Прамыя тэлефонныя лініі пройдуць 24 чэрвеня ў Магілёўскай вобласці
24 чэрвеня з 9.00 да 12.00 у гаррайвыканкамах, адміністрацыях раёнаў гарадоў Магілёва і Бабруйска будзе праходзіць прамая тэлефонная лінія. Свае пытанні можна будзе задаць па тэлефонах: Магілёўскі гарвыканкам – 8 (0222) 42-21-02 (Студнеў Аляксандр Віктаравіч - старшыня гарвыканкама); Адміністрацыя Ленінскага раёна г.Магілёва – 8 (0222) 72-31-38(Багайчук Аляксей Сяргеевіч - кіраўнік адміністрацыі);
Дапамога побач: сацыяльнае таксі для людзей з інваліднасцю працуе ў Магілёве
Сацыяльнае таксі для людзей з інваліднасцю працуе ў Кастрычніцкім раёне Магілёва. Пра гэта паведаміла загадчыца аддзялення сацыяльнай рэабілітацыі, абілітацыі інвалідаў Цэнтра сацыяльнага абслугоўвання насельніцтва Кастрычніцкага раёна горада Наталля Шэйко.
ЦТ па матэматыцы сёння плануюць напісаць больш за 10,6 тыс. абітурыентаў
Цэнтралізаванае тэсціраванне па матэматыцы сёння плануюць напісаць больш як 10,6 тыс. абітурыентаў. Пра гэта паведаміў дырэктар Рэспубліканскага інстытута кантролю ведаў Юры Міксюк. «Сёння адбудзецца цэнтралізаванае тэсціраванне па матэматыцы. Для яго праходжання ў нас зарэгістраваліся 10676 чалавек. Пункты здачы ЦТ па ўсёй краіне гатовы прыняць абітурыентаў, выпрабаванне пачнецца ўсюды аднолькава - у 11.00», - распавёў Юры Міксюк.
У Магілёўскай вобласці на гэтым тыдні пройдуць электронныя кірмашы вакансій
У Магілёўскай вобласці на гэтым тыдні на адзінай электроннай пляцоўцы http://e-vacancy.by/ будуць праведзены «электронныя кірмашы вакансій», падчас якіх суіскальнікі атрымаюць магчымасць задаць наймальнікам пытанні, якія цікавяць, атрымаць электронную кансультацыю, запрашэнне на сумоўе ў рэжыме рэальнага часу.
Больш за 100 мэтавікоў і пераможцаў алімпіяд сталі студэнтамі МДУ імя Куляшова ў Магілёве
Больш за 100 мэтавікоў і пераможцаў алімпіяд залічаны ў МДУ ім. А.А. Куляшова ў Магілёве. Пра гэта расказаў адказны сакратар прыёмнай камісіі Андрэй Маёраў. «У лік студэнтаў Магілёўскага дзяржаўнага ўніверсітэта імя А.А. Куляшова было залічана 108 абітурыентаў, якія паступаюць на ўмовах мэтавай падрыхтоўкі, і пераможцаў універсітэцкіх алімпіяд. З іх 80 чалавек - мэтавікі, два выпускнікі школ спартыўна-педагагічнай накіраванасці і адзін выпускнік профільнага педагагічнага класа», - распавёў ён.
«Кожнаму пацыенту вы аддаяце часцінку сваёй душы». У Магілёве ўшаноўвалі медработнікаў рэгіёну
Быць медыцынскім работнікам значыць усяляць у сэрцы людзей надзею, аддаючы пры гэтым кожнаму пацыенту часцінку сваёй душы. З такіх слоў пачалося сёння ў Магілёве ўрачыстае мерапрыемства, прысвечанае Дню медыцынскіх работнікаў, якое прайшло ў Палацы культуры вобласці. У Палацы культуры вобласці сабраліся найлепшыя прадстаўнікі, ветэраны і маладыя спецыялісты сферы аховы здароўя.
ЦТ па рускай мове сёння здалі амаль 12 тыс. абітурыентаў
Цэнтралізаванае тэсціраванне па рускай мове 16 чэрвеня здалі амаль 12 тыс. абітурыентаў. Аб гэтым паведаміў дырэктар Рэспубліканскага інстытута кантролю ведаў Юрый Міксюк. «На цэнтралізаванае тэсціраванне па рускай мове зарэгістраваліся 11 966 чалавек. Гэта выпускнікі мінулых гадоў, якім у бягучым годзе прадастаўлена права здаваць тры цэнтралізаваныя тэсціраванні», - расказаў Юрый Міксюк.
Больш за 500 школьнікаў адпачнуць у ваенна-патрыятычных лагерах Магілёўшчыны
Форму летняга адпачынку на базе воінскіх часцей сёлета выбралі 500 хлопчыкаў і дзяўчынак з усяго рэгіёну. Адпачыць фізічна ці наўрад атрымаецца, затое адужэць і атрымаць новыя веды і ўменні - гэта абавязкова. Гэтым летам у вобласці створана больш за 20 ваенна-патрыятычных лагераў. Што вабіць у такім адпачынку юнакоў - глядзіце ў сюжэце.
Прамую тэлефонную лінію 17 чэрвеня правядзе старшыня Магілёўскага абласнога Савета дэпутатаў
Прамую тэлефонную лінію 17 чэрвеня правядзе старшыня Магілёўскага абласнога Савета дэпутатаў Ірына Анатольеўна Раінчык. З 9.00 да 12.00 па тэлефонным нумары 8 (0222) 31 00 97 яна адкажа на пытанні жыхароў Прыдняпроўскага краю. Рэд.
Конкурс па добраўпарадкаванні парка Падміколле ў самым разгары (відэа)
Магілёўскага майстра-2023 шукае абласное аб'яднанне прафсаюзаў. Конкурс па добраўпарадкаванні гарадскога парку Падміколле - у самым разгары! Новыя архітэктурныя формы ўжо з'яўляюцца ў парку.
У Беларусі стартуе цэнтралізаванае тэсціраванне
Важны і вельмі адказны этап у жыцці ўчарашніх школьнікаў. Сёння стартуе цэнтралізаванае тэсціраванне. Праверыць свае веды па навучальных дысцыплінах трэба 55 тысячам абітурыентаў. Першы прадмет - беларуская мова, далей - праз дзень выпрабаванні яшчэ па 10 дысцыплінах. У тройцы самых папулярных - фізіка, англійская і руская мовы. Адзначаюць, заданні цэнтралізаванага тэсціравання - аднаго ўзроўню складанасці з аналагічнымі на цэнтралізаваным экзамене.
Унесці прапановы па праекту Указа аб аўтамабільных перавозках пасажыраў можна да 18 чэрвеня
Цяпер (з 8 па 18 чэрвеня) на Прававым форуме Беларусі праходзіць грамадскае абмеркаванне праекта Указа Прэзідэнта Рэспублікі Беларусь «Аб аўтамабільных перавозках пасажыраў» (спасылка на абмеркаванне https://forumpravo.by/publichnoe-obsuzhdenie-proektov-npa/forum15/ 17166-proekt-ukaza-prezidenta-respubliki-belarus-_ob-avtomobilnykh-perevozkakh-passazhirov) Ініцыятарам стала Міністэрства транспарту і камунік
Беларусь турыстычная: дзе можна сплавіцца на сапбордах і байдарках, а таксама куды падняцца за самым крутым сэлфі
Катанне на сапбордах і байдарках, наведванне аднаго з галоўных турыстычных гарадоў Беларусі - гэта толькі малая частка турыстычных актыўнасцей, якімі багатая Беларусь. У тым ліку і Магілёўская вобласць. Лета, здаецца, канчаткова ўступіла ў свае правы - самы час задумацца аб адпачынку. Вядома, па цяперашніх часах з-за новай лагістыкі авіяпералётаў, выбар, напрыклад, трапічных курортаў па адэкватным кошце не гэтак багаты і разнастайны. Ну хіба гэта нагода адмаўляць сабе ў сапраўдным задавальненні?! І ўжо сапраўды гэта зручны момант прыгледзецца да таго, што зусім побач.
Ірына Раінчык: прадметнасць і кропкавасць павінны прысутнічаць у кожным рашэнні, якое прымаецца
Семінар-практыкум для галоўных спецыялістаў мясцовых Саветаў дэпутатаў і членаў Маладзёжнага парламента пры абласным, гарадскіх і раённых Саветах дэпутатаў прайшоў 8-9 чэрвеня ў Магілёве. Удзел у ім прыняла старшыня абласнога Савета дэпутатаў Ірына Раінчык
Анатоль Ісачанка 13 чэрвеня правядзе ў Быхаве выязны прыём грамадзян
Выязны прыём грамадзян, іх прадстаўнікоў, прадстаўнікоў юрыдычных асоб 13 чэрвеня з 09.00 правядзе старшыня Магілёўскага аблвыканкама Анатоль Міхайлавіч Ісачанка ў Быхаўскім раённым выканаўчым камітэце. Папярэдні запіс на асабісты прыём ажыццяўляецца па тэлефонах 8 (02231) 7-96-40, 8 (02231) 7-96-99. Рэд.
Фестываль дзіцячай міратворчасці прымаў Магілёў (відэа)
Фестываль дзіцячай міратворчасці «Дзеці за мір» прымаў Магілёў. Гэты фестываль - адзін з праектаў Беларускага фонду міра. У рамках яго падвялі вынікі рэспубліканскага конкурсу «Лепшы міратворчы праект школ свету». У абласны цэнтр з'ехаліся больш за сотню школьнікаў, каб прадставіць свае мірныя ініцыятывы. ТРК «Магілёў»
Электронныя кірмашы вакансій пройдуць у Магілёўскай вобласці на гэтым тыдні
У Магілёўскай вобласці на гэтым тыдні на адзінай электроннай пляцоўцы http://e-vacancy.by/ будуць праведзены электронныя кірмашы вакансій, у ходзе якіх суіскальнікі атрымаюць магчымасць задаць наймальнікам пытанні, якія цікавяць, атрымаць электронную кансультацыю, запрашэнне на сумоўе ў рэжыме рэальнага часу. 08.06.2023 з 14.00 да 16.00 - Упраўленнем па працы, занятасці і сацыяльнай абароне Бабруйскага райвыканкама
Журналісты Магілёўскай вобласці - сярод пераможцаў і лаўрэатаў «Залатой ліцеры»
На lll Форуме медыйнай супольнасці Беларусі ў Брэсце адбылася ўрачыстая цырымонія ўзнагароджання пераможцаў XIX Нацыянальнага конкурсу «Залатая Літара». Усяго сёлета было пададзена больш за 400 заявак.
III Форум медыйнай супольнасці Беларусі праходзіць у Брэсце
III Форум медыйнай супольнасці Беларусі праходзіць у Брэсце. Яго тэма - кросмедыйная журналістыка: тэхналогія і інструментарый
Дванаццаць дзіцячых шматфункцыянальных пляцовак адкрыюцца ў Магілёве ў чэрвені
У Дзень абароны дзяцей у Магілёве адкрылі дзіцячую пляцоўку. А да Дня горада, ён адзначаецца 28 чэрвеня, іх колькасць вырасце да дванаццаці. На іх уладкаванне з абласнога бюджэту выдаткавана больш за адзін мільён шасцісот рублёў. З гарадскога бюджэту штогод выдзяляюцца сродкі на добраўпарадкаванне дваровых тэрыторый, але ў гэтым выпадку размова ішла аб бягучых рамонтах.
Летняя аздараўленчая кампанія-2023 урачыста стартавала на Магілёўшчыне (відэа)
Старт летняй аздараўленчай кампаніі-2023 урачыста дадзены на Магілёўшчыне. Падзея супала з адкрыццём першай змены аздараўленчага лагера «Крыніца», дзе ўсім дзецям рэгіёну пажадалі выдатна правесці летнія канікулы і адпачыць, каб поўнымі энергіі вярнуцца ў верасні за школьныя парты. ТРК «Магілёў»
У ВНУ пачаўся прыём дакументаў на мэтавую падрыхтоўку
З 1 па 5 чэрвеня ў краіне ідзе прыём дакументаў на мэтавую падрыхтоўку. З 6 па 13 чэрвеня абітурыенты будуць здаваць уступныя іспыты. А залічаць рабят ужо да 16-га чысла гэтага месяца. Пра парадак дзеянняў для абітурыентаў аграрнай ВНУ і запатрабаванасць мэтавага навучання расказалі адказныя сакратары прыёмных камісій.
Рэгістрацыя на цэнтралізаванае тэсціраванне завяршаецца ў Беларусі
Рэгістрацыя на цэнтралізаванае тэсціраванне завяршаецца ў Беларусі. Падрабязнасці прыводзяцца на сайце РІКВ.
У Беларусі сёння пачынаюцца выпускныя іспыты для дзевяцікласнікаў
У Беларусі 1 чэрвеня пачынаюцца выпускныя іспыты для 9-класнікаў.
Журналісты Магілёўшчыны ў ліку пераможцаў рэспубліканскага конкурсу МНС
Па выніках рэспубліканскага конкурсу на лепшае асвятленне ў сродках масавай інфармацыі дзейнасці МНС і асноў забеспячэння бяспекі жыццядзейнасці каманда «Радыё Магілёў» заняла 2-е месца ў намінацыі «За аператыўнасць і аб'ектыўнасць», у ліку лепшых аўтараў на 3-м месцы - адказны сакратар па выпуску газеты «Магілёўскія ведамасці» Марыя Юрчанка.
Магілёў упрыгожаць 1 млн 250 тыс. аднагадовых кветак (відэа)
Калі праехаць па цэнтральнай вуліцы Магілёва Першамайскай, становіцца зразумела, Магілёў - квітнеючы горад. Намаганнямі прадпрыемства па азеляненні і добраўпарадкаванні «Магілёўэеленбуд» да канца чэрвеня абласны цэнтр упрыгожаць 1 млн 250 тыс. аднагадовых кветак. ТРК «Магілёў»
Больш за 200 працоўных месцаў прапануюць суіскальнікам на міні-кірмашы вакансій у Магілёве
У Магілёве на міні-кірмашы вакансій суіскальнікам прапануюць больш за 200 працоўных месцаў. Пра гэта паведамілі ва ўпраўленні па працы, занятасці і сацыяльнай абароне Магілёўскага гарвыканкама. Мерапрыемства будзе арганізавана 8 чэрвеня з 11.00 да 12.00 па вул. Касманаўтаў, 17. Свабодныя вакансіі для суіскальнікаў падрыхтавалі адразу некалькі працадаўцаў. Якія маюць патрэбу ў працаўладкаванні змогуць разгледзець больш за дзве сотні прапаноў.
У Магілёўскім раёне 31 мая адкрываецца першая змена ў аздараўленчым лагеры «Каласок»
Сёння, 31 мая, у 16:30 пройдзе ўрачыстае адкрыццё першай змены ў раённым аздараўленчым лагеры «Каласок». Як расказала галоўны спецыяліст аддзела па адукацыі Магілёўскага райвыканкама Анжэла Бушмялёва, лагер гатовы да прыёму дзяцей у адпаведнасці з усімі патрабаваннямі, штат на летні перыяд укамплектаваны педагогамі, поварамі і іншымі работнікамі. Нядаўна пра гэта гаварылася на апаратнай нарадзе кіруючых працаўнікоў Магілёўскага райвыканкама.
У Магілёўскай вобласці праіндэксаваны чэкі «Жыллё»
У Магілёўскай вобласці праіндэксаваны імянныя прыватызацыйныя чэкі «Жыллё». Гэта прадугледжана адпаведным рашэннем Магілёўскага аблвыканкама ад 22 траўня 2023 года № 24-18. Дакумент размешчаны на Нацыянальным прававым інтэрнет-партале. Індэкс росту кошту будаўніцтва жылля ў параўнанні з яго коштам на 31 снежня 1991 года для індэксацыі імянных прыватызацыйных чэкаў «Жыллё» ўстаноўлены на ўзроўні 27,504.
Фестываль да Дня абароны дзяцей у Магілёве збярэ больш за 1 тыс. школьнікаў
Абласны фестываль «Роднай зямлі шматгалоссе» пройдзе 30 мая ў магілёўскім парку культуры і адпачынку Паднікольле. Мерапрыемства збярэ больш за 1 тыс. школьнікаў з усяго рэгіёну, расказалі ў галоўным упраўленні па адукацыі Магілёўскага аблвыканкама.