрыторыю да 8.00 вызваляць ад транспартных сродкаў і абмяжуюць тут стаянку аўтамабіляў.
«Белпошта» запрашае жыхароў Магілёўскай вобласці прыняць удзел у конкурсе экалагічнага малюнка
«Белпошта» праводзіць рэспубліканскі конкурс экалагічнага малюнка сярод жыхароў Беларусі. Пра гэта паведамляецца на сайце прадпрыемства. Творчае спаборніцтва стартуе 17 лютага. Прыём работ працягнецца да 1 мая. Прыняць удзел могуць беларусы ва ўзросце ад 14 гадоў. Канкурсантам неабходна прыдумаць і адлюстраваць малюнак на тэму «Захаванне экасістэмы – абарона клімату». Творчая задума можа быць выканана на паперы або ў электронным фармаце ў любой тэхніцы з ужываннем розных матэрыялаў.
Сістэма апавяшчэння правяраецца ў Беларусі, абаненты двух мабільных аператараў атрымаюць СМС
Абаненты двух мабільных аператараў атрымаюць СМС падчас праверкі сістэмы апавяшчэння насельніцтва, паведамілі ў МНС. «Сёння стартуе міжведамасная акцыя «Адзіны дзень бяспекі». Будзе правярацца сістэма абвесткі. Абаненты А1 і МТС атрымаюць СМС», – праінфармавалі ў МНС. Будуць разасланыя паведамленні з тэкстам: «Праводзіцца праверка сістэмы абвесткі, ніякіх дзеянняў не патрабуецца».
Больш за Br80 тыс сабрана падчас дабрачыннага марафону «Сагрэем дзіцячыя сэрцы»
Жыхары Магілёўшчыны пералічылі Br81 753 на рахунак Беларускага дзіцячага фондупадчас абласнога дабрачыннага марафону «Сагрэем дзіцячыя сэрцы». Вынікі падвялі ў абласным мастацкім музеі імя П. Масленікава.
Чатыры жыцці выратавана ў Магілёве дзякуючы аўтаномнаму пажарнаму апавяшчальніку
Чацвёра выратаваных, у тым ліку аднагадовае дзіця, – такія вынікі спрацоўкі аўтаномнага пажарнага апавяшчальніка. Пра гэта паведаміла старшы інспектар абласнога ўпраўлення МНС Вольга Нехарошых. 19 лютага каля 6 гадзін раніцы сям’ю, якая жыве ў прыватным жылым доме па вул. Вясновай у Магілёве, разбудзіў гучны гук аўтаномнага пажарнага апавяшчальніка: дом быў напоўнены дымам. 45- гадовы гаспадар, яго 24-гадовы сын разам з жонкай і малым паспяшаліся эвакуявацца. Ніхто не пацярпеў.
СМІ Магілёўскай вобласці – сярод пераможцаў конкурсу на самае лепшае асвятленне пытанняў будаўніцтва і развіцця Узброеных Сіл
У Мінску ўзнагародзілі ўдзельнікаў і пераможцаў штогадовага творчага конкурсу на самае лепшае асвятленне ў сродках масавай інфармацыі пытанняў будаўніцтва і развіцця Узброеных Сіл, патрыятычнага выхавання насельніцтва Беларусі. Пра гэта паведамілі ў Міністэрстве інфармацыі. У спаборніцтве прынялі ўдзел рэдакцыі перыядычных друкаваных выданняў, электронныя сродкі масавай інфармацыі.
Больш за 150 кніг з архіваў Нацыянальнай бібліятэкі падарылі дэпутаты бабруйскаму дзіцячаму дому сямейнага тыпу
У госці да бабруйскай шматдзетнай сям’і Парфёнавых з падарункамі заглянулі дэпутаты Палаты прадстаўнікоў Нацыянальнага сходу Рэспублікі Беларусь Ірына Рынейская, Уладзімір Гацко, Вера Шырокая, прадстаўнікі адміністрацыі Першамайскага раёна. Для юных жыхароў дома сямейнага тыпу візіцёры перадалі ў дар больш за 150 кніг з архіваў Нацыянальнай бібліятэкі. Літаратура самая разнастайная: пазнавальныя энцыклапедыі, руская, беларуская і замежная класіка, казкі, падручнікі. Дарэчы, у доме сямейнага тыпу любяць чытаць. Тут выхоўваецца 9 дзяцей ад 10 месяцаў да 15 гадоў.
У Магілёве і Бабруйску можна будзе бясплатна адправіць паштоўку да 23 лютага
«Белпошта» прапануе бясплатна адправіць паштоўку да 23 лютага, паведамляецца на сайце прадпрыемства. Акцыя пройдзе ў некаторых аддзяленнях паштовай сувязі 20 лютага напярэдадні Дня абаронцаў Айчыны і Узброеных Сіл. Усе жадаючыя могуць набыць тут паштовыя карткі або паштоўкі ў канвертах (да 20 г) і павіншаваць любімых сыноў, унукаў, мужоў, бацькоў, а супрацоўнікі прадпрыемства бясплатна даставяць іх у любую кропку Беларусі.
Ускладанні кветак і святочныя канцэрты прымяркуюць у Магілёўскай вобласці да Дня абаронцаў Айчыны і Узброеных Сіл Беларусі
Ускладанні кветак і святочныя канцэрты прымяркуюць у Магілёўскай вобласці да Дня абаронцаў Айчыны і Узброеных Сіл Рэспублікі Беларусь. Кіраўнікі мясцовых органаў улады, дэлегацыі прадстаўнікоў працоўных калектываў, ветэранаў вайны і Узброеных Сіл, грамадскасці ўскладуць кветкі і вянкі да помнікаў, а таксама брацкіх магіл абаронцаў Айчыны, абеліскаў і пахаванняў воінаў, якія загінулі ў баях за Радзіму.
У Магілёўскай вобласці з 20 лютага па 1 сакавіка пройдзе рэспубліканская акцыя «Адзіны дзень бяспекі»
У Магілёўскай вобласці з 20 лютага па 1 сакавіка пройдзе рэспубліканская акцыя «Адзіны дзень бяспекі». Пра гэта паведаміла старшы інспектар абласнога ўпраўлення МНС Вольга Нехарошых.
Абноўлены дзіцячы сад адкрываецца ў Магілёўскім раёне
Падлогі з падагрэвам, уласная пральня і сучасны харчаблок – у аграгарадку Усход Магілёўскага раёна сёння адкрыюць абноўлены дзіцячы сад. Пра гэта паведамілі ў Магілёўскім райвыканкаме.
Тыдзень занятасці насельніцтва стартаваў у Магілёве
У Магілёве стартаваў Тыдзень занятасці насельніцтва. На ім прадстаўлена каля 1,5 тысяч прапаноў ад прадпрыемстваў горада. Наведаць бясплатныя кансультацыі змогуць не толькі магілёўцы, але і жыхары вобласці. Кірмашы вакансій будуць працаваць штодзённа з 11.00 да 12.00 па вуліцы Касманаўтаў, д. 17. Пра гэта паведаміла начальнік аддзела садзеяння ў працаўладкаванні ўпраўлення па працы, занятасці і сацыяльнай абароне гарвыканкама Вольга Круглікава.
У 2019 годзе на рамонт і добраўпарадкаванне воінскіх пахаванняў у Магілёўскай вобласці выдаткавалі больш за Br720 тыс.
У Магілёўскай вобласці знаходзіцца 1641 воінскае пахаванне і 660 памятных знакаў, якія ўвекавечваюць памяць абаронцаў Айчыны і ахвяр войнаў. На іх рамонт і добраўпарадкаванне у 2019 годзе выдаткавалі больш за Br720 тыс. Палова гэтых сродкаў паступіла з пазабюджэтных крыніц, як паведаміла, выступаючы на выніковай калегіі галоўнага ўпраўлення ідэалагічнай работы і па справах моладзі аблвыканкама, яго начальнік Кацярына Музычэнка.
За 2019 год у Магілёўскай вобласці правялі больш за 44 тыс. сустрэч з насельніцтвам у розных фарматах
Вывучэнне меркавання насельніцтва, выяўленне і аператыўнае інфармаванне органаў улады аб наяўнасці праблемных пытанняў на месцах – адзін з галоўных кірункаў ідэалагічнай працы. На гэта звярнула ўвагу, выступаючы на выніковай калегіі галоўнага ўпраўлення ідэалагічнай работы і па справах моладзі аблвыканкама, яго начальнік Кацярына Музычэнка.
Па вуліцах Магілёва курсіруе таксі бяспекі
З пачатку лютага ў Магілёве курсіруе незвычайнае таксі. Да звыклых «шашачак» дадаўся надпіс «Таксі бяспекі». Пра гэта паведаміла старшы інспектар абласнога ўпраўлення МНС Вольга Нехарошых.
Начальнік Магілёўскага абласнога ўпраўлення Дэпартамента аховы МУС Аляксандр Шэпелеў 15 лютага правядзе прамую лінію
Начальнік Магілёўскага абласнога ўпраўлення Дэпартамента аховы МУС Рэспублікі Беларусь палкоўнік міліцыі Аляксандр Святаслававіч Шэпелеў 15 лютага правядзе прамую тэлефонную лінію. Задаць пытанні, якія тычацца дзейнасці Дэпартамента, паслуг і іх кошту, патрабаванняў, што прад’яўляюцца да кандыдатаў на службу, перспектыў развіцця, жыхары рэгіёна змогуць з 9.00 да 12.00 па нумары тэлефона (80222) 64-33-10.
Дзіцячае аддзяленне Магілёўскай паліклінікі № 10 будзе пашырана
Дзіцячае аддзяленне Магілёўскай паліклінікі № 10 будзе пашырана. Гэта стане магчымым пасля рамонту трохпавярховай прыбудовы, паведаміў начальнік галоўнага ўпраўлення па ахове здароўя Магілёўскага аблвыканкама Аляксандр Старавойтаў. «Першапачаткова на базе названай паліклінікі планавалася стварыць аддзяленне рэабілітацыі. Але з увядзеннем у працу абласной бальніцы медыцынскай рэабілітацыі неабходнасць у гэтым адпала. Цяпер прынята рашэнне размясціць у трохпавярховай прыбудовы дзіцячае аддзяленне», –заўважыў ён.
Па выніках працы за 2019 год у Магілёўскай вобласці забяспечана стабільнае функцыянаванне сістэмы сацабароны – Святлана Тарасенка
Па выніках працы за 2019 год у Магілёўскай вобласці забяспечана стабільнае функцыянаванне сістэмы сацабароны. Пра гэта паведаміла на выніковай калегіі Камітэта па працы, занятасці і сацыяльнай абароне аблвыканкама яго старшыня Святлана Тарасенка. На пасяджэнне былі запрошаныя намеснік міністра працы і сацыяльнай абароны Аляксандр Румак і намеснік старшыні аблвыканкама Валерый Малашка.
Дзве ўстановы адукацыі Магілёўскай вобласці прызнаныя найлепшымі ў краіне па выніках 2019 года
У Мінскім дзяржаўным лінгвістычным універсітэце адбылася калегія Міністэрства адукацыі Беларусі, дзе падвялі вынікі працы сістэмы за 2019 год. Найлепшай установай агульнай сярэдняй адукацыі сельскай мясцовасці прызнаная Межысецкая сярэдняя школа (Магілёўскі раён). Сярод устаноў прафесійна-тэхнічнай адукацыі першае месца прысуджана Магілёўскаму дзяржаўнаму эканамічнаму прафесійна-тэхнічнаму каледжу.
Новыя легкавікі папоўнілі аўтапарк Магілёўскай абласной структуры ДТСААФ
Дванаццаць новых аўтамабіляў перадалі сёння прадстаўнікам падраздзяленняў ДТСААФ Магілёўскай вобласці. Аўтапарк папоўнілі легкавыя машыны Volkswagen Polo. Пра гэта карэспандэнту БелТА паведаміў старшыня абласной арганізацыйнай структуры ДТСААФ Аляксандр Мазур.
Дзмітрый Харытончык пакінуў пасаду старшыні Магілёўскага абласнога Савета дэпутатаў
У Магілёўскім аблвыканкаме прайшла пазачарговая 19-я сесія Магілёўскага абласнога Савета дэпутатаў. Адной з падстаў сходу стала вызваленне старшыні Магілёўскага абласнога Савета дэпутатаў Дзмітрыя Харытончыка ад займаемай пасады ў сувязі з прызначэннем яго намеснікам міністра прамысловасці. Таксама аднагалосна было падтрымана рашэнне Дзмітрыя Іванавіча аб датэрміновымспыненні паўнамоцтваў дэпутата аблсавета дваццаць восьмага склікання па Юбілейнай выбарчай акрузе №36.
У Магілёве міліцыянераў навучаюць мове жэстаў
У Магілёўскім інстытуце МУС навучаюць мове жэстаў. Многім супрацоўнікам не раз даводзілася аказваць дапамогу людзям з парушэннямі слыху або дапытваць іх. Часам у такіх выпадках звяртаюцца да дапамогі сурдаперакладчыкаў, але іх не хапае – прыкладна па два ў кожным рэгіёне краіны. Моўны курс працягваецца чатыры дні. Спачатку тэорыя: вывучаюць асаблівасці псіхалогіі і паводзін людзей, якія слаба чуюць. Затым пачынаецца практыка – дактыльны алфавіт і нацыянальная мова жэстаў –калі адным рухам можна растлумачыць цэлую фразу.