БЧ уводзіць новую схему рассаджвання ў вагонах
Білеты на паязды Беларускай чыгункі з нумараванымі месцамі з 15 па 29 красавіка будуць афармляцца з выкарыстаннем новай схемы рассаджвання ў вагонах, паведамілі ў прэс-цэнтры БЧ. «Рассаджванне па новай схеме - часовая мера. Яна дасць магчымасць пасажырам захоўваць неабходную сацыяльную дыстанцыю ў купэйных, плацкартных вагонах і ў вагонах з месцамі для сядзення, рэкамендаваную Міністэрствам аховы здароўя ў сувязі з неспрыяльнай эпідэміялагічнай сітуацыяй», - растлумачылі ў прэс-цэнтры.
У Беларусі прыняты меры стымулявання да выкарыстання насельніцтвам электрычнай энергіі
Прэзідэнт Беларусі Аляксандр Лукашэнка 14 красавіка падпісаў указ нумар 127 «Аб пакрыцці расходаў на электразабеспячэнне эксплуатуемага жыллёвага фонду». Аб гэтым паведамілі ў прэс-службе беларускага лідара. Дакумент прыняты ў мэтах стымулявання насельніцтва да выкарыстання электрычнай энергіі для патрэб ацяплення, гарачага водазабеспячэння і гатавання ежы. Гэта датычыцца аднакватэрных жылых дамоў.
Больш за 76 тыс. тэстаў на каранавірус праведзена ў Беларусі
У Беларусі на 15 красавіка праведзена 76198 тэстаў на каранавірусную інфекцыю, паведамілі ў прэс-службе Міністэрства аховы здароўя. Для тэсціравання задзейнічаны 24 лабараторыі. Яны адкрыты як у рэспубліканскіх навукова-практычных цэнтрах і цэнтрах гігіены, эпідэміялогіі і грамадскага здароўя, так і ў прыватных медыцынскіх цэнтрах. Зарэгістраваны 3728 чалавек з наяўнасцю каранавіруснай інфекцыі. У прэс-службе ўдакладнілі, што 68 пацыентаў маюць патрэбу ў падтрымцы апарата штучнай вентыляцыі лёгкіх.
Тэлеканал «Беларусь 4 “Магілёў”» 16 красавіка наладзіць дамашні канцэрт
Тэлеканал «Беларусь 4 “Магілёў”» 16 красавіка наладзіць дамашні канцэрт. У чацвер у праграме «IV студыя» прымуць удзел музыканты з розных гарадоў Беларусі, але знаходзячыся не ў тэлестудыі, а ў сябе дома. Прамы эфір – на «Беларусь 4 “Магілёў”» і ў групе УКантакце–у 19.05. P.S. Калі вы музыкант і ў вас ёсць жаданне прыняць удзел у «Дамашнім канцэрце», які адбудзецца 23 красавіка, звяжыцеся з ТРК.
«Днепр-Магілёў» пачынае выступленне ў чэмпіянаце ў другой лізе. Каляндар матчаў
18 красавіка стартуе чэмпіянат Беларусі па футболе ў другой лізе. Турнір пройдзе ў кругі. Плануецца згуляць 22 матчы. Апошняя гульня запланавана на 3 кастрычніка. Паколькі ў групе «Б», дзе выступае «Днепр-Магілёў», няцотная колькасць каманд – 11, то кожны тур нейкая каманда будзе прапускаць. «Днепр» прапусціць першы тур і правядзе сваю першую сустрэчу дома ў другім туры 25 красавіка з камандай «Асіповічы».
Першы ў Магілёве электрычны дом здадуць у маі
Першы ў Магілёве электрычны дом здадуць у маі. Эксперыментальны трохпавярховік на 24 кватэры будуюць на вуліцы Вароўскага, як паведамілі ў аддзеле будаўніцтва Магілёўскага гарвыканкама. Зараз работнікі ААТ «Будтрэст № 12»уцяпляюць фасад і завяршаюць цагляны мур трэцяга паверха. Затым зоймуцца добраўпарадкаваннем. Дом будзе арэндным. Галоўная «фішка» новабудоўлі ў тым, што для ацяплення, падагрэву вады і прыгатавання ежы жыхары будуць выкарыстоўваць электраэнергію. У перспектыве з’явяцца і іншыя, праўда, гэта будуць ужо высоткі.
Моладзь Круглянскага раёна зрабіла шматразовыя медыцынскія маскі для работнікаў мясцовай бальніцы
Моладзь Круглянскага раёна зрабіла шматразовыя медыцынскія маскі для работнікаў мясцовай бальніцы. Сёння валанцёры ГА «БРСМ» перададуць іх у медыцынскую ўстанову. «Такім чынам навучэнцы ДУА «Сярэдняя школа №2 г. Круглае» вырашылі паказаць, як правесці канікулы з карысцю для сябе і грамадства. Валанцёры спадзяюцца, што акцыю #Разам супраць віруса падтрымаюць усе неабыякавыя людзі», – адзначыў першы сакратар Круглянскага ГА «БРСМ» Ільдар Сцяпанаў.
Абласное ўпраўленне МНС сумесна і ААТ «Бабушкина крынка» запускаюць конкурс «Страва бяспекі»
Абласное ўпраўленне МНС і найбуйнейшая малочная кампанія Беларусі ААТ «Бабушкина крынка»з сённяшняга дня запускаюць конкурс«Страва бяспекі». Пра гэта паведаміла старшы інспектар ведамства Вольга Нехарошых. Прыняць удзел у творчым спаборніцтве можа любы жыхар рэгіёна. Для гэтага неабходна прыгатаваць страву на тэму бяспекі, зняць відэа ці зрабіць сэлфі, прымацаваць рэцэпт і даслаць да 24 красавіка на электронны адрас 275723@mail.ru.
«Славянка» выпусціла першую партыю касцюмаў біялагічнай абароны
Першую партыю касцюмаў біялагічнай абароны для сістэмы аховы здароўя Магілёўскай вобласці сёння выпусціла ААТ «Славянка». Пра гэта паведаміў дырэктар Бабруйскага тэкстыльнага прадпрыемства Тэймураз Бачарышвілі.
Прамую тэлефонную лінію 17 красавіка правядзе намеснік старшыні камітэта эканомікі Магілёўскага аблвыканкама Павел Марыненка
У пятніцу, 17 красавіка, прамую тэлефонную лінію правядзе намеснік старшыні камітэта эканомікі Магілёўскага аблвыканкама Павел Леанідавіч Марыненка. З 10.00 да 12.00 па нумары (8 0222) 22-17-22 ён адкажа на актуальныя пытанні развіцця і падтрымкі прадпрымальніцтва.
У Магілёўскай вобласці зарэгістраваны 151 пацверджаны выпадак каранавіруснай інфекцыі
Паводле даных на раніцу 14 красавіка, у Магілёўскай вобласці быў зарэгістраваны 151 пацверджаны выпадак каранавіруснай інфекцыі. Пра гэта паведаміў начальнік галоўнага ўпраўлення па ахове здароўя Магілёўскага аблвыканкама Аляксандр Старавойтаў.
У Беларусі праведзена больш за 71,8 тыс. тэстаў на COVID-19
Па стане на 14 красавіка ў Беларусі праведзена 71 тыс. 875 тэстаў на каранавірусную інфекцыю, паведамілі ў прэс-службе Міністэрства аховы здароўя. Для тэсціравання задзейнічаны 17 лабараторый. Зарэгістраваны 3281 чалавек з наяўнасцю каранавіруснай інфекцыі. «З іх шпіталізаваны 2444 чалавекі. У астатняй часткі пацыентаў захворванне праходзіць у лёгкай форме, яны лечацца амбулаторна», - удакладнілі ў прэс-службе.
Аляксандр Лукашэнка: у Беларусі прымаюцца ўсе неабходныя меры па прадухіленні распаўсюджвання ўсялякіх інфекцый
У Беларусі прымаюцца ўсе неабходныя меры па прадухіленні распаўсюджвання ўсялякіх інфекцый. Аб гэтым Прэзідэнт Беларусі Аляксандр Лукашэнка заявіў сёння на рабочай сустрэчы членаў Вышэйшага Еўразійскага эканамічнага савета, якая адбылася ў рэжыме відэаканферэнцыі. «Хачу вас запэўніць, што ў Рэспубліцы Беларусь прымаюцца ўсе неабходныя меры па прадухіленні распаўсюджвання ўсялякіх інфекцый. Яны поўнасцю адпавядаюць патрабаванням і нормам Сусветнай арганізацыі аховы здароўя», - падкрэсліў Аляксандр Лукашэнка.
Бессімптомная перадача каранавіруса можа адбывацца ў 70 працэнтах выпадкаў – вучоныя
На думку сінгапурскіх вучоных, перадача каранавіруса ад бессімптомных носьбітаў з'яўляецца адным з галоўных выклікаў барацьбы з ім, паведамляе ТАСС са спасылкай на газету The Straits Times. Вынікі даследаванняў паказваюць, што ад 50 да 70 працэнтаў ужо інфіцыраваных COVID-19 не маюць ніякіх сімптомаў, у такім стане яны могуць знаходзіцца да чатырох тыдняў, распаўсюджваючы пры гэтым вірус, адзначаюць сінгапурскія спецыялісты па інфекцыйных захворваннях.
Дабрачынны музычны анлайн-марафон у падтрымку медыкаў пройдзе 16 красавіка
Дабрачынны музычны анлайн-марафон «Дабро» пройдзе 16 красавіка ў падтрымку беларускіх медыкаў, а менавіта - для збору ахвяраванняў на закупку і вытворчасць сродкаў аховы, паведамілі арганізатары. «Медыкі, якія цяпер на перадавой барацьбы з пандэміяй, востра маюць патрэбу ў ахоўных сродках. Яны ж рызыкуюць кожны дзень, клапоцячыся пра нас з вамі. Мы хочам праз творчасць заклікаць людзей не заставацца ўбаку. А таксама падарыць 10 гадзін музыкі тым, хто ратуе жыцці ў час эпідэміі каранавіруса», - растлумачылі арганізатары.
ААТ «Магатэкс» часова перапрафілявалася на вытворчасць сродкаў індывідуальнай абароны
ААТ «Магатэкс» перапрафілявала швейную вытворчасць на выраб шматразовых павязак для твару. На гэтым прадпрыемстве ў Магілёве, а таксама філіялах у Кобрыне, Полацку і Быхаве выпускаюць сродкі індывідуальнай абароны. У планах нарасціць аб’ёмы да 80 тыс. павязак за суткі.
Не пазней за 20 красавіка ў інспекцыю МПЗ Магілёўскай вобласці павінна быць пададзена інфармацыя аб выкананых таксі перавозках пасажыраў
Не пазней за 20 красавіка ў інспекцыю МПЗ Магілёўскай вобласці павінна быць пададзеная інфармацыя аб выкананых аўтамабільных перавозках пасажыраў аўтамабілямі таксі за 1 квартал 2020 года.
На грошы Беларускага фонду міру закупленыя сродкі індывідуальнай абароны і антысептыкі для медустаноў Магілёва
Больш за Br40 тыс. вылучыла рэгіёну Магілёўскае абласное аддзяленне Беларускага фонду міру для забеспячэння якаснай і бяспечнай працы медыкаў у сувязі з пандэміяй каранавіруснай інфекцыі. Як паведаміла намеснік галоўнага ўрача Магілёўскай цэнтральнай паліклінікі Ала Ляховіч, з гэтых грошай больш чым на Br10 тыс. ужо набытыя сродкі індывідуальнай абароны, аптэсептыкі і інш. Для амбулаторна-паліклінічных устаноў абласнога цэнтра (дзіцячых і дарослых паліклінік, у тым ліку стаматалагічных), станцыі хуткай медыцынскай дапамогі, Дома дзіцяці, бальніцы сястрынскага догляду.
Вырошчванню маладняку ў Магілёўскім раёне надаюць асаблівую ўвагу
Жывёлаводы Прыдняпроўскага краю нарошчваюць пагалоўе жывёлы, а аб’ёмы малака сёлета плануюць павялічыць на 10 працэнтаў. Вырошчванню маладняку ў ААТ «Кадзіна» Магілёўскага раёна надаюць асаблівую ўвагу. З гэтай мэтай тут пабудавалі два прафілакторыі, разлічаныя на 300 галоў. За два гады ў гаспадарцы не страцілі ніводнага цяляці. Захаванасць жывёлы складае 100 працэнтаў. У дапамогу жывёлаводам сёння і інавацыі, і вопыт мудрых настаўнікаў. Калі пашпарт жывёлы ў камп’ютары, яе жыццё як на далоні.
Амаль 68 тыс. тэстаў на каранавірус праведзена ў Беларусі
У Беларусі па стане на 13 красавіка праведзена амаль 68 тыс. тэстаў на каранавірусную інфекцыю. Задзейнічаны рэсурсы 17 лабараторый, як паведамілі ў прэс-службе Міністэрства аховы здароўя. Зарэгістравана 2919 чалавек з наяўнасцю каранавіруснай інфекцыі. У большай часткі пацыентаў захворванне працякае ў лёгкай ці сярэдняй форме, 55 мае патрэбу ў падтрымцы апарата штучнай вентыляцыі лёгкіх. Пасля лячэння выздаравелі і выпісаны 203 чалавекі. Памерла 29 пацыентаў з шэрагам хранічных захворванняў з выяўленай каранавіруснай інфекцыяй.
Белтэлерадыёкампанія напярэдадні Вялікадня правядзе 11 прамых трансляцый набажэнстваў для хрысціян
Напярэдадні светлага свята Уваскрасення Хрыстова Белтэлерадыёкампанія прапануе вернікам далучыцца да анлайн-трансляцый набажэнстваў, якія сёлета для каталікоў і праваслаўных медыяхолдынг арганізуе ў поўным аб’ёме і ў прамым эфіры. Поўны спіс трансляцый: 9 красавіка, 19.00, тэлеканал «Беларусь 3»– прамая трансляцыя набажэнства ў Вялікі Чацвер з архікафедральнага касцёла Найсвяцейшай Панны Марыі ў Мінску. 10 красавіка, 19.00, тэлеканал «Беларусь 3»– прамая трансляцыя набажэнства ў Вялікую Пятніцу з архікафедральнага касцёла Найсвяцейшай Панны Марыі ў Мінску.
Прамую тэлефонную лінію правядзе 18 красавіка намеснік старшыні аблвыканкама Руслан Страхар
Прамую тэлефонную лінію правядзе 18 красавіка намеснік старшыні аблвыканкама Руслан Барысавіч Страхар. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Музей гісторыі Магілёва падрыхтаваў віртуальную экскурсію па горадзе эпохі Магдэбургскага права
Віртуальную экскурсію па экспазіцыі «Магілёў эпохі Магдэбургскага права» падрыхтаваў для сваіх наведвальнікаў Музей гісторыі Магілёва. Пра гэта расказалі ва ўстанове культуры.
За выхадныя дні ў Магілёўскай вобласці адбылося 13 пажараў, 30 разоў ратавальнікі выязджалі на тушэнне сухой расліннасці
За выхадныя дні ў Магілёўскай вобласці адбылося 13 пажараў, 30 разоў ратавальнікі выязджалі на тушэнне сухой расліннасці, 2 – на тушэнне лесу. Загінулі 3 чалавекі, як паведаміла старшы інспектар абласнога ўпраўлення МНС Вольга Нехарошых.
Супрацьэпідэміялагічныя меры прынятыя на ўсіх прызыўных пунктах Магілёўшчыны
Прызыўная кампанія на Магілёўшчыне праходзіць у звычайным рэжыме, аднак пры строгім захаванні супрацьэпідэміялагічных мер. Пра гэта расказаў ваенны камісар вобласці Аляксандр Гарошкін. Вясновы прызыў у Магілёўскай вобласці стартаваў два месяцы таму. Самы складаны этап кожнай такой кампаніі–медыцынскі агляд. Менавіта яго зараз праходзяць будучыя салдаты.
Бацькам будуць выдаваць даведку на час самаізаляцыі дзяцей–кантактаў па COVID-19
Бацькам будуць выдаваць даведку аб часовай непрацаздольнасці на час самаізаляцыі іх дзяцей, якія сталі кантактамі першага або другога ўзроўню ў сувязі з COVID-19, паведамілі ў прэс-службе Міністэрства аховы здароўя, каментуючы пастанову ведамства № 34 ад 9 красавіка 2020 года. Дакумент уносіць змены ў Інструкцыю аб парадку правядзення экспертызы часовай непрацаздольнасці, зацверджаную пастановай Міністэрства аховы здароўя № 104 ад 24 снежня 2014 года.
Алена Богдан: рост колькасці інфіцыраваных COVID-19 у Беларусі – прагназаваная тэндэнцыя
Рост колькасці інфіцыраваных COVID-19 у Беларусі–прагназаваная тэндэнцыя. Пра гэта ў эфіры тэлеканала СТВ паведаміла намеснік міністра аховы здароўя Алена Богдан. Алена Богдан пракаментавала дастаткова сур’ёзны рост колькасці інфіцыраваных. «Натуральна, гэта чакана, гэта прагназавана. І як бы нам ні хацелася, каб гэтага росту не было, усё роўна вопыт іншых краін паказвае, што тэмпы захворвання будуць павялічвацца», – канстатавала яна.
У аблвыканкаме ўшаноўвалі пераможцаў конкурсу па прысваенні ганаровага звання «Чалавек года Магілёўшчыны»
У аблвыканкаме сёння адбылася цырымонія ўшанавання пераможцаў штогадовага конкурсу па прысваенні ганаровага звання «Чалавек года Магілёўшчыны». Сярод 15 узнагароджаных – кіраўнікі прадпрыемстваў, арганізацый, работнікі сацыяльнай сферы і тыя, хто дамогся высокіх вынікаў у прафесійнай і грамадскай дзейнасці.
У Беларусі зноў працягваюць вясновыя школьныя канікулы
У Беларусі прынята рашэнне аб новым падаўжэнні вясновых школьных канікул – да 18 красавіка. Пра гэта паведамілі ў Адміністрацыі Прэзідэнта Беларусі. «З улікам існуючай эпідэміялагічнай абстаноўкі, сезонным уздымам захворвання па вострых рэспіраторных вірусных інфекцыях, грыпе, іншых інфекцыях і неабходнасцю стабілізацыі абстаноўкі кіраўніком дзяржавы падтрымана прапанова Мінадукацыі і Міністэрства аховы здароўя аб працягу вясновых канікул ва ўстановах агульнай сярэдняй адукацыі да 18 красавіка»,– праінфармавалі ў Адміністрацыі Прэзідэнта.
Не правярайце на справе, наколькі для вас небяспечны каранавірус – парламентарыі ад Магілёўшчыны звярнуліся да жыхароў вобласці
Дэпутаты Палаты прадстаўнікоў Нацыянальнага сходу Рэспублікі Беларусь сёмага склікання ад Магілёўшчыны звярнуліся да жыхароў вобласці, заклікаючы быць уважлівымі да свайго здароўя і здароўя блізкіх, а таксама быць адказным за свае паводзіны: