Кулінарны фестываль «Спадарыня «Крыніца» запрашае» пройдзе 14 верасня ў Слаўгарадскім раёне
Кулінарны фестываль «Спадарыня «Крыніца» запрашае» пройдзе 14 верасня ў в. Кліны Слаўгарадскага раёна. Пра гэта паведамілі ў аддзеле ідэалагічнай работы, культуры і па справах моладзі Слаўгарадскага райвыканкама. Тут адбудзецца прэзентацыя страў нацыянальнай кухні «Усім да смаку нашы прысмакі», якія можна будзе прадэгуставаць. Найлепшым кулінарам уручаць заслужаныя ўзнагароды.
Начальнік галоўнага кантрольна-аналітычнага ўпраўлення Магілёўскага аблвыканкама Алег Дземенкавец правядзе прыём грамадзян у Дрыбіне
Начальнік галоўнага кантрольна-аналітычнага ўпраўлення Магілёўскага аблвыканкама Алег Мікалаевіч Дземенкавец 27 верасня з 12.00 да 14.00 правядзе прыём грамадзян у Дрыбінскім раённым выканаўчым камітэце (г. п. Дрыбін, вул. Леніна, 35). Папярэдні запіс на прыём ажыццяўляецца па тэлефонах: 8 (02248) 2 48 16, 2 53 24.
Да канца 2019 года ў Быхаўскі раён прыбудзе больш за 40 адзінак новай сельскагаспадарчай тэхнікі
У гаспадаркі Быхаўскага раёна працягвае паступаць новая тэхніка. На гэтыя мэты па дзяржаўнай праграме па пераадоленні катастрофы на Чарнобыльскай АЭС з рэспубліканскага бюджэту выдзелена Br 1,5 млн. Літаральна на гэтым тыдні паступіла яшчэ 8 сельскагаспадарчых машын для ўнясення мінеральных і арганічных угнаенняў. Іх ужо накіравалі ў ААТ «Вараніно», “Быхаўрайаграпрамтэхснаб», «Валадарскі», «Быхаўскі», «ПМК-85 Вадбуд», «Навабыхаўскі».
Першакурснікі БДСГА атрымаюць студэнцкія білеты, якімі можна расплачвацца
Сёлета першакурснікі БДСГА атрымаюць унікальны электронны студэнцкі білет, сумешчаны з банкаўскай плацежнай картай. Такі праект будзе запушчаны ўпершыню ў Магілёўскай вобласці. Новы білет стане пропускам у карпусы, бібліятэку, а таксама паўнавартасным плацежным інструментам – міжнароднай плацежнай банкаўскай картай, якой можна разлічвацца не толькі ў Беларусі, але і за мяжой, у інтэрнэт-магазінах, карыстацца дысконтнымі праграмамі, інтэрнэт-банкінгам.
У Быхаўскім раёне адкрыты Цэнтр адукацыі дарослых «Баркулаб»
Цэнтр адукацыі дарослых «Баркулаб» адкрыты ў Быхаўскім раёне. Ролю мясцовага «асветніка дарослых» узяў на сябе мясцовы фонд развіцця тэрыторый Быхаўскага раёна.
Восенню Крычаў стане пляцоўкай для міжнароднага пленэру «Сожская палітра»
Міжнародны пленэр «Сожская палітра» пройдзе ў Крычаве з 24 па 28 верасня. Прымяркуюць яго да Дня горада, паведамілі ў дзіцячай школе мастацтваў раённага цэнтра. Удзельнікамі пленэру стануць мастакі з Беларусі і Расіі. На новыя творы майстроў пэндзля натхніць Замкавая гара і іншыя мясцовыя славутасці, а яшчэ яркія фарбы восені. Зараз арганізатары пленэру прымаюць заяўкі. Адправіць іх можна на электронную поштуkrichevartskool@tut.by.
Намеснік Кіраўніка Адміністрацыі Прэзідэнта Беларусі Андрэй Кунцэвіч правёў урок для адзінаццацікласнікаў Гарадзецкага ВПК д/с – СШ Шклоўскага раёна
Традыцыйна першага верасня ва ўсіх установах адукацыі Шклоўскага раёна адбыліся ўрачыстыя лінейкі, прысвечаныя Дню ведаў.
У Чавусах у канцы верасня плануюць афіцыйна адкрыць абноўлены Ратушны сквер
У Чавусах напрыканцы верасня плануюць афіцыйна адкрыць абноўлены Ратушны сквер. Стары парк добраўпарадкавалі ў межах пілотнай ініцыятывы «Зялёная зона для амаладжэння гістарычнай часткі горада Чавусы»– адной са складнікаў вялікага праекта «КАМГАР», расказаў эксперт праекта Андрэй Пахоменка.
Выкарыстанне спартыўных аб’ектаў Магілёўскай вобласці – на кантролі КДК
Камітэт дзяржкантролю Магілёўскай вобласці вывучыў эфектыўнасць выкарыстання дзяржаўных сродкаў і маёмасці ў навучальна-спартыўнай установе «Клімавіцкі ЦФАР “Здароўе”». Пра гэта паведаміў намеснік старшыні ведамства Аляксей Іглікаў. Кантралёры выявілі неэфектыўнае выкарыстанне плавальнага басейна і міні-басейна, завышэнне справаздачных звестак аб іх загрузцы, незаконнае атрыманне ўстановай бюджэтных сродкаў на суму больш за Br 70 тыс., іншыя парушэнні, у тым ліку тыя, што пацягнулі прычыненне шкоды на суму Br 0,3 тыс.
Як чарвякі ператвараюць смецце ў суперугнаенне: майстар-клас ад клічаўскага фермера. Відэа
Проблему плодородия почвы, а заодно и переработки мусора в Кличеве решают с помощью… червей.
Начальнік Магілёўскай мытні Сяргей Іваноў правядзе прыём грамадзян у Горках
Начальнік Магілёўскай мытні Сяргей Валер’евіч Іваноў 4 верасня з 11.00 да 13.00 правядзе прыём грамадзян у Горацкім раённым выканаўчым камітэце. Папярэдні запіс на прыём ажыццяўляецца па тэлефоне Магілёўскай мытні 8 (0222) 29 90 12 або Горацкага райвыканкама 8 (02233) 7 64 54.
У аграгарадку Мышкавічы адбудзецца свята, прымеркаванае да 75-годдзя ўтварэння ААТ «Рассвет імя К. П. Арлоўскага»
У аграгарадку Мышкавічы Кіраўскага раёна 24 жніўня адбудзецца свята, прымеркаванае да 75-годдзя ўтварэння ААТ «Рассвет імя К. П. Арлоўскага». Мерапрыемствы пачнуцца ў 10.00 на пляцоўцы перад Мышкавіцкім СДК. Жыхароў і гасцей аграгарадка чакае канцэртна-забаўляльная праграма. Будуць арганізаваны аглядныя палёты Бабруйскага аэраклуба ДТСААФ, праца гандлёвых палатак, дзіцячых атракцыёнаў і катанне на конях. Гледачы таксама ўбачаць шоу парашутыстаў і канцэрт з удзелам зорак беларускай эстрады. Завершаць свята вячэрняя дыскатэка, фаер-шоу і салют.
За выхадныя ратавальнікі адшукалі ў лясах Магілёўскай вобласці трох аматараў збору грыбоў і ягад
Летні лес багаты не толькі на ягады і грыбы, але і на людзей, якія заблудзіліся ў гушчарах. Толькі 17 жніўня ратавальнікі ўдзельнічалі ў пошуках трох чалавек. Ніхто не пацярпеў, паведаміла старшы інспектар абласнога ўпраўлення МНС Вольга Нехарошых. Днём у лесе каля аграгарадка Заводская Слабада Магілёўскага раёна заблукаў 54-гадовы магілёвец. Усвядоміўшы, што не можа выйсці з лесу самастойна, ён патэлефанаваў па тэлефоне 101. Дзве гадзіны пошукаў далі станоўчы вынік: работнікі лясніцтва выявілі зніклага мужчыну.
Аляксандр Лукашэнка паразмаўляў з жыхарамі Касцюковічаў і расказаў аб прычынах прыезду
Прэзідэнт Беларусі Аляксандр Лукашэнка на заканчэнне рабочай паездкі ў Касцюковіцкі раён, дзе разглядаліся перспектывы далейшага развіцця паўднёва-ўсходняга рэгіёна Магілёўскай вобласці, паразмаўляў з жыхарамі райцэнтра.
Мемарандум аб устанаўленні адносін сяброўскага супрацоўніцтва падпісалі Круглянскі раён і кітайскі горад Сюйчжоу
Мемарандум аб устанаўленні адносін сяброўскага супрацоўніцтва падпісалі Круглянскі раён і кітайскі горад Сюйчжоу правінцыі Цзянсу. Дакумент змацавалі подпісамі падчас візіту дэлегацыі КНР у гэты рэгіён.
У дзіцячай школе мастацтваў Глуска ідзе рамонт
Да пачатку новага навучальнага года прыкметна зменіцца дзіцячая школа мастацтваў Глуска. Цяпер там ідзе бягучы рамонт, распавяла дырэктар ДШМ Аксана Мельнік. Абнаўляюць будынак дзве брыгады прыватнай будаўнічай фірмы з Бабруйска. Першымі ў трэцяй дэкадзе ліпеня прыехалі плітачнікі, якія заняліся рамонтам двух санвузлоў і класа харэаграфіі. Трохі пазней да іх падключыліся аддзелачнікі. На пачатак гэтага тыдня яны ўжо выканалі значную частку фасадных работ: прыбралі старую плітку, нанеслі тынкоўку, уцяплілі цокаль будынка.
Унікальнае дрэва расце ў Касцюковіцкіх лясах
Спіс помнікаў прыроды Магілёўскай вобласці можа папоўніць яшчэ адзін аб’ект. У лясах Касцюковіцкага раёна расце дуб, узрост якога амаль 200 гадоў. Каб вызначыць параметры дрэва, у рэгіён запрасілі спецыялістаў Інстытута эксперыментальнай батанікі Нацыянальнай акадэміі навук Беларусі. Вынік даследавання сведчаць аб тым, што дуб можа прэтэндаваць на атрыманне статусу помніка прыроды мясцовага значэння.
На пуцеправодзе ў Асіповічах пачаўся рамонт
На асіповіцкім пуцеправодзе, які эксплуатаваўся амаль 20 гадоў, пачаўся доўгачаканы рамонт. Гэты мост звязвае паўночную і паўднёвую часткі райцэнтра і з’яўляецца галоўнай гарадской транспартнай артэрыяй. У апошні час было шмат скаргаў ад кіроўцаў на стан асфальтавага пакрыцця і наяўнасць так званых тэмпературных швоў. Завяршыць рамонт плануецца да 1 лістапада.
У Магілёўскай вобласці рэалізуецца экалагічная ініцыятыва «Зялёная эканоміка саду для будучыні вёскі»
Сетку садаводчых гадавальнікаў створаць на тэрыторыі Краснапольскага, Слаўгарадскага, Чэрыкаўскага і Быхаўскага раёнаў Магілёўскай вобласці. Пра гэта паведаміла дырэктар мясцовага фонду развіцця «Старт-Усход» Аляксандра Чарткова.
Глуск рыхтуецца сустрэць «Дажынкі-2019»
У Магілёўскай вобласці пачалася падрыхтоўка да рэгіянальнага фестывалю-кірмашу працаўнікоў вёскі «Дажынкі-2019». Ён адбудзецца ў лістападзе ў Глуску. Маленькі гарадскі пасёлак на беразе ракі Пціч, нягледзячы на сваю аддаленасць ад Магілёва, сёння знаходзіцца ў цэнтры павышанай увагі. Абнаўляюць дамы, дарогі прыбіраюць у тратуарную плітку і новы асфальт. Працоўны настрой у Глуску пануе на кожнай вуліцы, бо да галоўнага свята хлебаробаў трэба многае паспець.
Дрэваапрацоўчы цэх адкрылі ў Клімавіцкім лясгасе
Дрэваапрацоўчы цэх адкрылі ў Клімавіцкім лясгасе
КДК працягвае кантроль за ліквідацыяй недахопаў на малочна-таварнай ферме ў аграгарадку Паршына Горацкага раёна
Камітэт дзяржаўнага кантролю Магілёўскай вобласці працягвае ажыццяўляць нагляд за ліквідацыяй недахопаў на малочна-таварнай ферме РУП «Вучгас БДСГА» ў аграгарадку Паршына Горацкага раёна. Пра гэта паведаміў начальнік упраўлення кантролю за працай аграпрамысловага і прыродаахоўнага комплексаў КДК Магілёўскай вобласці Вячаслаў Асмалоўскі.
Аматарам лясных дароў з Асіповіцкага і Круглянскага раёнаў спатрэбілася дапамога ратавальнікаў
Аматарам лясных дароў з Асіповіцкага і Круглянскага раёнаў 22 ліпеня спатрэбілася дапамога ратавальнікаў. Пра гэта паведаміла старшы інспектар абласнога ўпраўлення МНС Вольга Нехарошых. Каля 6 гадзін раніцы 37-гадовая жыхарка Ялізава Асіповіцкага раёна і яе 12-гадовы сын адправіліся ў лес у чарніцы і заблукалі. Праз 2 гадзіны пошукаў сям’я была знойдзена на адлегласці каля 3 км ад пасёлка. У шпіталізацыі жанчына і хлопчык не мелі патрэбы.
У Быхаўскім раёне згарэла 30 т сена
У Быхаўскім раёне згарэла 30 т сена. Пра гэта паведамляе Міністэрства па надзвычайных сітуацыях. Паведамленне пра гарэнне сцірты сена, якая належыць ААТ «Абідавічы», у полі каля в. Чырвоная Слабада Быхаўскага раёна паступіла 14 ліпеня ў 22.52. У выніку пажару знішчана 30 т сена. Пацярпелых няма. Работнікі МНС выратавалі 75 т сена. Прычына пажару высвятляецца. Усяго за мінулыя суткі ў Магілёўскай вобласці падраздзяленні МНС зрабілі 7 выездаў: адзін – на тушэнне пажару, шэсць – на аказанне тэхнічнай дапамогі.
Паэтычныя майстэрні з вядомымі літаратарамі ўпершыню пройдуць на «Вялікай бард-рыбалцы»
Міжнародны музычны фестываль «Вялікая бард-рыбалка», які пройдзе 26-28 ліпеня ў п. Грудзічна Быхаўскага раёна, запускае новы праект – «Паэтычныя майстэрні» ад Міжнароднай літаратурнай прэміі «Антонаўка 40+», паведамілі ў аргкамітэце творчага праекта.
У Глуску завяршаюць капітальны рамонт і мадэрнізацыю гімназіі
Гімназія Глуска 1 верасня адчыніць дзверы цалкам абноўленай. Палепшыцца яе матэрыяльна-тэхнічная база, распавёў дырэктар установы адукацыі Сяргей Сяргееў. На асноўным этапе капрамонту будаўнікі правялі цэлы комплекс работ, дзякуючы чаму энергазатраты будынка скароцяцца. Так, спецыялісты ўцяплілі фасад і склеп, замянілі дах, устанавілі новыя вокны і дзверы.
Лазневых спраў майстры з пяці краін збяруцца на «Вялікай бард-рыбалцы»
Лазневае свята «Лазенькі-2019», якое праходзіць падчас Х Міжнароднага музычнага фестывалю «Вялікая бард-рыбалка» 26-27 ліпеня, збярэ майстроў лазні з пяці краін: Беларусі, Расіі, Украіны, Літвы і Латвіі, паведамілі ў аргкамітэце мерапрыемства.
У Клічаўскім раёне службовая аўчарка дапамагла знайсці хлопчыка, які заблудзіў у лесе
У Клічаўскім раёне службовая аўчарка дапамагла знайсці 12-гадовага хлопчыка, які заблукаў у лесе. Пра гэта распавяла старшы інспектар абласнога ўпраўлення МНС Вольга Нехарошых. Днём 10 ліпеня дзіця разам з мамай адправілася ў лес каля в. Дубна па чарніцы і заблукала. Сітуацыя пагаршалася тым, што ў хлопчыка не было з сабой мабільнага тэлефона.
Цэнтр перапрацоўкі і вытворчасці мясцовай сельгаспрадукцыі створаць у Слаўгарадскім раёне
ЕС падтрымае 6 мясцовых ініцыятыў на 30 тыс. еўра ў Магілёўскай вобласці. Такі вынік кірмашу «Мясцовыя ініцыятывы для мікрарэгіёнаў развіцця», які прайшоў у Слаўгарадзе ў рамках праекта «Сеткавае ўзаемадзеянне для паляпшэння магчымасцей занятасці ў сельскіх раёнах Магілёўскай вобласці». Пра гэта паведаміў дырэктар Міжнароднага фонду развіцця сельскіх тэрыторый Сяргей Тарасюк.
Член Савета Рэспублікі Алег Дзячэнка сустрэўся з працоўным калектывам ЗАТ «Агракамбінат “Зара”»
Член Пастаяннай камісіі па адукацыі, навуцы, культуры і сацыяльным развіцці Савета Рэспублікі Нацыянальнага сходу Рэспублікі Беларусь Алег Дзячэнка наведаў адно з найбуйнейшых прадпрыемстваў аграпрамысловага комплексу Магілёўскай вобласці – ЗАТ «Агракамбінат “Зара”». Там ён сустрэўся і пагутарыў з працоўным калектывам на чале з генеральным дырэктарам Кацярынай Зароўскай, а таксама са старшынёй Пашкаўскага сельскага выканаўчага камітэта Віктарам Сцепаненкам.